Terminlər lüğəti

Özügedən maşınlar Tırtıllı traktorlar da daxil olmaqla tikintidə, meşə və kənd təsərrüfatında, başqa işlərdə istifadə üçün nəzərdə tutulan nəqliyyat vasitəsi.

Özünüməşğulluq Əmək qabiliyyətli şəxslərin müstəqil surətdə özünü işlə təmin etməsi.

Özünümüdafiə silahı Yalnız hücumu dəf etmək təyinatına malik olan gözyaşardıcı, qıcıqlandırıcı və ya qısa müddətə sinir-iflicedici maddələrlə təchiz edilmiş tapança (revolver), mexaniki-püsgürdücü və ya aerozol qurğulu qaz silahı.

Parklanma Nəqliyyat vasitəsinin onun üçün xüsusi ayrılmış müvafiq qaydada işarələnmiş yerdə durması.

Parlaq Yüksək keyfiyyətli, döymə texnologiyası ilə hazırlanmış, səthi düz, parıldayan, relyefi dəqiq olan, üzərində gözlə görünən cızıq, xətt və digər qüsurları olmayan parlaq keyfiyyətli xatirə sikkələridir.

Pasiyent Psixi pozuntu vəziyyətində olan və ya psixiatriya yardımından istifadə edən şəxs.

Patent İxtira, faydalı model və sənaye nümunəsi üçün müvafiq icra hakimiyyəti orqanı tərəfindən verilən mühafizə sənədi.

Paylayıcı qurğu Elektrik şəbəkəsinin bir hissəsi olaraq, istehlakçılara elektrik enerjisini çatdıran elektrik qurğuları.

Pensiya kapitalı Müvafiq olaraq fərdi hesabın sığorta hissəsində qeydə alınan və fərdi hesabın yığım hissəsində toplanan vəsaitlərin məbləği.

Perron Quruda yerləşən aerodromun sərnişinlərin mindirilməsi və düşürdülməsi, poçt və ya yükün yüklənməsi və boşaldılması, yanacaqdoldurma, dayanacaq və texniki xidmət məqsədilə hava gəmilərinin yerləşdirilməsi üçün nəzərdə tutulan sahə.