Terminlər lüğəti

Yük (karqo) manifesti Hava gəmisi bortunda daşınan mallar haqqında məlumatları əks etdirən yük cədvəli.

Yük avtonəqliyyat vasitəsi Konstruksiyasına və təchiz edilmiş avadanlığına görə yük daşınması üçün nəzərdə tutulmuş nəqliyyat vasitəsi

Yükalan Avtomobil nəqliyyatı ilə yük daşınması müqaviləsinə və ya digər müvafiq sənədlərə əsasən yükü almaq səlahiyyəti olan hüquqi və ya fiziki şəxs

Yükgöndərən Adından yük göndərilməsi rəsmiləşdirilən hüquqi və ya fiziki şəxs

Zaminlik Başqa şəxsin kreditoru qarşısında həmin şəxsin öz öhdəliyini tamamilə və ya hissə-hissə icra etməsi üçün məsuliyyəti öz üzərinə götürməsi.

Zavod at cinsləri Damazlıq özəkləri olan, atçılıq zavodlarında yetişdirilən cins atlar

Zəmanət müddəti Müvafiq normativ sənədlərdə nəzərdə tutulmuş zəmanət öhdəliklərinin qüvvədə olduğu müddət.

Zərər Cinayət nəticəsində zərər çəkmiş şəxsə vurulmuş mənəvi, fiziki və ya maddi ziyan.

Zərərli və çirkləndirici maddələr Atmosfer havasına atılan və müəyyən qatılıq həddində insan sağlamlığına və ətraf mühitə zərərli təsir göstərən maddələr və ya onların qarışıqları.

Zəruri müdafiə Müdafiə vəziyyətində edilən hərəkət hüquqa uyğun, yəni hüquqa zidd olmayan özünümüdafiə.