1.1. Qrantın məqsədləri: (a) mühasibat uçotu və audit standartlarının hazırlanması və müəyyən edilməsi üçün səmərəli institusional çərçivənin yaradılması; və (b) mühasibat uçotu və audit peşəsinin gücləndirilməsi. Qrant məqsədləri üçün nəzərdə tutulan tədbirlər (Tədbirlər) aşağıdakılardır:

2.1. Resipient: (a) Tədbirləri əsaslı və səmərəli şəkildə həyata keçirməli; (b) həmin məqsədlə tələb olunan vəsait, avadanlıq, xidmət və digər resursları operativ şəkildə təmin etməli; (c) Bankın əsaslı sorğusuna əsasən bütün Tədbirləri və Qrant vəsaitlərinin xərclənməsini əhatə edən bütün məlumatı təqdim etməli; (d) vaxtaşırı olaraq Bank nümayəndələri ilə Tədbirlərin gedişatı və nəticələri üzrə fikir mübadiləsini aparmalı; və (e) Qrant məqsədləri üçün Bank nümayəndələrinin Azərbaycan Respublikasının ərazisinə gəlməsi üçün imkanların yaradılması sahəsində bütün zəruri tədbirləri həyata keçirməlidir. Yuxarıdakılarla məhdudlaşmayaraq, Bankın sorğusu əsasında, Resipient Tədbirlərin başa çatdırılmasından dərhal sonra Bank üçün ona məqbul forma və məzmunda Tədbirlərin nəticəsi və təsiri haqqında hesabatı hazırlayıb təqdim etməlidir.

3.1. Bankın başqa cür razılaşması istisna olmaqla, Tədbirlərin həyata keçirilməsi üçün tələb olunan və Qrant vəsaitləri hesabına maliyyələşdiriləcək məsləhətçi xidmətlərinin və malların satın alınması bu Qoşmaya Əlavənin şərtlərinə əsasən həyata keçiriləcəkdir.

3.2. Resipient təmin etməlidir ki, Qrant vəsaitləri hesabına alınacaq bütün idxal olunan mallar istifadə və ya quraşdırma, yerinə çatdırılma, nəql etmə və alınma ilə bağlı olan bütün təhlükələrə qarşı sığortalansın və sığorta təminatı həmin malların təmir və ya əvəz edilməsi üçün sərbəst istifadə edilə bilən valyutada ödənilsin. Resipient təmin etməlidir ki, Tədbirlərə aid olan bütün vasitələr müvafiq qaydalara əsasən istifadə və istismar edilsin və həmin vasitələri təmir və təzələmə işləri, zərurət olanda, operativ şəkildə həyata keçirilsin.

4.1. Qrant məbləği Bankın Resipientin adına açdığı hesaba (Qrant Hesabı) köçürüləcəkdir və bununla da hazırkı 4-cü Bölmənin şərtlərinə əsasən Tədbirlər üçün tələb olunan və Qrant vəsaitləri hesabına alınacaq xidmət və malların münasib dəyəri üzrə xərclərin çəkilməsi məqsədilə Resipient tərəfindən istifadə edilə bilər.

4.2. Aşağıdakı Kateqoriyalar üzrə xərclər Qrant vəsaitləri hesabına çəkilə bilər və yalnız Tədbirlərin həyata keçirilməsi məqsədilə istifadə edilə bilər:

Cəmi 340.000

Bu bəndin məqsədləri üçün:

4.3. Yuxarıdakı 4.2-ci bəndin müddəalarından asılı olmayaraq:

4.4. Resipient Qrant Hesabından hər hansı məbləği çıxartmaq niyyətində olduqda, o, həmin məbləğin çıxarılması üçün Bankın müəyyən etdiyi formada Banka yazılı ərizə təqdim etməlidir. Vəsaitlərin çıxarılması üçün ərizələr: (a) Resipient adından maliyyə naziri və ya yazılı surətdə bu məqsədlə səlahiyyət verilmiş şəxs tərəfindən imzalanmalı; və (b) ərizələrə Bankın müvafiq sorğusuna əsasən sübutlar əlavə olunmalıdır. Vəsaitlərin çıxarılması ərizələri imzalamağa səlahiyyət verilmiş şəxsin təsdiq olunmuş imza nümunələri onun imzası olan birinci ərizə ilə birlikdə təqdim olunmalıdır. Qrant hesabından müəyyən məbləğin çıxarılması üzrə hər bir ərizə və əlavə sübutlar Resipientin Qrant hesabından həmin məbləği çıxarmaq səlahiyyətinə malik olması və həmin məbləğdən Tədbirlərin həyata keçirilməsi məqsədilə istifadə edilməsini təsdiq edəcək dərəcədə forma və məzmununa görə Bank üçün məqbul olmalıdır. Bank Resipient tərəfindən Qrant hesabından çıxarılmış məbləğləri yalnız Resipientə və ya onun sifarişinə əsasən ödəyəcəkdir.

4.5. Tədbirlərin həyata keçirilməsini asanlaşdırmaq üçün Resipient Bank üçün məqbul olan şərt və qaydalar əsasında, qarşılıqlı tələb, müsadirə və ya həbsin qoyulmasına qarşı müvafiq müdafiə daxil olmaqla, kommersiya bankında ABŞ dollarında xüsusi depozit hesabı (Xüsusi Hesab) açıb istifadə edə bilər. Həmin Hesaba vəsaitin qoyulması və ya ondan ödənişlərin həyata keçirilməsi bu Qoşmanın II Əlavəsinin müddəalarına uyğun olaraq həyata keçirilməlidir.

4.6. Bank tələb edə bilər ki, Bankın Resipienti verdiyi bildirişdə müəyyən edilmiş şərtlərə əsasən aşağıdakılar üçün Qrant hesabından vəsaitlərin çıxarılması xərc hesabatları əsasında həyata keçirilsin: (a) məsləhət şirkətlərinin dəyəri 50.000 ABŞ dolları ekvivalentindən aşağı olan xidmətləri üçün; (b) fərdi məsləhətçilərin dəyəri 20.000 ABŞ dolları ekvivalentindən aşağı olan xidmətləri üçün; (c) mallar; və (d) təlim.

4.7. Qrant vəsaitləri ABŞ dolları ilə çıxarılmalıdır. Lakin Bank, Resipientin sorğusu ilə və Resipientin agenti kimi hərəkət edərək, ABŞ dolları ilə Qrant vəsaiti hesabına çəkiləcək xərclərin ödənilməsi üçün tələb olunan bütün valyutaları alacaqdır. Bu Məktub-Sazişin məqsədləri üçün müəyyən valyutanın digər valyutaya münasibətdə dəyərinin müəyyənləşdirilməsi zəruri olduqda, həmin Bank tərəfindən əsaslandırılmış şəkildə müəyyən ediləcəkdir.

(a) Resipient uçot və hesabatlar daxil olmaqla maliyyə idarəetməsi sistemindən istifadə etməli və ya onun istifadə edilməsini təmin etməli və Bank üçün məqbul olan, davamlı olaraq tətbiq edilən mühasibat uçotu standartlarına uyğun olaraq və Tədbirlərlə bağlı əməliyyat, vəsait və xərclərin əks etdirilməsi üçün münasib olan maliyyə hesabatlarını tərtib etməlidir.

(b) Bankın sorğusuna əsasən, Resipient: (i) bu Bölmənin (a) bəndində istinad olunan maliyyə hesabatlarının hər maliyyə ili üzrə (və ya Bankın razılaşdığı digər dövrlər üzrə) Bank üçün məqbul olan müstəqil auditorlar tərəfindən, Bank üçün məqbul olan audit standartlarının davamlı olaraq tətbiq olunması yolu ilə audit yoxlamasından keçməsini təmin edir; (ii) mümkün olan ən tez zamanda, lakin heç bir halda həmin audit üçün Bank sorğusunun təqdim edilməsi tarixindən altı aydan gec olmamaqla, aşağıdakıları Banka təqdim edir: (A) bu Bölmənin (a) yarımbəndində istinad edilən həmin müddət üzrə audit yoxlamasından keçmiş maliyyə hesabatlarının təsdiq olunmuş nüsxələrini; və (B) belə hesabatlar üzrə sözügedən auditorların Bank üçün məqbul həcmdə və təfərrüatda rəyini; və (iii) uçot və hesablar, maliyyə hesabatlarının auditi və müvafiq auditorlar barədə Bankın vaxtaşırı olaraq əsaslandırılmış şəkildə istəyə biləcəyi bütün əlavə informasiyanı.

(c) Xərclər haqqında Hesabat əsasında Qrant Hesabından çıxarılmış bütün xərclərlə bağlı Resipient: (i) Qrant Hesabından sonuncu vəsait çıxarılmasının baş verdiyi maliyyə ili üzrə audit hesabatının Assosiasiya tərəfindən alınmasından ən azı bir il sonraya qədər belə xərcləri sübut edən bütün qeydləri (kontraktlar, sifarişlər, qaimələr, qəbzlər, çeklər və digər sənədlər) saxlayır; (ii) Bankın nümayəndələrinə belə qeydləri nəzərdən keçirməyə şərait yaradır; və (iii) xərclər haqqında hesabatların yuxarıda göstərilən (b) bəndinə uyğun olaraq Bankın sorğusuna əsasən keçirilən bütün auditlərə daxil edilməsini təmin edir.

6.1. Bank istənilən vaxtda, Resipienti qabaqcadan məlumatlandırmaqla, aşağıdakı halların baş verməsi və davam etməsi şərtilə, Resipientin Qrant Hesabından vəsait çıxarmaq hüququnu müvəqqəti dayandıra bilər: (a) çıxarılmış vəsaitlər Resipient və Bank arasında razılaşdırılmış məqsədlərlə istifadə olunmur; (b) Tədbirlər Resipient və Bank arasında razılaşdırılmış standart və metodlara uyğun olaraq həyata keçirilmir; (c) Resipient burada qoyulan öhdəliklərin hər hansı birinə riayət etmir; və (d) Resipientin və ya Resipientin zəmanəti ilə Bankın kredit verdiyi hər hansı təşkilatın Bank ilə kredit sazişi və ya Beynəlxalq İnkişaf Assosiasiyası ilə inkişaf üçün kredit sazişi çərçivəsində vəsait çıxarmaq hüququnun dayandırıldığı təqdirdə.

6.2. Bank, Resipienti qabaqcadan məlumatlandırmaqla, Resipientin Qrant hesabından vəsait çıxarmaq hüququna və Qrantın çıxarılmamış hər hansı məbləğinə xitam verə bilər: (a) yuxarıdakı 6.1-ci bəndin müddəalarına uyğun olaraq, Qrant Hesabından vəsait çıxarmaq hüquqları dayandırılandan sonra istənilən vaxtda; və ya (b) Resipientin, Bankın Resipientə Qrantın təsdiq olunması haqda məlumatın verilməsindən yeddi ay ərzində Tədbirlərin həyata keçirilməsi ilə bağlı olaraq Bank üçün məqbul olan addımları ata bilmədiyi təqdirdə.