"Viza blankının doldurulması Qaydası"nın, "Viza almaq üçün ərizə-anket"in nümunəsinin və "Azərbaycan Respublikasına əcnəbini və ya vətəndaşlığı olmayan şəxsi dəvət edən tərəfin vəsatəti"nin nümunəsinin təsdiq edilməsi haqqında
AZƏRBAYCAN RESPUBLİKASININ
NAZİRLƏR KABİNETİ
QƏRAR
№ 87
Bakı şəhəri, 19 mart 2014-cü il
"Viza blankının doldurulması Qaydası"nın, "Viza almaq üçün ərizə-anket"in nümunəsinin və "Azərbaycan Respublikasına əcnəbini və ya vətəndaşlığı olmayan şəxsi dəvət edən tərəfin vəsatəti"nin nümunəsinin təsdiq edilməsi haqqında
"Azərbaycan Respublikasının Miqrasiya Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə haqqında" Azərbaycan Respublikasının 2013-cü il 2 iyul tarixli 713-IVQ nömrəli Qanununun tətbiqi barədə" Azərbaycan Respublikası Prezidentinin 2013-cü il 8 iyul tarixli 938 nömrəli Fərmanının 1.2.2-ci, 1.2.3-cü və 1.2.4-cü yarımbəndlərinin icrasını təmin etmək məqsədi ilə Azərbaycan Respublikasının Nazirlər Kabineti QƏRARA ALIR:
1. "Viza blankının doldurulması Qaydası" təsdiq edilsin (1 nömrəli əlavə).
2. "Viza almaq üçün ərizə-anket"in nümunəsi təsdiq edilsin (2 nömrəli əlavə).
3. "Azərbaycan Respublikasına əcnəbini və ya vətəndaşlığı olmayan şəxsi dəvət edən tərəfin vəsatəti"nin nümunəsi təsdiq edilsin (3 nömrəli əlavə).
4. Bu qərar dərc edildiyi gündən 30 gün sonra qüvvəyə minir.
Azərbaycan Respublikasının Baş naziri Artur Rasi-zadə
Azərbaycan Respublikası Nazirlər Kabinetinin 2014-cü il 19 mart tarixli 87 nömrəli qərarı ilə təsdiq edilmişdir 1 nömrəli əlavə
Viza blankının doldurulması
QAYDASI
1. Ümumi müddəalar
1.1. Bu Qayda "Azərbaycan Respublikasının Miqrasiya Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə haqqında" Azərbaycan Respublikasının 2013-cü il 2 iyul tarixli 713-IVQ nömrəli Qanununun tətbiqi barədə" Azərbaycan Respublikası Prezidentinin 2013-cü il 8 iyul tarixli 938 nömrəli Fərmanının 1.2.2-ci yarımbəndinin icrasını təmin etmək məqsədi ilə hazırlanmışdır və viza blankının fərdi olaraq doldurulması qaydasını müəyyən edir.
1.2. Viza verilməsi haqqında vəsatətə Azərbaycan Respublikasının Miqrasiya Məcəlləsinin 36-cı maddəsində göstərilmiş müvafiq sənədlər təqdim edildiyi təqdirdə, həmin Məcəllənin 37-ci maddəsinə uyğun olaraq baxılır və viza verilməsi məqsədəuyğun hesab edildikdə viza blankı doldurulur.
2. Viza blankının doldurulması
2.1. Viza blankı fərdi qaydada "Giriş-çıxış və qeydiyyat" idarələrarası avtomatlaşdırılmış məlumat-axtarış sisteminin (bundan sonra - İAMAS) "Viza" altsistemi vasitəsilə doldurulur.
2.2. "Viza" altsistemi vasitəsilə əcnəbilərə və vətəndaşlığı olmayan şəxslərə (bundan sonra - əcnəbilər) viza verilməsi üçün İAMAS-la aşağıdakı işlər həyata keçirilir:
2.2.1. viza alan əcnəbinin miqrasiya qanunvericiliyində nəzərdə tutulmuş məlumatları elektron formada optik oxuyucu və (və ya) klaviatura vasitəsilə İAMAS-ın "Əcnəbilər" informasiya resursuna daxil edilir və ona sistemdaxili identifikasiya nömrəsi verilir;
2.2.2. təqdim olunan məlumatların düzgünlüyü və tamlığı, əldə olan sənədlərə uyğunluğu yoxlanılır, İAMAS-ın məhdudiyyət siyahıları ilə müqayisələr aparılır və sistemdaxili razılaşdırma həyata keçirilir;
2.2.3. yoxlamanın və razılaşdırmanın nəticəsindən asılı olaraq qəbul edilən yekun rəy müsbət olduqda, viza blankının çap edilməsinə icazə yaranır və fərdiləşdirilməsi təmin edilir;
2.2.4. viza blankı və onun çap keyfiyyəti xüsusi proqram-texniki vasitə ilə yoxlanılır;
2.2.5. fərdi olaraq doldurulmuş, eləcə də qüsurlu, zədələnmiş və ya korlanmış blankların qeydiyyatı "Blankların uçotu" informasiya resursunda avtomatik aparılır.
2.3. Viza blankının əllə doldurulması yolverilməzdir.
4 апреля 2014, 10:04
2 июля 2014, 13:07
Президент Азербайджана утвердил учреждение Золотой медали им. Низами Гянджеви за научные заслуги подробно...
2 июля 2014, 13:07
Министерство налогов Азербайджана отказалось взимать налоги у представителей шоу-бизнеса подробно...
2 июля 2014, 12:07
О присвоении почетных званий сотрудникам Министерства внутренних дел Азербайджанской Республики подробно...
2 июля 2014, 12:07
О присвоении высших специальных званий офицерам Министерства внутренних дел Азербайджанской Республики подробно...
2 июля 2014, 12:07
О дополнительных мерах по строительству автомобильный дороги Карабах-Беюк Бахманли-Араятлы-Мирзанагылы Физулинского района подробно...
2 июля 2014, 12:07
Распоряжение Президента Азербайджанской РеспубликиО награждении группы сотрудников Министерства внутренних дел Азербайджанской Республики подробно...
1 июля 2014, 09:07
О дополнительных мерах по ускорению социально-экономического развития Агстафинского района подробно...
30 июня 2014, 15:06
Принят новый устав и концепция развития Академии наук подробно...
30 июня 2014, 09:06
Об изменении должностей ряда судей подробно...
30 июня 2014, 09:06
О назначении Р.К.Теймурова чрезвычайным и полномочным послом Азербайджанской Республики в Республике Корея подробно...