Azərbaycan Respublikasının Milli Məclisi Çexiya və Slovakiya Federativ Respublikasının dövlət kimi mövcudluğunun dayandırılması haqqında Çexiya və Slovakiya Federativ Respublikasının Federal Məclisi tərəfindən 1992-ci il noyabrın 25-də qəbul edilmiş qanunu və bu qanuna uyğun olaraq 1992-ci il dekabrın 31-də Çexiya və Slovakiya Federativ Respublikasının bir dövlət kimi süqut etməsini və Slovakiya Respublikasının yaranmasını nəzərə alaraq, Azərbaycan Respublikasının sülhsevər xarici siyasət yeritməsini əsas götürərək qərara alır:

Azərbaycan Respublikası Slovakiya Respublikasının dövlət müstəqilliyini tanıyır, onu dünya birliyinin bərabər hüquqlu üzvü kimi qəbul edir və onunla diplomatik, siyasi, ticarət-iqtisadi, elmi-texniki, mədəni və humanitar əməkdaşlıq etməyə hazır olduğunu bildirir.