“Azərbaycan Respublikasının 1999-cu il 25 iyun tarixli Qanunu ilə təsdiq edilmiş Azərbaycan Respublikasının Torpaq Məcəlləsinin tətbiq edilməsi barədə” Azərbaycan Respublikası Prezidentinin 1999-cu il 4 avqust tarixli 176 nömrəli Fərmanında dəyişikliklər edilməsi haqqında

Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Azərbaycan Respublikasının 1999-cu il 25 iyun tarixli Qanunu ilə təsdiq edilmiş Azərbaycan Respublikasının Torpaq Məcəlləsinin tətbiq edilməsi barədə” Azərbaycan Respublikası Prezidentinin 1999-cu il 4 avqust tarixli 176 nömrəli Fərmanını “Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” Azərbaycan Respublikasının Qanununa uyğunlaşdırmaq məqsədi ilə qərara alıram:

1.“Azərbaycan Respublikasının 1999-cu il 25 iyun tarixli Qanunu ilə təsdiq edilmiş Azərbaycan Respublikasının Torpaq Məcəlləsinin tətbiq edilməsi barədə” Azərbaycan Respublikası Prezidentinin 1999-cu il 4 avqust tarixli 176 nömrəli Fərmanının (Azərbaycan Respublikasının Qanunvericilik Toplusu, 1999, № 8, maddə 486; 2000, № 3 (I kitab), maddə 158; 2001, № 12, maddə 755; 2003, № 10, maddə 546; 2004, № 4, maddə 231; 2006, № 8, maddə 660; 2008, № 3, maddə 174, № 8, maddə 714; 2009, № 7, maddə 542; 2012, № 11, maddə 1080) 2-ci hissəsində aşağıdakı dəyişikliklər edilsin:

1.1.üçüncü abzasdan “45-ci maddəsinin 1-ci bəndində,” sözləri çıxarılsın;

1.2.altıncı abzas aşağıdakı redaksiyada verilsin:

“həmin Məcəllənin 45-ci maddəsinin 1-ci bəndində nəzərdə tutulmuş müvafiq icra hakimiyyəti orqanlarının səlahiyyətlərini kənd təsərrüfatı təyinatlı, kənd təsərrüfatı ehtiyacları üçün istifadə olunan və oluna bilən az yararlı və yararsız torpaqların münbitliyinin təmin olunmasına dövlət nəzarətinin həyata keçirilməsi ilə əlaqədar Azərbaycan Respublikasının Kənd Təsərrüfatı Nazirliyi və başqa kateqoriyadan olan torpaqların münbitliyinin təmin olunmasına dövlət nəzarətinin həyata keçirilməsi ilə əlaqədar Azərbaycan Respublikasının Ekologiya və Təbii Sərvətlər Nazirliyi həyata keçirirlər;”.

2.Azərbaycan Respublikasının Nazirlər Kabineti:

2.1.Azərbaycan Respublikası Prezidentinin aktlarının bu Fərmana uyğunlaşdırılması ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etsin;

2.2.Azərbaycan Respublikası Nazirlər Kabinetinin normativ hüquqi aktlarının bu Fərmana uyğunlaşdırılmasını üç ay müddətində təmin edib Azərbaycan Respublikasının Prezidentinə məlumat versin;

2.3.mərkəzi icra hakimiyyəti orqanlarının normativ hüquqi aktlarının bu Fərmana uyğunlaşdırılmasını nəzarətdə saxlasın və bunun icrası barədə beş ay müddətində Azərbaycan Respublikasının Prezidentinə məlumat versin;

2.4.bu Fərmandan irəli gələn digər məsələləri həll etsin.

3.Azərbaycan Respublikasının Ədliyyə Nazirliyi mərkəzi icra hakimiyyəti orqanlarının normativ hüquqi aktlarının və normativ xarakterli aktların bu Fərmana uyğunlaşdırılmasını təmin edib Azərbaycan Respublikasının Nazirlər Kabinetinə məlumat versin.

 

İlham Əliyev

Azərbaycan Respublikasının Prezidenti

 

Bakı şəhəri, 31 oktyabr 2014-cü il.

3 ноября 2014, 09:11

http://www.azertag.net

3571—3580 из 3607

15 января 2014, 08:01

Распоряжение Президента Азербайджанской Республики О создании Университета «АДА»   подробно...

15 января 2014, 08:01

Распоряжение Президента Азербайджанской Республики О проведении 90-летнего юбилея Нахчыванской Автономной Республики   подробно...

14 января 2014, 09:01

Университет АДА учреждён в Азербайджане   подробно...

14 января 2014, 09:01

Министерство туризма вносит новые пункты в проект закона «О туризме»   подробно...

14 января 2014, 09:01

Распоряжение Президента Азербайджанской Республики О награждении орденом «Шохрат»   подробно...

13 января 2014, 15:01

Эксперт: жилые объекты формируют цены на недвижимость в Баку   подробно...

13 января 2014, 14:01

Советник президента Академии наук провёл переговоры с руководством ABC   подробно...

13 января 2014, 09:01

Распоряжение Президента Азербайджанской Республики Об объявлении 2014 года в Азербайджанской Республике «Годом промышленности»   подробно...

13 января 2014, 09:01

Распоряжение Президента Азербайджанской Республики О материально-техническом обеспечении нового здания Музея азербайджанского ковра   подробно...

29 декабря 2013, 09:12

О съемках многосерийного телевизионного художественного фильма по дастанам «Деде Горгуд»   подробно...