Bülbülün 100 illik yubileyinin keçirilməsi haqqında
«Azərbaycan Respublikasının Qanunvericilik Toplusu»nda dərc edilmişdir (31 avqust 1997-ci il, № 2, maddə 147)
Release date: 20.08.1997
Bülbülün 100 illik yubileyinin keçirilməsi haqqında
Azərbaycan Respublikası Prezidentinin Sərəncamı
Azərbaycan professional vokal sənətinin banisi, görkəmli müğənni və pedaqoq professor Bülbülün (Murtuza Məşədi Rza oğlu Məmmədovun) 100 illik yubileyinin dövlət səviyyəsində keçirilməsini təmin etmək məqsədi ilə qərara alıram:
1. Yubiley tədbirlərinin hazırlanması və keçirilməsi üçün aşağıdakı tərkibdə Təşkilat Komitəsi yaradılsın:
Təşkilat Komitəsinin sədri
Elçin Əfəndiyev — Azərbaycan Respublikası Baş nazirinin müavini
Təşkilat Komitəsinin üzvləri
Həsən Həsənov —Azərbaycan Respublikasının xarici işlər naziri
Rəfael Allahverdiyev —Bakı şəhər İcra hakimiyyətinin başçısı
Fatma Abdullazadə —Azərbaycan Respublikası Prezidentinin İcra Aparatı humanitar siyasət şöbəsinin müdiri
Polad Bülbüloğlu —Azərbaycan Respublikasının mədəniyyət naziri
Lidiya Rəsulova —Azərbaycan Respublikasının təhsil naziri
Sirus Təbrizli —Azərbaycan Respublikasının mətbuat və informasiya naziri
Nizami Xudiyev —Azərbyacan Dövlət Teleradio Verilişləri Şirkətinin sədri
Fərəməz Maqsudov —Azərbaycan Elmlər Akademiyasının prezidenti
Tofiq Quliyev —Azərbaycan Bəstəkarlar İttifaqının sədri
Anar Rzayev —Azərbaycan Yazıçılar Birliyinin sədri
Fərhad Bədəlbəyli —Azərbaycan Musiqi Xadimləri İttifaqının sədri
Zeynəb Xanlarova —xalq artisti
Xuraman Qasımova —xalq artisti
2. Təşkilat Komitəsi 1997-ci ilin noyabrında Bakı şəhərində vokalçıların Bülbül adına Birinci beynəlxalq müsabiqəsinin keçirilməsini təmin etsin.
3. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.
Azərbaycan Respublikasının Prezidenti
Heydər ƏLİYEV
Bakı şəhəri, 20 avqust 1997-ci il
№ 650
«Azərbaycan» qəzetində dərc edilmişdir (21 avqust 1997-ci il, № 179) («LegalActs» LLC).
«Azərbaycan Respublikasının Qanunvericilik Toplusu»nda dərc edilmişdir (31 avqust 1997-ci il, № 2, maddə 147) («LegalActs» LLC).
© LegalActs LLC