“Azərbaycan Respublikasının Torpaq Məcəlləsində dəyişikliklər edilməsi haqqında” Azərbaycan Respublikasının 2015-ci il 18 dekabr tarixli 57-VQD nömrəli Qanununun tətbiqi barədə

Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, “Azərbaycan Respublikasının Torpaq Məcəlləsində dəyişikliklər edilməsi haqqında” Azərbaycan Respublikasının 2015-ci il 18 dekabr tarixli 57-VQD nömrəli Qanununun qüvvəyə minməsi ilə əlaqədar həmin Qanunun tətbiqini təmin etmək məqsədi ilə qərara alıram:

 

1. Azərbaycan Respublikasının Nazirlər Kabineti:

1.1. Azərbaycan Respublikası qanunlarının və Azərbaycan Respublikası Prezidentinin aktlarının “Azərbaycan Respublikasının Torpaq Məcəlləsində dəyişikliklər edilməsi haqqında” Azərbaycan Respublikasının Qanununa uyğunlaşdırılması ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etsin;

1.2. Azərbaycan Respublikasının Torpaq Məcəlləsinin 46-cı maddəsinin 2-1-ci bəndinin dördüncü cümləsində nəzərdə tutulmuş sahilboyu zolağın qrafik təsvirini altı ay müddətində təsdiq edib Azərbaycan Respublikasının Prezidentinə məlumat versin;

1.3. Azərbaycan Respublikasının Torpaq Məcəlləsinin 46-cı maddəsinin 2-1-ci bəndinin yeddinci cümləsində nəzərdə tutulmuş xüsusi əhəmiyyətli dövlət obyektlərini Azərbaycan Respublikasının Prezidenti ilə razılaşdırmaqla üç ay müddətində müəyyən etsin;

1.4. Azərbaycan Respublikası Nazirlər Kabinetinin normativ hüquqi aktlarının həmin Qanuna uyğunlaşdırılmasını üç ay müddətində təmin edib Azərbaycan Respublikasının Prezidentinə məlumat versin;

1.5. mərkəzi icra hakimiyyəti orqanlarının normativ hüquqi aktlarının həmin Qanuna uyğunlaşdırılmasını nəzarətdə saxlasın və bunun icrası barədə beş ay müddətində Azərbaycan Respublikasının Prezidentinə məlumat versin;

1.6. həmin Qanundan irəli gələn digər məsələləri həll etsin.

2. Müəyyən edilsin ki, Azərbaycan Respublikasının Torpaq Məcəlləsinin 46-cı maddəsinin 2-1-ci bəndinin yeddinci cümləsində nəzərdə tutulmuş müvafiq icra hakimiyyəti orqanının səlahiyyətlərini Azərbaycan Respublikasının Nazirlər Kabineti həyata keçirir.

3. Azərbaycan Respublikasının Əmlak Məsələləri Dövlət Komitəsinə tapşırılsın ki:

3.1. Azərbaycan Respublikasının Torpaq Məcəlləsinin 46-cı maddəsinin 2-1-ci bəndinin dördüncü cümləsində nəzərdə tutulmuş sahilboyu zolağın kağız üzərində və rəqəmsal formada qrafik təsvirini (müvafiq döngə nöqtələri və onların koordinatları, sahilboyu zolağın 20 metrdən 50 metrədək müəyyənləşdirilməsinə əsas olan su səthinin quru ilə təmas xəttinin mövcud və təbii təsirlərlə əlaqədar dəyişən vəziyyəti göstərilməklə) dörd ay müddətində hazırlayıb Azərbaycan Respublikasının Nazirlər Kabinetinə təqdim etsin;

 

3.2. Xəzər dənizinin (gölünün) Azərbaycan Respublikasına mənsub olan bölməsinin sahilboyu 20-50 metrlik zolağının altında olan torpaq sahələrindən istifadə vəziyyətini araşdırsın, mehmanxana-turizm obyektləri istisna olmaqla, həmin torpaq sahələrindən Azərbaycan Respublikası Torpaq Məcəlləsinin 46-cı maddəsinin 2.1-ci bəndinin tələbləri pozulmaqla faktiki istifadə halları ilə bağlı Azərbaycan Respublikasının Cinayət Məcəlləsinin 188-ci, 314-1-ci və 314-2-ci maddələrində nəzərdə tutulmuş əməllərin əlamətlərini aşkar etdikdə, bu barədə Azərbaycan Respublikasının Baş Prokurorluğuna və Azərbaycan Respublikasının Daxili İşlər Nazirliyinə məlumat versin;

3.3. bu Fərmanın 3.2-ci bəndində nəzərdə tutulmuş tapşırığın icrası ilə bağlı görülmüş işlər barədə hər altı aydan bir Azərbaycan Respublikasının Prezidentinə məlumat versin.

4. Azərbaycan Respublikasının Ədliyyə Nazirliyi mərkəzi icra hakimiyyəti orqanlarının normativ hüquqi aktlarının və normativ xarakterli aktların “Azərbaycan Respublikasının Torpaq Məcəlləsində dəyişikliklər edilməsi haqqında” Azərbaycan Respublikasının Qanununa uyğunlaşdırılmasını təmin edib Azərbaycan Respublikasının Nazirlər Kabinetinə məlumat versin.

 

İlham Əliyev

Azərbaycan Respublikasının Prezidenti

 

Bakı şəhəri, 15 yanvar 2016-cı il.

 

18 января 2016, 09:01

http://www.azertag.net

121—130 из 3607

7 сентября 2022, 14:09

Распоряжение Президента Азербайджанской Республики О мерах, связанных с работами по строительству, ремонту и восстановлению в населенных пунктах (город, село, поселок) на освобожденных от оккупации территориях Джебраильского, Губадлинского и Зангиланского районов, входящих в Восточно-Зангезурский экономический район   подробно...

7 сентября 2022, 14:09

Распоряжение Президента Азербайджанской Республики О мерах, связанных с работами по строительству, ремонту и восстановлению в населенных пунктах (город, село, поселок) на освобожденных от оккупации территориях Агдамского, Физулинского, Ходжавендского и Тертерского районов, входящих в Карабахский экономический район   подробно...

6 сентября 2022, 14:09

Распоряжение Президента Азербайджанской Республики Об освобождении И.Г.Джафарова от должности ректора Азербайджанского государственного аграрного университета   подробно...

26 августа 2022, 09:08

Распоряжение Президента Азербайджанской Республики О мерах по реконструкции автомобильных дорог на территории села Гахбаш Гахского района   подробно...

26 августа 2022, 09:08

Распоряжение Президента Азербайджанской Республики О дополнительных мерах по обеспечению деятельности Алятской свободной экономической зоны   подробно...

26 августа 2022, 09:08

Распоряжение Президента Азербайджанской Республики О награждении Ф.Р.Агамалы орденом «За службу Отечеству» 2-й степени   подробно...

22 августа 2022, 19:08

Распоряжение Президента Азербайджанской Республики Об упрощении визовых процедур для иностранцев и лиц без гражданства, желающих въехать в Азербайджанскую Республику в рамках поездки в Государство Катар в связи с предстоящим в Государстве Катар в 2022 году Чемпионатом мира по футболу в период проведения чемпионата   подробно...

22 августа 2022, 19:08

Распоряжение Президента Азербайджанской Республики О награждении военнослужащих Службы безопасности Президента Азербайджанской Республики   подробно...

22 августа 2022, 19:08

Распоряжение Президента Азербайджанской Республики О присвоении Э.А.Зейналову высшего воинского звания генерал-майора   подробно...

8 августа 2022, 15:08

Распоряжение Президента Азербайджанской Республики О некоторых мерах, связанных с продолжением работ по реконструкции автомобильных дорог на территории Гарадагского района города Баку   подробно...