Terminlər lüğəti

İndossat Ötürücü yazı (indossament) əsasında veksel ötürülən şəxs.

İnformasiya Təqdimat formasından asılı olmayaraq şəxslər, əşya, fakt, hadisə və proseslər haqqında məlumatlar.

İnformasiya ehtiyatları İnformasiya sistemlərində (kitabxanalarda, arxivlərdə, fondlarda, məlumat banklarında və s.) olan sənədlər və sənəd massivləri, habelə ayrıca mövcud olan sənədlər və onların massivləri.

İnformasiya prosesləri İnformasiyanın yaradılması, yığılması, işlənməsi, saxlanması, axtarışı, yayılması.

İnformasiya sahibi İnformasiya əldə etmək hüququnu təmin etmək üçün Qanunla müəyyənləşdirilən dövlət orqanları, bələdiyyələr, mülkiyyət növündən asılı olmayaraq yaradılmış hüquqi şəxslər və fiziki şəxslər

İnformasiya sistemi İnformasiya texnologiyaları və sənədlərinin təşkilati və texniki qaydada, o cümlədən hesablama texnikasındən istifadə edilməklə, nizamlanmış məcmusu.

İnformasiya sistemləri mülkiyyətçisi Göstərilən obyektlər üzərində tam sahiblik, istifadə, sərəncamvermə hüququnu həyata keçirən subyekt.

İnformasiya sistemlərinin təminat vasitələri İnformasiya sistemlərinin və texnologiyalarının yaradılması zamanı hazırlanan və onların istismarını təmin edən proqram, texniki, linqvistik, hüquqi, təşkilati vasitələr.

İnformasiya sorğusu İnformasiya əldə etmək üçün yazılı və ya şifahi müraciət.

İnformasiya sorğusu verən İnformasiya əldə etmək üçün yazılı və ya şifahi şəkildə müraciət edən hüquqi və ya fiziki şəxs.