Xüsusi obyektin fəaliyyətinin və əhalinin təhlükəsizliyinin təmin edilməsi məqsədilə xüsusi obyektin rəhbəri yerli icra hakimiyyətinin başçısı ilə birlikdə əlavə məhdudiyyətlər müəyyən edə bilərlər.

3.3. Qapalı ərazidə daimi yaşayan və ya oraya yeni gələn vətəndaşlar xüsusi rejimli dövlət idarəetmənin qaydaları ilə tanış edilməlidirlər.

3.4. Qapalı ərazidə xüsusi rejimli dövlət idarəetmə xüsusi obyektin rəhbəri, Azərbaycan Respublikasının Milli Təhlükəsizlik Nazirliyinin yerli bölməsinin rəisi ilə birlikdə müvafiq inzibati ərazi vahidinin icra hakimiyyətinin başçısı tərəfindən təmin edilir.

Qadağan zonasında xüsusi rejimli dövlət idarəetmə bilavasitə xüsusi obyektin rəhbəri tərəfindən təmin edilir.

3.5. Qapalı ərazinin və qadağan zonasının hüdudları aydın görünən nişan və yazılarla işarələnir, çəpər və texniki mühafizə vasitələri ilə təchiz edilir.

Vətəndaşların və nəqliyyat vasitələrinin qapalı əraziyə və qadağan zonasına icazəsiz daxil olması və ya oradan keçməsinin qarşısının alınması məqsədilə nəzarət-buraxılış məntəqələri təşkil edilir.

3.6. Qapalı ərazinin və qadağan zonasının mühafizəsi xüsusi obyektin müdiriyyətindən, qapalı ərazinin yerli icra hakimiyyəti, daxili işlər və milli təhlükəsizlik orqanlarının nümayəndələrindən ibarət komissiya tərəfindən təşkil edilir.

Komissiya:

Komissiyanın qərarları Azərbaycan Respublikasının Müdafiə, Milli Təhlükəsizlik və Daxili İşlər nazirliklərinin xüsusi müvəkkil edilmiş vəzifəli şəxsləri tərəfindən təsdiq edilir.

3.7. Xüsusi obyektin mühafizəsi həmin obyektin rəhbəri tərəfindən xüsusi təyin edilmiş hərbi bölmələr və ya obyektin hərbləşdirilmiş mühafizə dəstəsi tərəfindən həyata keçirilir. Zərurət yarandıqda, qapalı ərazinin mühafizəsi üçün daxili işlər orqanlarında mühafizə bölmələri yaradıla bilər.

Qapalı ərazinin qadağan zonasının mühafizəsini həyata keçirən bölmələr öz fəaliyyətində Azərbaycan Respublikasının qanunvericiliyini rəhbər tuturlar.

3.8. Qapalı ərazidə müvafiq təlimatla tənzimlənən buraxılış rejimi tətbiq edilir. Buraxılış rejimi haqqında təlimat milli təhlükəsizlik və daxili işlər orqanları ilə razılaşdırmaqla xüsusi obyektin rəhbəri və müvafiq inzibati ərazi vahidinin icra hakimiyyətinin başçısı tərəfindən təsdiq edilir.

Buraxılış rejimi haqqında təlimat aşağıdakıları tənzimləyir:

3.9. Vətəndaşların qapalı əraziyə giriş-çıxışı və onların qapalı ərazidə daimi yaşaması xüsusi rejimli dövlət idarəetmənin tələblərinə müvafiq olaraq məhdudlaşdırılır.

3.10. Vətəndaşların qapalı əraziyə daimi yaşamaq və ya müvəqqəti olmaq məqsədilə gəlməsi milli təhlükəsizlik orqanları tərəfindən verilmiş icazə əsasında həyata keçirilir.

Qapalı əraziyə gedən vətəndaşları dövlət sirrini təşkil edən məlumatlarla tanış etmək və ya xüsusi obyektin ərazisinə buraxmaq zərurəti yarandıqda, onların dövlət sirri ilə işləməyə buraxılması qanunvericiliklə müəyyən edilmiş qaydada rəsmiləşdirilir.

«Dövlət sirri haqqında» Azərbaycan Respublikasının Qanununda nəzərdə tutulmuş əsaslarla vətəndaşların qapalı əraziyə girməsinə imtina edilə bilər.

3.11. Müvafiq ərazi vahidinin icra hakimiyyətinin başçısı Azərbaycan Respublikası Milli Təhlükəsizlik Nazirliyinin yerli bölməsi ilə razılaşdıraraq qapalı əraziyə, xüsusi obyektin ərazisi istisna olmaqla, daxil olmağa icazə verə bilər.

3.12. Daimi yaşamaq üçün qapalı əraziyə aşağıdakı şəxslər buraxılırlar:

Bu bənddə nəzərdə tutulan şəxslər üçün buraxılış rejimi haqqında təlimatda xüsusi buraxılış rejimi müəyyən edilir.

3.13. İstehsal zərurəti ilə bağlı və ya qapalı ərazinin sakinlərinin sosial-mədəni və digər tələbatlarının ödənilməsi üçün dövlət sirri ilə işləmək hüququ olmayan vətəndaşların qapalı əraziyə buraxılması xüsusi obyektin rəhbərinin və müvafiq inzibati ərazi vahidinin icra hakimiyyəti başçısının Azərbaycan Respublikasının Milli Təhlükəsizlik Nazirliyini qabaqcadan xəbərdar etməklə verdikləri icazə əsasında, xüsusi obyektin ərazisinə daxil olma isə həmin obyektin rəhbərinin icazəsi ilə onlar tərəfindən ayrılmış xüsusi nümayəndələrin müşayiətilə həyata keçirilir.

3.14. Əcnəbilərə və vətəndaşlığı olmayan şəxslərə qapalı əraziyə daxil olmaq üçün icazə Azərbaycan Respublikasının Milli Təhlükəsizlik Nazirliyi tərəfindən verilir. İcazə verilməkdən imtina edildikdə onun əsasları izah edilmir.

3.15. Vətəndaşların qapalı ərazidə olan müəssisə, idarə və təşkilatlarla bağladıqları əmək müqaviləsinə xitam verildikdə, onlar Qaydaların 2.4-cü bəndinin tələbləri nəzərə alınmaqla qapalı ərazinin hüdudlarından kənara köçürülə bilərlər.

3.16. Xüsusi dövlət idarəetmənin təmin edilməsi məqsədilə qapalı ərazinin üzərində uçuşlar məhdudlaşdırılır.

Qapalı ərazinin üzərində uçuşlara icazə verilməsi qanunvericiliklə müəyyən edilmiş qaydada həyata keçirilir.

3.17. Qapalı ərazidə yerli əhalinin sosial-mədəni və digər tələbatlarının ödənilməsi və ya istehsal fəaliyyəti ilə məşğul olan müəssisə, idarə və təşkilatlar fəaliyyət göstərirlər. Onlar öz fəaliyyətlərində bir qayda olaraq yerli əmək resurslarından istifadə edirlər.

3.18. Qapalı ərazilərdə xarici fiziki və hüquqi şəxslərin iştirakı ilə yaradılmış və (və ya) xarici investisiyalı hüquqi şəxslərin olmasına və fəaliyyət göstərməsinə yol verilmir.

Hər hansı əraziyə qapalı statusu verildikdə, həmin ərazidə oraya qapalı statusu verilən anadək olan və fəaliyyət göstərən bu bənddə nəzərdə tutulan hüquqi şəxslər başqa ərazilərə köçürülməlidir. Bu zaman belə hüquqi şəxslərin çəkdiyi xərclər və buraxılmış faydası, eləcə də köçürmə prosesində onlara vurulmuş zərər qanunvericiliklə müəyyən edilmiş qaydada ödənilməlidir.