Terminlər lüğəti

Hava gəmisinin sahibi Hava gəmisi üzərində mülkiyyət, icarə və ya istifadə hüququna malik olan şəxs.

Hava gəmisinin zəbt edilməsi Zorakılıq və ya onun tətbiq edilməsi hədəsi ilə havada və ya yerdə olan hava gəmisi üzərində qanunsuz nəzarətin həyata keçirilməsi əməliyyatı.

Hava hərəkəti Hava gəmilərinin uçuşları və ya manevr meydanında hərəkətləri.

Hava hərəkətinə xidmət Hava hərəkətinə uçuş-informasiya, aerometeoroloji, məsləhət xidmətlərinin göstərilməsi, hava hərəkəti xidmətinin qəza haqqında xəbərdarlıq edilməsi, hava hərəkətinin idarə edilməsi, hava hərəkətinə dispetçer, o cümlədən rayon dispetçer, yaxınlaşma dispetçer və ya aerodrom dispetçer xidmətlərinin göstərilməsi.

Hava hərəkətinin idarə edilməsi (hava hərəkətinə dispetçer xidmətinin göstərilməsi)—Hava gəmilərinin bir-biri ilə və ya manevretmə meydanında olan maneələrlə toqquşmalarının qarşısının alınması, hava hərəkəti axınının sürətləndirilməsi və nizamlı axınının saxlanması məqsədi ilə hava hərəkətinə göstərilən xidmət.

Hava limanı Hava gəmilərinin qəbulu və yola salınması, hava daşımalarına xidmət göstərilməsi üçün nəzərdə tutulan və müvafiq aerodromu, aerovağzalı, digər yerüstü tikililəri, lazımi avadanlığı olan qurğular kompleksi.

Hava məkanı Azərbaycan Respublikasının ərazisi, Xəzər dənizinin (gölünün) Azərbaycan Respublikasına məxsus sektoru və daxili suları üzərində hava sahəsi.

Hemofiliya Qanın laxtalanma sistemində olan VIII və (və ya) IX faktorların çatışmaması ilə xarakterizə olunan irsi qan xəstəliyi.

Hesab-proforma Mal partiyasının qiyməti və dəyəri haqqında məlumatlar göstərilən, lakin haqq-hesab sənədi hesab olunmayan sənəd (qısa bəyannamə şəklində istifadə oluna bilər).

Hesab-qaimə (invoys) Mala görə ödəniləsi məbləği göstərən sənəd, malın üstündə göndərilən qaimə şəklində istifadə oluna bilər.