Terminlər lüğəti

Reklam Fiziki və hüquqi şəxslər, əmtəə, ideya və yeniliklər (reklam informasiyası) haqqında maraq formalaşdırmaq və ya bu marağı saxlamaq, əmtəənin satılmasına, ideya və yeniliklərin həyata keçirilməsinə kömək göstərmək məqsədi ilə yayılan informasiya.

Reklam agentliyi Hüquqi şəxs olan, reklam istehsalı və yayımı ilə bağlı kompleks xidmətlər göstərən peşəkar təşkilat.

Reklam daşıyıcısı Mülkiyyət formasından asılı olmayaraq, reklamın istehlakçıya bilavasitə çatdırılması üçün istifadə olunan (kütləvi informasiya vasitələri, kino, audio, video və nəşr məhsulları, stasionar, mobil və digər texniki qurğu və avadanlıqlar) istənilən vasitə.

Reklam istehlakçısı Nəticə etibarilə ona təsir edən, yaxud edə bilən reklam məlumatı nəzərinə çatdırılan fiziki və ya hüquqi şəxs.

Reklam istehsalçısı Reklam informasiyasını yayım üçün tam və ya qismən hazırlayan fiziki və ya hüquqi şəxs.

Reklam lotereyası Malların satışı (xidmətlərin göstərilməsi) yolu ilə keçirilən və uduşu, lotereyanın şərtlərindən asılı olaraq, məlum vaxtda uduşun oynanılması ilə, yaxud mal alındıqdan (xidmət göstərildikdən) dərhal sonra lotereyada iştirak hüququ verən vasitə ilə müəyyən olunan lotereya növü.

Reklam sifarişçisi Reklamın istehsalı, yerləşdirilməsi və yayılması üçün reklam informasiyasının mənbəyi olan fiziki və ya hüquqi şəxs.

Reklam yayıcısı Əmlakdan, o cümlədən kütləvi informasiya vasitələrindən, istifadə və ya onun istifadəyə verilməsi yolu ilə və digər üsullarla reklamı yerləşdirən (yayan) fiziki və ya hüquqi şəxs.

Rekreasiya İstirahət.

Rekreasiya əraziləri Əhalinin istirahəti və sağlamlığının bərpası üçün ayrılmış ərazilər və yaradılmış komplekslər.