2014-cü il dekabrın 23-nə təyin edilmiş bələdiyyə seçkilərindəəraziləri bir neçə seçki dairəsi arasında bölünmüş bələdiyyələrə keçirilən seçkilərin yekunlarının müəyyən olunmasına dair

Azərbaycan Respublikası Mərkəzi Seçki Komissiyasının QƏRARI

2014-cü il dekabrın 23-nə təyin edilmiş bələdiyyə seçkilərində əraziləri bir neçə seçki dairəsi arasında bölünmüş bələdiyyələrə keçirilən seçkilərin yekunlarının müəyyən olunması məqsədilə Azərbaycan Respublikasının Mərkəzi Seçki Komissiyası Azərbaycan Respublikası Seçki Məcəlləsinin 19.4-cü, 19.14-cü, 28.2-ci, 28.4-cü, 29.4-cü və 238-ci maddələrinə uyğun olaraq qərara  alır:

1.2014-cü il dekabrın 23-nə təyin edilmiş bələdiyyə seçkilərində əraziləri bir neçə seçki dairəsi arasında bölünmüş bələdiyyələr üzrə səsvermənin yekunlarına dair dairə seçki komissiyaları protokollarının tərtib edilməsi “Əraziləri seçki dairələri arasında bölünmüş bələdiyyələr üzrə səsvermə protokollarının tərtibinə dair Cədvəl”ə uyğun olaraq müəyyən olunsun (cədvəl əlavə edilir).

2. Qərar dərc edildiyi gündən qüvvəyə minir.

 

 Sədr   Məzahir Pənahov

 Katib    Arifə Muxtarova

 Katib  Mikayıl Rəhimov

 

Əraziləri seçki dairələri arasında bölünmüş bələdiyyələr üzrə

səsvermə protokollarının tərtibinə dair

 

C Ə D V Ə L

Səsvermə protokollarını tərtib etməli olan DSK-lar	Barələrində səsvermə protokolları tərtib olunacaq bələdiyyələrin adı
8 - Binəqədi I	Binəqədi
17 - Yasamal III	Yasamal
19 - Nərimanov I	Nərimanov
21 - Nəsimi I	Nəsimi
25 - Nizami II	Nizami
28 - Sabunçu III	Zabrat
29 - Səbail	Səbail
31 - Suraxanı II	Qaraçuxur
36 - Xətai IV	Xətai
38 - Nizami II (Gəncə)	Nizami
39 - Kəpəz I (Gəncə)	Kəpəz
41 - Sumqayıt I	Sumqayıt
47 - Mingəçevir	Mingəçevir
113 - Şəki şəhər	Şəki
Cəmi: 14 dairə

8 декабря 2014, 09:12

© 2013, «LegalActs» LLC, All rights reserved
The Website Use Agreement