Azərbaycan Respublikası Nazirlər Kabinetinin 2009-cu il 25 dekabr tarixli 201 nömrəli qərarı ilə təsdiq edilmiş "Qeyri-hökumət təşkilatının illik maliyyə hesabatının forması, məzmunu və təqdim edilməsi Qaydası"nda dəyişikliklər edilməsi haqqında

AZƏRBAYCAN   RESPUBLİKASININ

NAZİRLƏR  KABİNETİ

QƏRAR

№ 185

Bakı şəhəri, 6 iyun 2014-cü il

Azərbaycan  Respublikası Nazirlər Kabinetinin 2009-cu il  25 dekabr   tarixli  201  nömrəli  qərarı  ilə  təsdiq  edilmiş   "Qeyri-hökumət təşkilatının illik maliyyə hesabatının forması, məzmunu və təqdim edilməsi Qaydası"nda dəyişikliklər edilməsi haqqında

 "Qeyri-hökumət təşkilatları (ictimai birliklər və fondlar) haqqında" Azərbaycan Respublikasının Qanununda dəyişikliklər edilməsi barədə" Azərbaycan Respublikasının 2013-cü il 17 dekabr tarixli 849-IVQD nömrəli Qanununun tətbiqi haqqında" Azərbaycan Respublikası Prezidentinin 2014-cü il 1 fevral tarixli 97 nömrəli Fərmanının 1.2-ci bəndinin icrasını təmin etmək məqsədi ilə Azərbaycan Respublikasının Nazirlər KabinetiQƏRARA ALIR:

Azərbaycan Respublikası Nazirlər Kabinetinin 2009-cu il 25 dekabr tarixli 201 nömrəli qərarı (Azərbaycan Respublikasının Qanunvericilik Toplusu, 2009, № 12, maddə 1076; 2010, № 6, maddə 548; 2013, № 6, maddə 771) ilə təsdiq edilmiş "Qeyri-hökumət təşkilatının illik maliyyə hesabatının forması, məzmunu və təqdim edilməsi Qaydası"nda  aşağıdakı dəyişikliklər edilsin:

1. 1.1-ci, 1.2-ci (birinci halda) və 3.1-ci bəndlərə, 3.1.5-ci yarımbəndin ikinci abzasına, 4.1-ci bəndə, 4.3.3-cü yarımbəndə, 4.6-cı bəndə, 4.6.1-ci və 4.6.6-cı yarımbəndlərə, 5.1-ci bəndə, 5.3-cü bəndə (ikinci halda), 5.5-ci bəndə, 6.1.1-ci - 6.1.3-cü yarımbəndlərə ismin müvafiq hallarında "qeyri-hökumət təşkilatları" sözlərindən sonra ismin müvafiq hallarında ", habelə xarici dövlətlərin qeyri-hökumət təşkilatlarının filial və nümayəndəlikləri" sözləri, 5.2-ci bəndə "Qeyri-hökumət təşkilatı" sözlərindən sonra və 5.4-cü bəndə  "qeyri-hökumət təşkilatı" sözlərindən sonra ", habelə xarici dövlətlərin qeyri-hökumət təşkilatlarının filial və nümayəndəlikləri" sözləri əlavə edilsin.

2. 4.6.6-cı yarımbəndə "əks etdirilməklə," sözlərindən sonra "ianələrin məbləği və" sözləri əlavə edilsin.

3. 4.6.6.2-ci yarımbəndin sonunda nöqtə işarəsi nöqtəli vergül işarəsi ilə əvəz edilsin və aşağıdakı məzmunda 4.6.6.3-cü yarımbənd əlavə edilsin:

"4.6.6.3. İanə edilən pul vəsaitlərinin bank hesabına (bank hesabının rekvizitləri açıqlanmaqla) köçürmə yolu ilə və (və ya) nağd şəkildə qəbul edilmiş məbləği.".

4. 5.2-ci bəndə aşağıdakı məzmunda ikinci cümlə əlavə edilsin:

"Bu müddətdə hesabat təqdim etməyən qeyri-hökumət təşkilatları, habelə xarici dövlətlərin qeyri-hökumət təşkilatlarının filial və ya nümayəndəlikləri Azərbaycan Respublikasının İnzibati Xətalar Məcəlləsinə əsasən məsuliyyət daşıyırlar.".

 5. 5.3-cü bəndə aşağıdakı məzmunda ikinci cümlə əlavə edilsin:

"Azərbaycan Respublikasının Maliyyə Nazirliyi təqdim olunmuş maliyyə hesabatlarına əsasən fəaliyyətini dayandırmış və bərpa etmiş qeyri-hökumət təşkilatları, habelə xarici dövlətlərin qeyri-hökumət təşkilatlarının filial və ya nümayəndəlikləri barədə məlumatları hər il iyunun 1-dək Azərbaycan Respublikasının Ədliyyə Nazirliyinə və Azərbaycan Respublikasının Vergilər Nazirliyinə təqdim etməlidir.".

 Azərbaycan Respublikasının Baş naziri Artur Rasi-zadə

                                      

3 июля 2014, 12:07

© 2013, «LegalActs» LLC, All rights reserved
The Website Use Agreement