Terminlər lüğəti

Müdiriyyət Mülkiyyət və təsərrüfatçılıq formasından asılı olmayaraq müəssisələrin işçilərlə əmək müqaviləsi (bağlaşması) bağlamaq, bu müqaviləni pozmaq və ya dəyişdirmək hüququna malik vəzifəli şəxsləri, habelə mülkiyyətçi və ya onun müvəkkil e tdiyi idarəetmə orqanı.

Müəllif Əsərin yaradıcısı olan fiziki şəxs.

Müəssisə Mülkiyyətçinin təşkilati-hüquqi formasından, adından və fəaliyyət növündən asılı olmayaraq Azərbaycan Respublikasının qanunvericiliyinə müvafiq olaraq yaratdığı hüquqi şəxs, onun filialı, nümayəndəliyi.

Müəssisə əmlakı Müəssisənin dövriyyə və dövriyyədənkənar aktivlərinin məcmuudur.

Müəssisənin aktivi Müəssisənin əsas vəsaitindən, digər uzunmüddətli vəsait qoyuluşundan, dövriyyə vəsaitindən və maliyyə aktivlərindən (qeyri-maddi aktivlər də daxil olmaqla) ibarət əmlak.

Müəssisənin passivi Müəssisənin kreditor borcu da daxil olmaqla borc və cəlb edilmiş vəsaitdən (subvensiyalar, dotasiyalar və s. istisna olunmaqla) ibarət öhdəlik.

Müəssisənin, obyektin start qiyməti Qanunvericiliklə nəzərdə tutulmuş qayda tətbiq edilməklə əmlakın hesablanmış və ilk hərraca çıxarılma qiyməti.

Müflisləşmə Borclunun öz öhdəliklərinin ödəmə qabiliyyətinin olmaması.

Mühafizə olunan obyekt Özəl mühafizə müəssisəsi və ya hüquqi şəxsin mühafizə bölməsi tərəfindən hüquqa zidd qəsdlərdən mühafizə edilən daşınmaz (binalar, tikililər, qurğular, ərazilər və s.) və burada yerləşən daşınar əmlak (nəqliyyat vasitələri, avadanlıqlar, pul vəsaitləri, qiymətli əşyalar və s.)

Mühafizə olunan seleksiya nailiyyəti Dövlət reyestrinə daxil olan, petentləşmiş bitki materialı və damazlıq ehtiyatı.