Bakı şəhərində yağış kanalizasiya sisteminin təkmilləşdirilməsi ilə əlaqədar işçi qrupunun yaradılması haqqında

Azərbaycan Respublikası Prezidentinin Sərəncamı

Son dövrlərdə Bakı şəhərində gedən sürətli iqtisadi inkişaf, əhalinin sayının artması, çoxlu sayda müxtəlif təyinatlı binaların və obyektlərin tikintisi şəhər təsərrüfatına, onun infrastrukturuna, o cümlədən mühəndis-kommunikasiya təminatı obyektlərinə düşən yükü dəfələrlə artırmışdır.

 

Bakı şəhərində 2016-cı ilin sentyabr və oktyabr aylarında yağan yağışlar həmin dövr üçün müşahidə edilmiş yağıntı normasından müvafiq olaraq 9,2 və 3,7 dəfə çox olmuşdur. Bu yağıntılar nəticəsində küçə və prospektlərdə səth sularının kənarlaşdırılmasını təmin etməli olan yağış kanalizasiya sisteminin işləməməsi ciddi fəsadlar törətmiş, bir sıra müxtəlif təyinatlı obyekt və tikililərə ziyan dəymiş, vətəndaşların və nəqliyyatın hərəkəti məhdudlaşdırılmışdır.

Bakı şəhərinin və Abşeron yarımadasının yağış kanalizasiya sisteminin yüksək inkişaf templərindən geri qalması və şəhər təsərrüfatının tələblərinə cavab verməməsi bu sistemin təkmilləşdirilməsini, o cümlədən səth sularının idarə olunmasını, təmizlənməsini, yağış və ərimiş qar sularının yığılması nəticəsində ciddi problemləri olan şəhər avtomobil yollarında, yaşayış massivlərində zəruri tədbirlərin həyata keçirilməsini, şəhərin ekoloji və sanitar vəziyyətinin normada saxlanılmasını tələb edir.

Bakı şəhərində yağış kanalizasiya sisteminin, şəhərin ekoloji və sanitar vəziyyətinin yaxşılaşdırılması məqsədi ilə Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

 

1. Bakı şəhərində yağış kanalizasiya sisteminin təkmilləşdirilməsi ilə əlaqədar aşağıdakı tərkibdə işçi qrupu yaradılsın:

 

İşçi qrupunun rəhbəri

 

Ramiz Mehdiyev - Azərbaycan Respublikası Prezidenti Administrasiyasının rəhbəri

 

İşçi qrupunun üzvləri:

 

Abid Şərifov - Azərbaycan Respublikası Baş nazirinin müavini;

 

Zeynal Nağdəliyev - Azərbaycan Respublikası Prezidenti Administrasiyası rəhbərinin müavini, Regional idarəetmə və yerli özünüidarəetmə orqanları ilə iş şöbəsinin müdiri;

 

Hacıbala Abutalıbov - Bakı Şəhər İcra Hakimiyyətinin başçısı;

 

Kəmaləddin Heydərov - Azərbaycan Respublikasının fövqəladə hallar naziri;

 

Ramil Usubov - Azərbaycan Respublikasının daxili işlər naziri;

 

Abbas Ələsgərov - Azərbaycan Respublikasının Dövlət Şəhərsalma və Arxitektura Komitəsinin sədri;

 

Qorxmaz Hüseynov - “Azərsu” Açıq Səhmdar Cəmiyyətinin sədri;

Əhməd Əhmədzadə - Azərbaycan Meliorasiya və Su Təsərrüfatı Açıq Səhmdar Cəmiyyətinin sədri;

 

Balababa Rzayev - “Azərişıq” Açıq Səhmdar Cəmiyyətinin sədri;

 

Saleh Məmmədov - “Azəravtoyol” Açıq Səhmdar Cəmiyyətinin sədri.

 

2. İşçi qrupuna tapşırılsın:

 

2.1. Bakı şəhərinin yağış kanalizasiya xətlərinin vəziyyətini təhlil etsin və sosial-iqtisadi inkişaf perspektivlərini, əhalinin artım tempini nəzərə almaqla kanalizasiya sisteminin idarə olunmasına, etibarlılığının artırılmasına, ardıcıl və mərhələli rekonstruksiyasına, habelə bu sahədə ekoloji və sanitar təhlükələri və problemləri istisna edən digər zəruri tədbirlərin həyata keçirilməsinə dair təkliflərini hazırlayıb üç ay müddətində Azərbaycan Respublikasının Prezidentinə təqdim etsin.

 

2.2. Bakı şəhərində yağış, ərimiş qar sularının yığılması təhlükəsi olan şəhər avtomobil yollarını müəyyənləşdirməklə səth sularının kənarlaşdırılması üçün kompleks tədbirlərin görülməsinə dair təkliflərini hazırlayıb iki ay müddətində Azərbaycan Respublikasının Prezidentinə təqdim etsin.

 

2.3. Bakı şəhər və Bakı şəhəri rayonlarının İcra hakimiyyətləri tərəfindən şəhər ərazisində baş verə biləcək subasma və digər fövqəladə halların nəticələrinin aradan qaldırılmasında çevik idarəetmənin həyata keçirilməsinə, bu sahədə təsərrüfat xidmətlərinin fəaliyyətinin əlaqələndirilməsinə, habelə təxirəsalınmaz tədbirlərin görülməsi üçün müvafiq maddi-texniki bazanın yaradılmasına dair təkliflərini hazırlayıb iki ay müddətində Azərbaycan Respublikasının Prezidentinə təqdim etsin.

 

İlham Əliyev

Azərbaycan Respublikasının Prezidenti

 

Bakı şəhəri, 11 noyabr 2016-cı il.

14 ноября 2016, 09:11

http://www.azertag.net

91—100 из 3607

17 октября 2022, 16:10

Распоряжение Президента Азербайджанской Республики Об отзыве Р.С.Мустафаева с должности чрезвычайного и полномочного посла Азербайджанской Республики во Французской Республике, одновременно в Святом Престоле и Княжестве Монако   подробно...

17 октября 2022, 16:10

Распоряжение Президента Азербайджанской Республики Об отзыве Ф.Ф.Ахундова с должностей чрезвычайного и полномочного посла Азербайджанской Республики в Королевстве Нидерландов, одновременно постоянного представителя Азербайджанской Республики при Организации по запрещению химического оружия   подробно...

17 октября 2022, 16:10

Распоряжение Президента Азербайджанской Республики О назначении Э.П.Полухова чрезвычайным и полномочным послом Азербайджанской Республики в Арабской Республике Египет   подробно...

17 октября 2022, 16:10

Распоряжение Президента Азербайджанской Республики О назначении Т.А.Рзаева чрезвычайным и полномочным послом Азербайджанской Республики в Алжирской Народной Демократической Республике   подробно...

17 октября 2022, 16:10

Распоряжение Президента Азербайджанской Республики Об отзыве Т.А.Рзаева с должностей чрезвычайного и полномочного посла Азербайджанской Республики в Арабской Республике Египет и одновременно в Республике Судан, постоянного наблюдателя Азербайджанской Республики при Лиге арабских государств   подробно...

17 октября 2022, 16:10

Распоряжение Президента Азербайджанской Республики О назначении Э.Т.Багирова чрезвычайным и полномочным послом Азербайджанской Республики в Объединенных Арабских Эмиратах   подробно...

17 октября 2022, 16:10

Распоряжение Президента Азербайджанской Республики Об освобождении Э.Т.Багирова от должности начальника Протокольной службы Президента Азербайджанской Республики   подробно...

17 октября 2022, 16:10

Распоряжение Президента Азербайджанской Республики Об отзыве М.М.Алиева с должности чрезвычайного и полномочного посла Азербайджанской Республики в Объединенных Арабских Эмиратах   подробно...

17 октября 2022, 16:10

Распоряжение Президента Азербайджанской Республики О некоторых мерах, связанных с продолжением работ по реконструкции автомобильных дорог на территории Сабаильского района города Баку   подробно...

4 октября 2022, 15:10

Распоряжение Президента Азербайджанской Республики О награждении медалью «Терегги» работников образования, отличившихся в проведении предметных олимпиад и особыми достижениями в сфере подготовки учащихся   подробно...