2014-cü il dekabrın 23-də keçirilmiş bələdiyyə seçkilərində Mərkəzi Seçki Komissiyasına daxil olmuş 5 yanvar 2015-ci il tarixli 132 saylı müraciətə baxılması barədə

Azərbaycan Respublikası Mərkəzi Seçki Komissiyasının QƏRARI

2014-cü il dekabrın 23-də keçirilmiş bələdiyyə seçkilərində 71 saylı Masallı kənd seçki dairəsindən Ərkivan bələdiyyəsi üzvlüyünə qeydə alınmış namizəd İldırım Kamil oğlu Nəzərov və digərləri 2015-ci il yanvarın 5-də Mərkəzi Seçki Komissiyasına müraciət edərək 71 saylı Masallı kənd seçki dairəsi dairə seçki komissiyasının 31 dekabr 2014-cü il tarixli 23/88 saylı qərarının ləğv edilməsini, həmin bələdiyyəni əhatə edən seçki məntəqələri üzrə səsvermənin nəticələrinin ləğv edilməsini və Ərkivan bələdiyyəsinə seçkilərin etibarsız hesab edilməsini xahiş etmişlər.

 

Müraciət Azərbaycan Respublikası Seçki Məcəlləsinin 112-ci və 112-1-ci maddələrinə və “Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında” Təlimata uyğun olaraq Azərbaycan Respublikası Mərkəzi Seçki Komissiyasının nəzdində ekspert qrupunun üzvü tərəfindən araşdırılaraq bu barədə müvafiq rəy verilmiş və Mərkəzi Seçki Komissiyasının iclasında baxılmışdır.

Araşdırma zamanı müəyyən olunmuşdur ki, Ərkivan bələdiyyəsi üzvlüyünə qeydə alınmış namizəd İ.K.Nəzərov və digərləri 71 saylı Masallı kənd seçki dairəsinin dairə seçki komissiyasına müraciət edərək 2014-cü il dekabrın 23-də keçirilmiş bələdiyyə seçkilərində baş vermiş ciddi qanun pozuntuları ilə əlaqədar həmin bələdiyyəni əhatə edən seçki məntəqələri üzrə səsvermənin nəticələrinin ləğv edilməsi və Ərkivan bələdiyyəsinə seçkilərin etibarsız hesab edilməsini xahiş etmişlər. Həmin seçki dairəsinin dairə seçki komissiyası müraciətə baxaraq onun təmin edilməməsi barədə müvafiq qərar qəbul etmişdir.

Araşdırma prosesində Ərkivan bələdiyyəsi üzvlüyünə qeydə alınmış, lakin seçilməmiş bəzi namizədlərdən, məntəqə seçki komissiyalarının üzvlərindən, müxtəlif siyasi partiyaları təmsil edən və öz təşəbbüsü ilə müşahidə aparan müşahidəçilərdən izahatlar, araşdırma üçün əhəmiyyət kəsb edən digər sənədlər alınmış və müvafiq dövlət orqanlarına sorğular verilmişdir.

Araşdırmada iştirak edən şikayətçilər müraciətlərində iddia etdikləri qanun pozuntuları ilə bağlı mübahisələndirdikləri səkkiz seçki məntəqəsindən yalnız biri üzrə tutarlı dəlillər təqdim etmişlər.

Toplanmış izahatlar və digər araşdırma materiallarına əsasən 71 saylı Masallı kənd seçki dairəsi üzrə Ərkivan bələdiyyəsinə 2014-cü il dekabrın 23-də keçirilən seçkilər zamanı həmin seçki dairəsinin 1, 2, 3, 5, 6, 37 və 38 saylı seçki məntəqələrində şikayətdə göstərilən qanun pozuntuları ilə bağlı halların təsdiqini tapmadığı müəyyən edilmişdir. Həmin məntəqələrdə baş verməsi iddia olunan qanun pozuntuları üzrə şikayətin təmin edilməsi, həmin hissədə 71 saylı Masallı kənd seçki dairəsi dairə seçki komissiyasının mübahisələndirilən qərarının və səsvermənin nəticələrinin etibarsız sayılaraq ləğv edilməsi üçün hüquqi əsaslar müəyyən edilmədi.

Araşdırma zamanı 71 saylı Masallı kənd seçki dairəsinin 4 saylı seçki məntəqəsində seçki qanunvericiliyinin tələblərinin pozulması nəticəsində seçicilərin iradəsinin müəyyənləşdirilməsini qeyri-mümkün edən hallar aşkar edildiyindən Azərbaycan Respublikası Seçki Məcəlləsinin tələblərinə əsasən həmin seçki məntəqəsi üzrə sikayətin təmin edilməsi və səsvermənin nəticələrinin etibarsız sayılaraq ləğv edilməsi üçün hüquqi əsaslar yaranmışdır.

Bələdiyyə üzrə seçkilər isə Azərbaycan Respublikası Seçki Məcəlləsinin 240.2.1-ci maddəsinə əsasən o halda etibarsız sayılır ki, bələdiyyə üzrə səsvermə zamanı səsvermənin nəticələri etibarsız sayılmış seçki məntəqələrinin sayı həmin bələdiyyənin ərazisində olan seçki məntəqələrinin ümumi sayının 2/5 hissəsindən çoxunu təşkil etsin və ya ləğv edilsin, həmin seçki məntəqələrində seçicilərin sayı bələdiyyə üzrə qeydə alınmış seçicilərin ümumi sayının 1/4-dən çoxunu təşkil etsin.

Yuxarıda göstərilənləri əsas götürərək, Azərbaycan Respublikasının Mərkəzi Seçki Komissiyası Seçki Məcəlləsinin 19.4-cü, 25.2.2-ci, 25.2.22-ci, 28.2-ci, 112-ci, 112-1-ci və 236.1-ci maddələrinə və “Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında” Təlimatın 1, 2, 4, 6, 7-ci və 8-ci bəndlərinə əsasən qərara alır:

1. 2014-cü il dekabrın 23-də keçirilmiş bələdiyyə seçkilərində Ərkivan bələdiyyəsinə qeydə alınmış namizəd İldırım Kamil oğlu Nəzərov və digərlərinin 71 saylı Masallı kənd seçki dairəsi dairə seçki komissiyasının 31 dekabr 2014-cü il tarixli 23/88 saylı qərarının ləğv edilməsinə dair 5 yanvar 2015-ci il tarixli 132 saylı müraciəti qismən təmin edilsin.

2. 71 saylı Masallı kənd seçki dairəsinin 4 saylı seçki məntəqəsi üzrə səsvermənin nəticələri etibarsız sayılaraq ləğv edilsin.

3. Qərar dərc edildiyi gündən qüvvəyə minir.

 

Sədr     Məzahir Pənahov

Katib      Arifə Muxtarova

Katib      Mikayıl Rəhimov

8 Yanvar 2015, 09:01

http://www.azertag.net

1—10 / 10511

24 İyul 2023, 12:07

Azərbaycan Respublikasının ərazisində radioyayım şəbəkəsinin genişləndirilməsi üçün maliyyə vəsaitinin ayrılması haqqında Azərbaycan Respublikası Prezidentinin Sərəncamı   ətraflı...

10 İyul 2023, 15:07

“Saxta əmtəə nişanlarının və coğrafi göstəricilərin istifadəsinin qabaqlanması və qarşısının alınması üzrə MDB iştirakçısı dövlətlərinin əməkdaşlığı haqqında Saziş”in icrası ilə bağlı səlahiyyətli orqanların (qurumların) müəyyən edilməsi barədə Azərbaycan Respublikası Prezidentinin Sərəncamı   ətraflı...

10 İyul 2023, 15:07

“Saxta əmtəə nişanlarının və coğrafi göstəricilərin istifadəsinin qabaqlanması və qarşısının alınması üzrə MDB iştirakçısı dövlətlərinin əməkdaşlığı haqqında Saziş”in təsdiqi və “Müstəqil Dövlətlər Birliyinin Hökumət Başçıları Şurasının iclasında Azərbaycan Respublikasının Hökuməti adından imzalanmış “Yalançı əmtəə nişanlarından və coğrafi göstəricilərdən istifadənin qarşısının alınması və kökünün kəsilməsi tədbirləri haqqında” Sazişin təsdiq edilməsi barədə” Azərbaycan Respublikası Qanununun ləğv edilməsi haqqında Azərbaycan Respublikasının Qanunu   ətraflı...

10 İyul 2023, 15:07

M.M.Seyidovun Azərbaycan Respublikası ədliyyə nazirinin müavini - Penitensiar xidmətin rəisi təyin edilməsi haqqında Azərbaycan Respublikası Prezidentinin Sərəncamı   ətraflı...

10 İyul 2023, 15:07

C.Ə.Həsənovun Azərbaycan Respublikası ədliyyə nazirinin müavini - Penitensiar xidmətin rəisi vəzifəsindən azad edilməsi haqqında Azərbaycan Respublikası Prezidentinin Sərəncamı   ətraflı...

8 İyul 2023, 14:07

“Ərazi, müəssisə və təşkilatların radioloji-gigiyenik pasportlarının forması və tərtib edilməsi Qaydası”nın və “Fərdi şüalanma dozalarının uçotu və onlara nəzarət Qaydası”nın təsdiq edilməsi barədə” Azərbaycan Respublikası Nazirlər Kabinetinin 1999-cu il 25 avqust tarixli 134 nömrəli Qərarında dəyişiklik edilməsi haqqında Azərbaycan Respublikası Nazirlər Kabinetinin QƏRARI   ətraflı...

8 İyul 2023, 14:07

Azərbaycan Respublikasının diplomatik xidmət orqanları əməkdaşlarına diplomatik rütbələrin verilməsi haqqında Azərbaycan Respublikası Prezidentinin Sərəncamı   ətraflı...

7 İyun 2023, 14:06

Azərbaycan Respublikası Prezidentinin “Azərbaycan Respublikasının ştatdankənar (fəxri) konsulu haqqında” Əsasnamə barədə” 1997-ci il 21 aprel tarixli 575 nömrəli, “Heyvanlar aləmi haqqında” Azərbaycan Respublikası Qanununun icrasının təmin edilməsi barədə əlavə tədbirlər haqqında” 2003-cü il 23 oktyabr tarixli 951 nömrəli, “Ovçuluq haqqında” Azərbaycan Respublikası Qanununun tətbiq edilməsi barədə” 2004-cü il 26 may tarixli 69 nömrəli, “Azərbaycan Respublikasının Qida Təhlükəsizliyi Agentliyinin fəaliyyətinin təmin edilməsi haqqında” 2017-ci il 13 noyabr tarixli 1681 nömrəli və “Baytarlıq haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2018-ci il 23 fevral tarixli 1010-VQD nömrəli Qanununun tətbiqi və “Baytarlıq haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2005-ci il 22 noyabr tarixli 316 nömrəli Fərmanında dəyişikliklər edilməsi haqqında” 2018-ci il 16 aprel tarixli 1921 nömrəli fərmanlarında dəyişiklik edilməsi barədə Azərbaycan Respublikası Prezidentinin Fərmanı   ətraflı...

7 İyun 2023, 14:06

“Azərbaycan Respublikasının İnzibati Xətalar Məcəlləsində, “Polis haqqında”, “Baytarlıq haqqında” və “Atçılıq haqqında” Azərbaycan Respublikasının qanunlarında dəyişiklik edilməsi barədə” Azərbaycan Respublikasının 2023-cü il 2 may tarixli 868-VIQD nömrəli Qanununun tətbiqi və Azərbaycan Respublikası Prezidentinin “Polis haqqında” Azərbaycan Respublikası Qanununun tətbiq edilməsi barədə” 1999-cu il 11 noyabr tarixli 205 nömrəli, “Baytarlıq haqqında” Azərbaycan Respublikası Qanununun tətbiq edilməsi barədə” 2005-ci il 22 noyabr tarixli 316 nömrəli, “Atçılıq haqqında” Azərbaycan Respublikası Qanununun tətbiq edilməsi barədə” 2007-ci il 22 may tarixli 580 nömrəli fərmanlarında dəyişiklik edilməsi haqqında Azərbaycan Respublikası Prezidentinin Fərmanı   ətraflı...

7 İyun 2023, 14:06

Azərbaycan Respublikasının İnzibati Xətalar Məcəlləsində, “Polis haqqında”, “Baytarlıq haqqında” və “Atçılıq haqqında” Azərbaycan Respublikasının qanunlarında dəyişiklik edilməsi barədə Azərbaycan Respublikasının Qanunu   ətraflı...