Azərbaycan Respublikasının Ticarət Gəmiçiliyi Məcəlləsində dəyişikliklər edilməsi haqqında
Azərbaycan Respublikasının Qanunu
Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 23-cü bəndini rəhbər tutaraq qərara alır:
Azərbaycan Respublikasının Ticarət Gəmiçiliyi Məcəlləsində (Azərbaycan Respublikasının Qanunvericilik Toplusu, 2001, № 7, maddə 444; 2006, № 12, maddə 1029; 2007, № 5, maddə 442, № 6, maddə 562, № 8, maddə 756; 2009, № 12, maddə 948; 2010, № 3, maddə 171; 2012, № 7, maddə 643; 2013, № 3, maddə 214; 2014, № 4, maddə 325; 2015, № 1, maddə 1) aşağıdakı dəyişikliklər edilsin:
1. 2.4-cü maddəyə “Dəniz limanı” sözlərindən sonra “(bundan sonra - liman və ya dəniz limanı)” sözləri əlavə edilsin və həmin maddədə “yüklər ilə” sözləri “yük ilə” sözləri ilə əvəz edilsin.
2. 2.5-ci maddə aşağıdakı redaksiyada verilsin:
“2.5. Liman idarəsi – limanın fəaliyyətinin təşkili və idarə olunması məqsədi ilə yaradılan və nizamnaməsi müvafiq icra hakimiyyəti orqanı tərəfindən təsdiq edilən hüquqi şəxs.”.
3. 6-1.1.9-cu maddədən “(liman məntəqəsinin)” sözləri çıxarılsın.
4. 6-1.1.21-ci maddənin sonunda nöqtə işarəsi nöqtəli vergül işarəsi ilə əvəz edilsin və aşağıdakı məzmunda 6-1.1.22-ci maddə əlavə edilsin:
“6-1.1.22. Dəniz limanlarında gəmi agenti tərəfindən xidmətlərin göstərilməsi üçün sertifikatın verilməsi.”.
5. 22.5-ci maddənin sonunda nöqtə işarəsi nöqtəli vergül işarəsi ilə əvəz edilsin və aşağıdakı məzmunda 22.6-cı maddə əlavə edilsin:
“22.6. Bu Məcəllənin 6-1.1.8-ci və 6-1.1.10-cu maddələrində nəzərdə tutulan şəhadətnamələr müvafiq icra hakimiyyəti orqanı tərəfindən verilir və həmin şəhadətnamələrin forması və verilmə qaydası müvafiq icra hakimiyyəti orqanı tərəfindən müəyyən edilir.”.
6. 68-ci maddədə “dəniz limanının məcburi qaydaları” sözləri “dəniz limanı üzrə məcburi qaydalar” sözləri ilə əvəz edilsin.
7. 69.2-ci maddədə “dəniz limanının məcburi qərarlarında” sözləri “dəniz limanı üzrə məcburi qaydalarda” sözləri ilə əvəz edilsin.
8. 84-cü maddənin adında, 84.1-ci maddədə, 85-ci maddənin adında və mətnində ismin müvafiq hallarında “liman hakimiyyət orqanları” sözləri ismin müvafiq hallarında “liman idarəsi” sözləri ilə əvəz edilsin.
9. 89-cu maddə aşağıdakı redaksiyada verilsin:
“Maddə 89. Xidmətlərin göstərilməsi üçün limanın müvəqqəti bağlanması
Fövqəladə hadisə, qanunsuz müdaxilə aktı, gəmi qəzaları və digər qəzalar baş verdikdə, habelə insan həyatı və ya sağlamlığı üçün təhlükə, əmlak və yükün korlanması və (və ya) məhvi təhlükəsi yarandığı hallarda limanda və ya dəniz terminalında xidmətlərin göstərilməsi mümkün olmadıqda, liman idarəsi xidmətlərin göstərilməsi üçün limanın müvəqqəti bağlanması barədə müvafiq icra hakimiyyəti orqanına dərhal müraciət edir. Müvafiq icra hakimiyyəti orqanı xidmətlərin göstərilməsi üçün limanın müvəqqəti bağlanmasını zəruri hesab etdikdə qərar qəbul edir, müvəqqəti bağlanmanın müddətini müəyyənləşdirir və bu barədə liman idarəsinə və dənizçilik sahəsində fəaliyyət göstərən təşkilatlara həmin gün yazılı məlumat göndərir.”.
10. XIII fəslin adı aşağıdakı redaksiyada verilsin:
“Gəmi agenti”.
11. 181-ci və 182-ci maddələr aşağıdakı redaksiyada verilsin:
“Maddə 181. Gəmi agenti
Gəmi agenti gəminin limana gəlməsi, limanda olması və limandan çıxması ilə əlaqədar gəmi sahibinin, fraxt edənin və ya gəmini digər qanuni əsaslarla istismar edən şəxsin maraqlarını limanlarda qoruyan, onları dövlət orqanlarında və liman idarəsində təmsil edən, digər rəsmiyyətləri yerinə yetirən, gəmi sahibinin, fraxt edənin və ya gəmini digər qanuni əsaslarla istismar edən şəxsin adından maliyyə tapşırıqlarını icra edən və digər hərəkətləri həyata keçirən, gəmi agentinə dair BMT-nin Ticarət və İnkişaf üzrə Konfransı tərəfindən müəyyən edilmiş minimal tələblərə cavab verən hər hansı hüquqi və ya fiziki şəxsdir.
Maddə 182. Limanlarda gəmi agenti
182.1. Limanlarda gəmi agentinin fəaliyyət qaydası, onun hüquq və vəzifələri müvafiq icra hakimiyyəti orqanı tərəfindən təsdiq edilən “Gəmi agenti haqqında Əsasnamə” ilə müəyyən edilir.
182.2. Limanlarda gəmi agenti tərəfindən xidmətlərin göstərilməsi üçün müvafiq icra hakimiyyəti orqanından sertifikatın alınması tələb olunur. Sertifikatın forması, qüvvədə olma müddəti, verilməsi və ləğv edilməsi qaydası müvafiq icra hakimiyyəti orqanı tərəfindən müəyyən edilir. Sertifikatın alınmasına görə “Dövlət rüsumu haqqında” Azərbaycan Respublikasının Qanununda nəzərdə tutulmuş dövlət rüsumu ödənilir.
182.3. Limanlarda gəmi agenti BMT-nin Ticarət və İnkişaf üzrə Konfransı tərəfindən müəyyən edilmiş minimal tələblərə cavab verməlidir.
182.4. Gəmi agenti və gəmi sahibi, fraxt edən və ya gəmini digər qanuni əsaslarla istismar edən şəxs arasında münasibətlər müqavilə ilə tənzimlənir.”.
12. 183-187-ci və 190-cı maddələr ləğv edilsin.
13. 239.3-cü maddənin birinci cümləsində və 257.2.6-cı maddədə ismin müvafiq hallarında “dəniz agenti” sözləri ismin müvafiq hallarında “gəmi agenti” sözləri ilə əvəz edilsin.
14. 257.2.1-ci maddədə və 260.1.4-cü maddənin ikinci cümləsində ismin müvafiq hallarında “dəniz agentləri” sözləri ismin müvafiq hallarında “gəmi agenti” sözləri ilə əvəz edilsin.
15. 298.3-cü maddədə “liman hakimiyyəti orqanlarının” sözləri “liman idarəsinin” sözləri ilə əvəz edilsin.
16. 319.2-ci maddənin birinci cümləsində, 319.2.1-ci, 328.1-ci və 328.2.2-ci maddələrdə “dəniz agentliyi” sözləri “gəmi agenti” sözləri ilə əvəz edilsin.
İlham Əliyev
Azərbaycan Respublikasının Prezidenti
Bakı şəhəri, 18 dekabr 2015-ci il.
28 января 2016, 09:01
9 апреля 2021, 21:04
Распоряжение Президента Азербайджанской Республики О дополнительных мерах по расширению территории Сумгайытского химического промышленного парка и обеспечению деятельности Акционерного общества «Азербайджан алюминиуму» («Азералюминиум») подробно...
8 апреля 2021, 20:04
Распоряжение Президента Азербайджанской Республики О награждении Юсефа бен Ахмеда аль-Усаймина орденом «Достлуг» подробно...
7 апреля 2021, 19:04
Распоряжение Президента Азербайджанской Республики О дополнительных мерах по строительству автомобильной дороги Мингячевир-Станция Мингячевир-Бахрамтепе (109 км)-Авшар-Салманбейли-Ашагы Авшар-Ходжавенд Агджабединского района подробно...
6 апреля 2021, 20:04
Указ Президента Азербайджанской Республики О создании «Центра коммерциализации и трансфера технологий» в подчинении Агентства по интеллектуальной собственности Азербайджанской Республики подробно...
5 апреля 2021, 20:04
Распоряжение Президента Азербайджанской Республики О назначении З.Р.Микаилова председателем Открытого акционерного общества «Мелиорация и водное хозяйство Азербайджана» подробно...
2 апреля 2021, 21:04
Распоряжение Президента Азербайджанской Республики О мерах по реализации пилотного проекта, связанного со строительством солнечной электростанции установленной мощностью 230 МВт подробно...
2 апреля 2021, 21:04
Распоряжение Президента Азербайджанской Республики Об освобождении А.Дж.Ахмедзаде от должности председателя Открытого акционерного общества «Мелиорация и водное хозяйство Азербайджана» подробно...
30 марта 2021, 19:03
Распоряжение Президента Азербайджанской Республики О награждении Дж.А.Алиева орденом "За службу Отечеству" 1-й степени подробно...
30 марта 2021, 19:03
Распоряжение Президента Азербайджанской Республики О награждении М.М.Панахова орденом «Шараф» подробно...
30 марта 2021, 19:03
Распоряжение Президента Азербайджанской Республики Об утверждении состава Наблюдательного совета Закрытого акционерного общества «Азербайджанские железные дороги» подробно...