15 yaşı tamam olmamış Azərbaycan Respublikası vətəndaşının fərdi identifikasiya kartının TƏSVİRİ

Əlavə I

                                                                             Azərbaycan Respublikası Prezidentinin

                                                                             2014-cü il 9 sentyabr tarixli Fərmanı

                                                                             ilə təsdiq edilmişdir

1. 15 yaşı tamam olmamış Azərbaycan Respublikası vətəndaşının fərdi identifikasiya kartı (bundan sonra - identifikasiya kartı) 85,6 mm x 54 mm ölçülüdür.

2. İdentifikasiya kartının üz tərəfinin sol hissəsində 5 yaşı tamam olmuş kart sahibinin 26 mm x 32 mm ölçüdə fotoşəkli üçün yer nəzərdə tutulur.

3. İdentifikasiya kartının üz tərəfinin:

3.1. yuxarı sol küncündə Azərbaycan Respublikası Dövlət bayrağının rəngli təsviri verilir, bayrağın təsvirindən sonra “15 YAŞI TAMAM OLMAMIŞ AZƏRBAYCAN RESPUBLİKASI VƏTƏNDAŞININ FƏRDİ İDENTİFİKASİYA KARTI” sözləri yazılır, yuxarı sağ küncündə elektron daşıyıcının mövcudluğunu göstərən xüsusi işarə təsvir olunur;

3.2. orta hissəsində “SOYADI”, “ADI, “ATASININ ADI”, “CİNSİ”, “QAN QRUPU”, “DOĞULDUĞU TARİX”, “DOĞULDUĞU YER”, “FƏRDİ İDENTİFİKASİYA NÖMRƏSİ”, “KARTIN NÖMRƏSİ” (iki latın hərfindən və yeddi rəqəmdən ibarətdir), “ETİBARLILIQ MÜDDƏTİ” sözləri yazılır.

4. İdentifikasiya kartının arxa tərəfinin:

4.1. orta hissəsində “ATA” və “ANA” sözləri yazılır;

4.2. orta hissəsinin solunda elektron daşıyıcı (çip), aşağı hissəsində Beynəlxalq Mülki Aviasiya Təşkilatının (İCAO-nun) tələblərinə uyğun olaraq maşınla oxuna bilən üçzolaqlı optik nəzarət oxunuşu hissəsi yerləşir.

5. İdentifikasiya kartında Azərbaycan Respublikasının dövlət rəmzləri, xəritəsi və tarixi abidələri təsvir olunur.

11 Sentyabr 2014, 09:09

© 2013, «LegalActs» LLC, All rights reserved
The Website Use Agreement