Peşə təhsili müəssisələrində yeni maliyyələşmə mexanizminin tətbiq edilməsi haqqında
Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, Azərbaycan Respublikası Prezidentinin 2022-ci il 22 iyul tarixli 3378 nömrəli Sərəncamı ilə təsdiq edilmiş “Azərbaycan Respublikasının 2022–2026-cı illərdə sosial-iqtisadi inkişaf Strategiyası”nın icrası ilə əlaqədar qərara alıram:

1. Peşə təhsili müəssisələrində 2023-cü il aprelin 1-dən peşə təhsili pilləsinin bütün səviyyələri üzrə dövlət büdcəsinin vəsaiti hesabına kadr hazırlığı mərhələli şəkildə adambaşına maliyyələşdirmə prinsipi əsasında dövlət sifarişi ilə həyata keçirilsin.

2. Adambaşına maliyyələşdirmə prinsipi əsasında kadr hazırlığı həyata keçirilən peşə təhsili müəssisələrində 2023–2026-cı illərdə 12 000 (on iki min) təhsilalana münasibətdə ayrı-ayrı ixtisaslar üzrə hər bir təhsilalana düşən illik təhsil xərclərinin miqdarına artım əmsalı tətbiq edilsin.

3. Müəyyən edilsin ki:

3.1. hər tədris ili üçün ayrı-ayrı ixtisaslar üzrə peşə təhsili pilləsinin bütün səviyyələrinə dövlət sifarişi ölkənin əmək bazarının xüsusiyyətləri və prioritet inkişaf istiqamətləri nəzərə alınmaqla, Azərbaycan Respublikası Elm və Təhsil Nazirliyinin aidiyyəti dövlət orqanları (qurumları) ilə razılaşdırılmış təklifləri əsasında müəyyənləşdirilir;

3.2. Azərbaycan Respublikasının Nazirlər Kabineti dövlət sifarişinə uyğun olaraq, hər tədris ili üçün ayrı-ayrı ixtisaslar üzrə peşə təhsili pilləsinin bütün səviyyələrinə tələbə qəbulunu həmin il may ayının 1-dək təsdiq edir.

4. Azərbaycan Respublikasının Nazirlər Kabineti:

4.1. ayrı-ayrı ixtisaslar üzrə peşə təhsili müəssisələrində dövlət sifarişi ilə hər bir təhsilalana düşən illik təhsil xərclərinin miqdarını, habelə yeni maliyyələşmə mexanizminin tətbiqi ilə bağlı dövlət sifarişi ilə peşə təhsili müəssisələrində kadr hazırlığının maliyyələşdirilməsi və hər bir təhsilalana düşən illik təhsil xərclərinin miqdarına artım əmsalının tətbiq edilməsi qaydalarını bir ay müddətində təsdiq etsin;

4.2. bu Fərmandan irəli gələn digər məsələləri həll etsin.

5. Azərbaycan Respublikasının Elm və Təhsil Nazirliyi hər növbəti təqvim ili üçün dövlət büdcəsinin vəsaiti hesabına adambaşına maliyyələşdirmə prinsipi əsasında dövlət sifarişi ilə kadr hazırlığını həyata keçirəcək peşə təhsili müəssisələrinin siyahısını və təhsilalanlarının sayını, eləcə də hər bir təhsilalana düşən illik təhsil xərclərinin miqdarına artım əmsalı tətbiq ediləcək təhsilalanların sayını Azərbaycan Respublikasının Maliyyə Nazirliyi ilə razılaşdırmaqla müəyyən etsin.

6. Azərbaycan Respublikasının Maliyyə Nazirliyi bu Fərmanın icrasından irəli gələn tədbirlərin dövlət büdcəsinin vəsaiti hesabına maliyyələşdirilməsini təmin etsin.

İlham Əliyev

Azərbaycan Respublikasının Prezidenti

Bakı şəhəri, 17 mart 2023-cü il

17 марта 2023, 15:03

http://www.azertag.az

3591—3600 из 3607

24 декабря 2013, 09:12

О дополнительных мерах по обеспечению автомобилями инвалидов, имеющих медицинское показание на получение специального транспорта   подробно...

23 декабря 2013, 19:12

В Азербайджане запущена е-услуга перевода номера телефона с одного имени на другое   подробно...

28 ноября 2013, 09:11

Распоряжение Президента Азербайджанской Республики О награждении А.А.Жилкина орденом «Дружба»   подробно...

28 ноября 2013, 09:11

Распоряжение Президента Азербайджанской Республики О дополнительных мерах, связанных с продолжением работ по реконструкции и благоустройству на Приморском бульваре города Баку   подробно...

25 ноября 2013, 09:11

Распоряжение Президента Азербайджанской Республики О проведении 130-летнего юбилея Мамеда Эмина Расулзаде   подробно...

25 ноября 2013, 09:11

Постановление Милли Меджлиса Азербайджанской Республики О назначении В.Т.Гюльмамедова председателем Счетной палаты Азербайджанской Республики   подробно...

22 ноября 2013, 08:11

В Баку подписан пакет азербайджано-белорусских межправительственных документов.   подробно...

21 ноября 2013, 09:11

Распоряжение Президента Азербайджанской Республики О присвоении М.Х.Аллахвердиеву почетного звания «Заслуженный медицинский работник»   подробно...

21 ноября 2013, 09:11

Распоряжение Президента Азербайджанской Республики О присвоении Б.Г.Асадову почетного звания «Заслуженный юрист»   подробно...

19 ноября 2013, 09:11

Распоряжение Президента Азербайджанской Республики О награждении орденом «Гейдар Алиев» В.Ф.Януковича   подробно...