Azərbaycan Respublikası Nazirlər Kabinetinin 2014-cü il 12 may tarixli 143 nömrəli qərarı ilə təsdiq edilmiş "Yoxlama suallarının siyahısının forması və tətbiqi Qaydası"nda dəyişikliklər edilməsi haqqında

AZƏRBAYCAN RESPUBLİKASININ

NAZİRLƏR KABİNETİ

QƏRAR

№ 285

Bakı şəhəri, 15 avqust 2014-cü il

Azərbaycan Respublikası Nazirlər Kabinetinin 2014-cü il 12 may tarixli 143 nömrəli qərarı ilə təsdiq edilmiş "Yoxlama suallarının siyahısının forması və tətbiqi Qaydası"nda dəyişikliklər edilməsi haqqında

Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq Azərbaycan Respublikasının Nazirlər Kabineti QƏRARA ALIR:

1. Azərbaycan Respublikası Nazirlər Kabinetinin 2014-cü il 12 may tarixli 143 nömrəli qərarı ilə təsdiq edilmiş "Yoxlama suallarının siyahısının forması və tətbiqi Qaydası"nda aşağıdakı dəyişikliklər edilsin:

1.1. 2.7-ci bənddə "normasına istinad xarakteri daşımamalıdır" sözləri "(o cümlədən texniki normativ hüquqi aktın) struktur elementinin nömrəsinə istinad xarakteri daşıya bilməz" sözləri ilə əvəz edilsin;

1.2. 2.12-ci bənddə "mütəmadi" sözü "həmin normativ hüquqi aktlarda dəyişikliklər baş verdikcə" sözləri ilə əvəz edilsin.

2. Bu qərar imzalandığı gündən qüvvəyə minir.

Azərbaycan Respublikasının Baş naziri   Artur Rasi-zadə

 

26 августа 2014, 09:08

© 2013, «LegalActs» LLC, All rights reserved
The Website Use Agreement