Terminlər lüğəti

Tranzit bəyannaməsi Tranzit gömrük rejimi altında yerləşdirilən malların bəyan edilməsi zamanı istifadə olunan gömrük bəyannaməsi.

Tranzit mal Tranzit gömrük rejiminə uyğun Azərbaycan Respublikasının gömrük ərazisindən keçirilən, barəsində gömrük ödənişləri ödənilməsinin təmin edilməsi tətbiq edilən mal.

Trassant Köçürmə vekselini verən şəxs.

Trassat Köçürmə vekselinin ödəyicisi.

Tullantı suları İstehlakçıların istifadə edərək çirkləndirdiyi sular, sənaye texnologiyası ilə əlaqədar olaraq çirklənmiş sular, həmçinin yaşayış məntəqəsində insanların fizioloji qalıqları (ifaz maddələri) ilə qarışmış mayelər, baş vermiş qəzalar zamanı ətraf mühitə və kanalizasiya sisteminə atılan şərti təmiz sular.

Tullantıların emalı Onların toplanması, saxlanılması, çeşidlənməsi, daşınması və zərərsizləşdirilməsi prosesindən ibarət məqsədyönlü fəaliyyət.

Tullantıların yerləşdirilməsi Tullantıların saxlanılması və ya basdırılması üzrə həyata keçirilən fəaliyyət.

Tullantıların zərərsizləşdirilməsi Ətraf mühitə və insanın sağlamlığına təsirini azaltmaq məqsədilə tullantıların xüsusi qurğularda emalı (o cümlədən yandırılması) və ya basdırılması.

Tur Konkret müddətdə konkret marşrut üzrə fərdi və ya qrup halında səfərdən ibarət olan, turizm məhsulunun vauçer şəklində satılan forması.

Turagent Turoperator tərəfindən turların satışı, turizm məhsulunun hərəkətə gətirilməsi və satışı üzrə vasitəçilik fəaliyyəti göstərən fiziki və ya hüquqi şəxs.