Azərbaycan Respublikası Dövlət Neft Şirkətinin “Günəşli” yatağının 10 saylı stasionar dərin dəniz özülündə baş vermiş qəza ilə əlaqədar Dövlət Komissiyasının yaradılması haqqında

Azərbaycan Respublikası Prezidentinin Sərəncamı

2015-ci il dekabrın 4-də Azərbaycan Respublikası Dövlət Neft Şirkətinin “Günəşli” yatağının 10 saylı stasionar dərin dəniz özülündə şiddətli yanğın baş vermişdir. Ağır hava şəraiti və güclü qasırğa qəza yerində olan şəxslərin xilas edilməsi işlərinin aparılmasını çətinləşdirmişdir. Buna baxmayaraq, görülmüş tədbirlər nəticəsində 32 nəfər xilas edilərək təxliyə olunmuşdur. İlkin məlumata görə 1 nəfər həlak olmuşdur. Hazırda itkin düşənlərin axtarışı və xilas edilməsi tədbirləri davam etdirilir.

 

Xilasetmə işlərinin sürətləndirilməsi, aidiyyəti dövlət orqanlarının fəaliyyətinin əlaqələndirilməsi, baş vermiş qəzanın səbəblərinin araşdırılması və nəticələrinin aradan qaldırılması məqsədi ilə qərara alıram:

1. Azərbaycan Respublikası Dövlət Neft Şirkətinin “Günəşli” yatağının 10 saylı stasionar dərin dəniz özülündə baş vermiş qəza ilə əlaqədar aşağıdakı tərkibdə Dövlət Komissiyası yaradılsın:

 

Komissiyanın sədri:

 

Artur Rasi-zadə - Azərbaycan Respublikasının Baş naziri

 

Komissiyanın üzvləri:

 

Yaqub Eyyubov - Azərbaycan Respublikası Baş nazirinin birinci müavini

 

Kəmaləddin Heydərov - Azərbaycan Respublikasının fövqəladə hallar naziri

 

Rövnəq Abdullayev - Azərbaycan Respublikası Dövlət Neft Şirkətinin prezidenti

 

Natiq Əliyev - Azərbaycan Respublikasının energetika naziri

 

Zakir Qaralov - Azərbaycan Respublikasının Baş prokuroru

 

Ramil Usubov - Azərbaycan Respublikasının daxili işlər naziri

 

Mədət Quliyev - Azərbaycan Respublikası milli təhlükəsizlik nazirinin birinci müavini

 

Elçin Quliyev - Azərbaycan Respublikası Dövlət Sərhəd Xidmətinin rəisi

 

Oqtay Şirəliyev - Azərbaycan Respublikasının səhiyyə naziri

 

Hüseynqulu Bağırov - Azərbaycan Respublikasının ekologiya və təbii sərvətlər naziri

 

Samir Şərifov - Azərbaycan Respublikasının maliyyə naziri

 

Səlim Müslümov - Azərbaycan Respublikasının əmək və əhalinin sosial müdafiəsi naziri

 

Qüdrət Qurbanov - Azərbaycan Respublikası Dövlət Dəniz Administrasiyasının rəisi

 

2. Dövlət Komissiyası:

- itkin düşənlərin axtarışı və xilasetmə işlərinin sürətləndirilməsini təmin etsin;

- hadisənin baş verməsi səbəblərini və şəraitini araşdıraraq onun nəticələrinin aradan qaldırılması üçün təxirəsalınmaz tədbirlər müəyyənləşdirsin və həyata keçirsin;

- qəza nəticəsində zərər çəkmiş şəxslərə və həlak olanların ailə üzvlərinə maddi və digər zəruri yardım göstərilməsini təmin etsin;

- qəza nəticəsində xəsarət alanların müalicəsini təmin etsin;

- qəza nəticəsində dərin dəniz özülünün yararlılıq vəziyyətinin və ona dəymiş zərərin müəyyənləşdirilməsini təmin etsin;

- görülmüş işlər haqqında Azərbaycan Respublikasının Prezidentinə mütəmadi məlumat versin.

3. Azərbaycan Respublikası Baş Prokurorluğu Daxili İşlər, Fövqəladə Hallar və Milli Təhlükəsizlik nazirlikləri ilə birlikdə baş vermiş hadisənin səbəblərinin araşdırılması üçün təxirəsalınmaz istintaq tədbirlərini həyata keçirsin.

4. Bu Sərəncam imzalandığı gündən qüvvəyə minir.

 

İlham Əliyev

Azərbaycan Respublikasının Prezidenti

 

Bakı şəhəri, 5 dekabr 2015-ci il.

7 декабря 2015, 08:12

http://www.azertag.net

1771—1780 из 3607

14 августа 2017, 09:08

О награждении А.З.Нематова орденом «За службу Отечеству» 2-й степени   подробно...

11 августа 2017, 09:08

Об утверждении «Государственной программы по развитию табаководства в Азербайджанской Республике на 2017-2021 годы»   подробно...

7 августа 2017, 10:08

О дополнительных мерах по продолжению проекта реконструкции систем водоснабжения и канализации города Гах   подробно...

7 августа 2017, 10:08

О дополнительных мерах по капитальному ремонту многоквартирных зданий и продолжению работ по благоустройству и созиданию в городе Загатала   подробно...

7 августа 2017, 10:08

О мерах по строительству автомобильной дороги Алиабад-Муганлы-Фалдарлы-Гандах-Енгийан-Алиабад Загатальского района   подробно...

7 августа 2017, 10:08

О мерах по строительству нового здания Детской школы искусств в городе Балакен   подробно...

7 августа 2017, 10:08

О мерах по строительству автомобильной дороги Балакен-Газбина-Ититала Балакенского района   подробно...

3 августа 2017, 10:08

О дополнительных мерах по обеспечению деятельности Нового Бакинского международного морского торгового порта   подробно...

3 августа 2017, 09:08

О дополнительных мерах по ускорению строительства комплекса Нового Бакинского международного морского торгового порта   подробно...

3 августа 2017, 09:08

О присвоении почетного звания «Шехид 20 Января»   подробно...