Terminlər lüğəti

Mülki müdafiə sistemi Mülki müdafiənin vəzifələrinin yerinə yetirilməsi həvalə edilmiş müvafiq icra hakimiyyəti orqanlarının, qüvvə və vasitələrin, xüsusi fondların, rabitə, xəbərdarlıq və informasiya təminatlı sistemlərinin məcmusu.

Mülki silah Özünümüdafiə, ov və idmanla məşğul olma üçün nəzərdə tutulmuş silah.

Mülkiyyət hüququ Subyektin ona mənsub əmlaka (əşyaya) öz istədiyi kimi sahib olmaq, ondan istifadə etmək və ona dair sərəncam vermək üzrə dövlət tərəfindən tanınan və qorunan hüququdur.

Müntəzəm kataloq Bilik sahələri üzrə mövcud fondun məzmununu açıqlayır.

Müqavilə Mülki hüquq və vəzifələrin müəyyənləşdirilməsi, dəyişdirilməsi və ya xitamı haqqında iki və ya bir neçə şəxsin razılaşması.

Mürəkkəb çatışmazlıq Fiziki çatışmazlığın, əqli və (və ya) psixi ləngimələrin məcmusu.

Mürəkkəb əmlak Əgər müxtəlif növlü əşyalar ümumi təyinat üzrə istifadə edilməsini nəzərdə tutan vahid tam yaradırlarsa, bir əmlak (mürəkkəb əmlak) sayılırlar. Mürəkkəb əmlak barəsində bağlanmış əqdin qüvvəsi, əgər müqavilədə ayrı qayda nəzərdə tutulmayıbsa, onun bütün tərkib hissələrinə şamil edilir.

Müsadirə Qanunda nəzərdə tutulmuş hallarda mülkiyyətçidən əmlakın törədilmiş cinayətə görə sanksiya kimi məhkəmənin hökmü ilə əvəzsiz alına bilməsi.

Müşahidə Məlumatların yığılması və onların qiymətləndirilməsi əsasında ekspert rəyinin hazırlanması.

Müşahidə zonası Sanitar-mühafizə zonasının hüdudları xaricində radiasiya nəzarəti aparılan ərazi.