1.1. Bu Qaydalar «Banklar haqqında», «Azərbaycan Respublikasının Milli Bankı haqqında» Azərbaycan Respublikası Qanunlarına uyğun olaraq hazırlanmış və bank fəaliyyətinə lisenziyaların verilməsi prosesində, həmçinin bankların fəaliyyəti dövründə bank inzibatçıları vəzifəsinə namizəd kimi təqdim edilən şəxslərin attestasiyadan keçirilməsi qaydalarını müəyyən edir.

1.2. Bu Qaydalarda attestasiyadan keçməli olan bank inzibatçıları (bundan sonra—bank inzibatçıları) dedikdə, bankın idarə heyətinin üzvləri, daxili audit bölməsinin rəhbəri, bankın baş mühasibi (mühasibat xidmətinin rəhbəri) və onun imza hüququ olan müavinləri, habelə yerli və xarici bankların yerli filiallarının rəhbərləri və baş mühasibləri (mühasibat xidmətinin rəhbəri) və onların imza hüququ olan müavinləri vəzifələrinə namizəd kimi təqdim olunan şəxslər başa düşülür.

2.1. Bank lisenziyasının alınması üçün ilkin müraciət edilərkən, bank inzibatçıları vəzifələrinə namizəd kimi təqdim olunan şəxslərin sənədlərinə müsbət baxıldıqda, Milli Bank bu şəxslərin attestasiya yerini və vaxtını təyin edir və attestasiya gününə ən azı 15 (on beş) təqvim günü qalmış bu barədə müraciəti təqdim edən şəxsə(lərə) yazılı məlumat verir.

2.2. Bank lisenziyası alınması üçün yekun müraciətin edilməsi zamanı attestasiyadan keçmiş bank inzibatçıları arasında dəyişiklik baş verdikdə, həmin inzibatçılar barədə «Banklar haqqında» Azərbaycan Respublikası Qanununda nəzərdə tutulmuş sənədlər təqdim edilməli və bank inzibatçısı vəzifəsinə təqdim edilən şəxs(lər) yekun müraciətə baxılması üçün həmin qanunda müəyyən olunmuş müddətdə Milli Bankda attestasiyadan keçməlidirlər.

2.3. Yerli və xarici banklar fəaliyyətləri dövründə bank inzibatçıları vəzifələrinə təqdim edilən namizədlər haqqında Milli Banka yazılı bildirişlə birlikdə aşağıdakı sənədləri təqdim etməlidirlər:

2.4. Namizəd haqqında sənədlərə Milli Bankın müvafiq struktur bölmələri tərəfindən 30 (otuz) təqvim günü müddətində baxılır və rəy müsbət olduqda, sənədlər Milli Bankın Attestasiya komissiyasına (bundan sonra—Attestasiya komissiyası) təqdim olunur. Attestasiya komissiyası sənədlərin komissiyaya təqdim olunduğu gündən 7 (yeddi) təqvim günündən gec olmayaraq attestasiya gününü təyin edir.

2.5. Milli Bank attestasiyanın keçirilmə yeri və vaxtı barədə bank inzibatçısı vəzifəsinə namizədi irəli sürmüş banka attestasiya gününə ən azı 3 (üç) iş günü qabaqcadan yazılı surətdə məlumat verir.

2.6. Namizədi təqdim edən bankın rəhbər işçisi(ləri) Milli Bankın Attestasiya komissiyasının iclasında müşahidəçi qismində iştirak edə bilər.

2.7. Bank inzibatçısı vəzifəsinə namizəd kimi təqdim olunan şəxs üzürlü səbəbdən Attestasiya komissiyasının iclasına gəlmədikdə, Attestasiya komissiyası attestasiyanı başqa münasib vaxta keçirir və bu barədə müvafiq banka 3 (üç) iş günü müddətində yazılı məlumat verir.

2.8. Bank inzibatçısı vəzifəsinə namizəd kimi təqdim olunan şəxs təyin olunan vaxtda üzrlü səbəb olmadan attestasiyaya gəlmədikdə, Attestasiya komissiyası attestasiyanın keçirilməsi gününü 7 (yeddi) təqvim günü müddətinə təxirə salır və bu barədə müvafiq banka yazılı məlumat verir. Bu hal ikinci dəfə təkrar olunduqda, həmin şəxs attestasiyadan keçməmiş sayılır.

2.9. Attestasiya sual-cavab üsulu ilə keçirilir.

2.10. Sual-cavabın məqsədi namizədin peşəkarlıq səviyyəsini və onun bilik, savad və məntiqinin iddia etdiyi vəzifəyə uyğunluğunu müəyyən etməkdir.

2.11. Suallar hər bir vəzifənin səlahiyyət və məsuliyyət dərəcəsindən, iş xüsusiyyətlərindən asılı olaraq əsasən aşağıdakı sahələr üzrə verilir:

3.1. Bank inzibatçılarının attestasiyasını Attestasiya komissiyası həyata keçirir.

3.2. Attestasiya komissiyası 7 (yeddi) nəfərdən az olmamaqla tək sayda Milli Bankın əməkdaşları sırasından Milli Bankın İdarə Heyəti sədrinin sərəncamı ilə yaradılır. Attestasiya komissiyası daimi əsaslarla fəaliyyət göstərir.

Milli Bankın İdarə Heyətinin sədri Milli Bankın əməkdaşları sırasından Attestasiya komissiyasının katibini təyin edir. Attestasiya komissiyasının katibi komissiyanın iclaslarında səsvermə hüququna malik deyildir.

3.3. Attestasiya komissiyasının iclaslarında komissiyanın 5 üzvü iştirak etdikdə səlahiyyətli sayılır.

3.4. Attestasiya komissiyasının işi bu Qaydaların tələblərinə cavab verməli, obyektivlik və qərəzsizlik şəraitində aparılmalıdır. Komissiya öz qərarını açıq səsvermə yolu ilə iclasda iştirak edən üzvlərinin sadə səs çoxluğu ilə qəbul edir. Səslər bərabər olduqda namizəd attestasiyadan keçmiş hesab edilir.

3.5. Attestasiya komissiyası attestasiyanın nəticələrindən asılı olaraq aşağıdakı qərarlardan birini qəbul edir:

4.1. Attestasiyadan müvəffəqiyyətlə keçmiş şəxs başqa bankda eyni səlahiyyətli vəzifəyə namizəd kimi təqdim olunduqda, onun yenidən attestasiyadan keçməsi tələb olunmur. Bu zaman namizəd haqqında hazırki Qaydaların 2.3-cü bəndində göstərilən sənədlər qanuna müvafiq qaydada Milli Banka təqdim olunur.

4.2. Barəsində «bank inzibatçısı vəzifəsinə təqdim edilən namizəd vəzifəyə uyğun deyil» qərarı qəbul edilən şəxsin namizədliyi bu və ya digər bankda eyni inzibatçı vəzifəsinə attestasiya günündən ən azı 6 (altı) ay keçdikdən sonra namizəd kimi təqdim oluna bilər.

4.3. Bu Qaydalar dövlət qeydiyyatına alındığı tarixdən qüvvəyə minir.

«Azərbaycan Respublikası Mərkəzi İcra Hakimiyyəti Orqanlarının Normativ Aktlarının Bülleteni»ndə dərc edilmişdir (2004-cü il, № 11, s. 59) («LegalActs» LLC).