Bakı şəhəri Binəqədi rayonu ərazisində çoxmərtəbəli binada baş vermiş yanğın iləəlaqədar Dövlət Komissiyasının yaradılması haqqında
Azərbaycan Respublikası Prezidentinin Sərəncamı
2015-ci il mayın 19-da Bakı şəhəri Binəqədi rayonu Azadlıq prospekti, 200/36 ünvanında yerləşən çoxmərtəbəli yaşayış binasında yanğın baş vermiş, nəticədə həlak olanlar və yaralananlar vardır.
Baş vermiş faciənin səbəblərini araşdırmaq və nəticələrini aradan qaldırmaq məqsədi ilə qərara alıram:
1. Bakı şəhəri Binəqədi rayonu Azadlıq prospekti, 200/36 ünvanında yerləşən çoxmərtəbəli yaşayış binasında baş vermiş yanğınla əlaqədar aşağıdakı tərkibdə Dövlət Komissiyası yaradılsın:
Komissiyanın sədri:
Abid Şərifov - Azərbaycan Respublikasının Baş nazirinin müavini
Komissiyanın üzvləri:
Ramil Usubov - Azərbaycan Respublikasının daxili işlər naziri
Kəmaləddin Heydərov - Azərbaycan Respublikasının fövqəladə hallar naziri
Zakir Qaralov - Azərbaycan Respublikasının Baş prokuroru
Eldar Mahmudov - Azərbaycan Respublikasının milli təhlükəsizlik naziri
Oqtay Şirəliyev - Azərbaycan Respublikasının səhiyyə naziri
Samir Şərifov - Azərbaycan Respublikasının maliyyə naziri
Səlim Müslümov - Azərbaycan Respublikasının əmək və əhalinin sosial müdafiəsi naziri
Hacıbala Abutalıbov - Bakı şəhər İcra Hakimiyyətinin başçısı
2. Dövlət Komissiyası:
- hadisənin baş verməsi səbəblərini və şəraitini araşdıraraq onun nəticələrinin aradan qaldırılması üçün təxirəsalınmaz tədbirlər müəyyənləşdirsin və həyata keçirsin;
- baş vermiş yanğın nəticəsində zərər çəkənlərin əmlakına dəymiş ziyanın 15 gün müddətində hesablanmasını təmin etsin;
- hadisə nəticəsində zərər çəkənlərə və həlak olanların ailə üzvlərinə maddi və digər zəruri yardım göstərilməsini təmin etsin;
- yanğın nəticəsində xəsarət alanların müalicəsini təmin etsin;
- yaşayış binasının istifadəyə yararlılıq vəziyyətini araşdırsın və onun sakinlərinin müvəqqəti yerləşdirilməsi ilə bağlı zəruri tədbirləri həyata keçirsin;
- görülmüş işlər haqqında mütəmadi məlumat versin.
3. Azərbaycan Respublikası Baş Prokurorluğu, Daxili İşlər və Fövqəladə Hallar nazirlikləri ilə birlikdə baş vermiş yanğın hadisəsinin səbəblərinin araşdırılması və təqsirkar şəxslərin müəyyən edilərək məsuliyyətə cəlb edilməsi üçün təxirəsalınmaz istintaq tədbirlərini həyata keçirsinlər.
4. Bu Sərəncam imzalandığı gündən qüvvəyə minir.
İlham Əliyev
Azərbaycan Respublikasının Prezidenti
Bakı şəhəri, 19 may 2015-ci il.
20 мая 2015, 09:056 апреля 2015, 09:04
Об утверждении «Плана мероприятий», связанного с объявлением 2015 года в Азербайджанской Республике «Годом сельского хозяйства» подробно...
6 апреля 2015, 09:04
О назначении членов Правления Центрального банка Азербайджанской Республики подробно...
30 марта 2015, 09:03
О предоставлении Ш.Г.Мамедовой «Почетного диплома Президента Азербайджанской Республики» подробно...
29 марта 2015, 09:03
О присвоении И.Л.Керимову почетного звания «Заслуженный инженер» подробно...
29 марта 2015, 09:03
О присвоении высших воинских званий сотрудникам Министерства национальной безопасности Азербайджанской Республики подробно...
29 марта 2015, 09:03
О награждении группы сотрудников Министерства национальной безопасности Азербайджанской Республики подробно...
19 марта 2015, 09:03
О помиловании ряда осужденных лиц подробно...
16 марта 2015, 09:03
О вручении С.Р.Мамедовой «Почетного диплома Президента Азербайджанской Республики» подробно...
16 марта 2015, 09:03
О награждении А.М.Гусейнова орденом «За службу Отечеству» 2-й степени подробно...
16 марта 2015, 09:03
О дополнительных мерах относительно ускорения работ по капитальному ремонту жилищного фонда города Барды и реконструкции проселочной автомобильной дороги Ени Дашкенд – Умудалылар подробно...