Azərbaycan Respublikası Prezidentinin 2004-cü il 14 yanvar tarixli 15 nömrəli Fərmanı ilə təsdiq edilmiş “Azərbaycan Respublikası Dövlət Sərhəd Xidmətinin hərbi qulluqçularının hərbi geyim forması və fərqləndirmə nişanları haqqında Əsasnamə”də və “Azərbaycan Respublikası Dövlət Sərhəd Xidmətinin hərbi qulluqçularının hərbi geyim forması və fərqləndirmə nişanlarının təsvirləri”ndə dəyişikliklər edilməsi barədə

Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

1. Azərbaycan Respublikası Prezidentinin 2004-cü il 14 yanvar tarixli 15 nömrəli Fərmanı ilə təsdiq edilmiş “Azərbaycan Respublikası Dövlət Sərhəd Xidmətinin hərbi qulluqçularının hərbi geyim forması və fərqləndirmə nişanları haqqında Əsasnamə”də (Azərbaycan Respublikasının Qanunvericilik Toplusu, 2004, № 1, maddə 21) aşağıdakı dəyişikliklər edilsin:

1.1. mətndə ismin müvafiq hallarında verilmiş “maddə” sözü “hissə” sözü ilə, “SGGD” abreviaturası “SM” abreviaturası ilə əvəz edilsin;

1.2. 14-cü hissədə “sərhəd gözətçi gəmilər dəstəsinin” sözləri “sahil müha­fi­zə­sinin” sözləri ilə əvəz edilsin;

1.3. 2-ci fəslin adında “Sərhəd gözətçi gəmilər dəstəsindən” sözləri “Sahil Mühafizəsindən” sözləri ilə əvəz edilsin;

1.4. 27-ci hissədə:

1.4.1. “Yay paltarı” bəndində “(şək. 47-48)” sözləri “(şəkil 47, 47-1, 48, 110)” sözləri ilə əvəz edilsin;

1.4.2. “Yay paltarı” bəndinə aşağıdakı məzmunda doqquzuncu və onuncu yarımbəndlər əlavə edilsin:

“Beret – yaşıl rəngli (çevik hərəkət bölmələrinin hərbi qulluqçuları üçün).

Yay tuflisi – qara rəngli (ali zabitlər üçün).”;

1.4.3. “Qış paltarı” bəndində “(şək. 49-50)” sözləri “(şəkil 49, 49-1, 49-2, 50, 110-1, 110-2)” sözləri ilə əvəz edilsin;

1.4.4. “Qış paltarı” bəndinə aşağıdakı məzmunda on üçüncü, on dördüncü və on beşinci yarımbəndlər əlavə edilsin:

“Beret – yaşıl rəngli (çevik hərəkət bölmələrinin hərbi qulluqçuları üçün).

Xüsusi istiləşdirilmiş qış gödəkcəsi, kombinezonla – kamuflyaj rəngli.

Qış tuflisi – qara rəngli (ali zabitlər üçün).”;

1.5. 29-cu hissənin “Yay paltarı” bəndində “(şək. 51)” sözləri “(şəkil 51, 51-1)” sözləri ilə, “Qış paltarı” bəndində “(şək. 52)” sözləri “(şəkil 52, 52-1)” sözləri ilə əvəz edilsin;

1.6. 31-ci hissədə:

1.6.1. “Yay paltarı” bəndində “(şək. 53)” sözləri “(şəkil 53, 53-1, 54, 54-1, 55, 55-1, 56, 56-1, 56-2)” sözləri ilə əvəz edilsin;

1.6.2. “Qış paltarı” bəndində “(şək. 57-58)” sözləri “(şəkil 57, 57-1, 58, 58-1)” sözləri ilə əvəz edilsin;

1.7. 33-cü hissənin birinci bəndinə “tərkibi və təsviri” sözlərindən sonra “(şəkil 58-2, 58-3)” sözləri əlavə edilsin;

1.8. aşağıdakı məzmunda 33-1-ci hissə əlavə edilsin:

“33-1. DSX-nin Akademiyasının dənizçi ixtisasları üzrə təhsil alan kursantlarının geyim formasına aid əşyaların tərkibi və təsviri (şəkil 58-4, 58-5, 58-6, 58-7, 58-8, 58-9, 58-10, 58-11, 58-12, 58-13, 58-14, 58-15) DSX-nin SM-in zabitləri, miçmanları və müddətdən artıq hərbi xidmət hərbi qulluqçularının geyim formasının tərkibi və müvafiq əşyalarının təsviri kimidir (bu Əsasnamənin 5-ci fəsli).”;

1.9. aşağıdakı məzmunda 3-1-ci fəsil əlavə edilsin:

“3-1-ci fəsil

DSX-nin Xüsusi Məktəbinin şagirdlərinin geyim forması

(xüsusi geyimdən başqa)

33-2. DSX-nin Xüsusi Məktəbinin şagirdlərinin geyim formasının tərkibinə aşağıdakı geyim əşyaları aiddir:

33-2.1. Yay paltarı

(şəkil 58-16, 58-17, 58-18, 58-19, 58-20, 58-21, 58-22)

33-2.1.1. furajka (pilotka) – dəniz dalğası rəngli;

33-2.1.2. kitel – dəniz dalğası rəngli;

33-2.1.3. şalvar – dəniz dalğası rəngli (kənarlarında qırmızı rəngli kant);

33-2.1.4. şalvar qayışı – qara rəngli;

33-2.1.5. köynək – ağ rəngli;

33-2.1.6. qalstuk – dəniz dalğası rəngli, qızılı rəngli sıxacla;

33-2.1.7. jilet – dəniz dalğası rəngli;

33-2.1.8. yarımyun köynək – dəniz dalğası rəngli (yaxası üçbucaq şəkilli);

33-2.1.9. corab – qara rəngli;

33-2.1.10. yay tuflisi – qara rəngli;

33-2.2. Qış paltarı (şəkil 58-23, 58-24, 58-25)

33-2.2.1. istiləşdirilmiş kepi – dəniz dalğası rəngli, xəzdən;

33-2.2.2. gödəkcə – dəniz dalğası rəngli (istiləşdirilmiş, xəz boyunluqlu);

33-2.2.3. demisezon gödəkcə – dəniz dalğası rəngli;

33-2.2.4. kitel – dəniz dalğası rəngli;

33-2.2.5. şalvar – dəniz dalğası rəngli (kənarlarında qırmızı rəngli kant);

33-2.2.6. şalvar qayışı – qara rəngli;

33-2.2.7. köynək – ağ rəngli;

33-2.2.8. yarımyun köynək – dəniz dalğası rəngli (yaxası boyunluqlu);

33-2.2.9. qalstuk – dəniz dalğası rəngli, qızılı rəngli sıxacla;

33-2.2.10. əlcək – qara rəngli;

33-2.2.11. şərf – dəniz dalğası rəngli;

33-2.2.12. corab – qara rəngli;

33-2.2.13. qış tuflisi – qara rəngli.”;

1.10. 34-cü hissənin dördüncü bəndindən “(şək. 114-117)” sözləri çıxarılsın;

1.11. aşağıdakı məzmunda 39-1-ci hissə əlavə edilsin:

“39-1. DSX-nin SM-in hərbi qulluqçularının səhra geyim formasının tərkibinə aşağıdakı geyim əşyaları aiddir:

39-1.1. Yay paltarı (şəkil 108-1)

39-1.1.1. yay furajkası – göy rəngli;

39-1.1.2. yay gödəkcəsi – göy rəngli;

39-1.1.3. yay şalvarı – göy rəngli;

39-1.1.4. şalvar qayışı – göy rəngli;

39-1.1.5. qısaqol mayka – qara (göy zolaqlı) rəngli, alt paltarları tərkibində;

39-1.1.6. bel kəməri – göy rəngli;

39-1.1.7. corab – qara rəngli;

39-1.1.8. uzunboğaz botinka – qara rəngli;

39-1.2. Qış paltarı (şəkil 109-1)

39-1.2.1. qulaqlı papaq – göy rəngli xəzdən (ali zabitlər üçün qara rəngli təbii qaragül dərisindən), yaxud göy rəngli qış furajkası – parçadan;

39-1.2.2. istiləşdirilmiş qış gödəkcəsi – göy rəngli;

39-1.2.3. qış gödəkcəsi – göy rəngli;

39-1.2.4. qış şalvarı (istiləşdirilmiş) – göy rəngli;

39-1.2.5. şalvar qayışı – göy rəngli;

39-1.2.6. uzunqol mayka – qara (göy zolaqlı) rəngli, alt paltarları tərkibində;

39-1.2.7. bel kəməri – göy rəngli;

39-1.2.8. əlcək – qara rəngli;

39-1.2.9. şərf – göy rəngli;

39-1.2.10. corab – qara rəngli;

39-1.2.11. uzunboğaz botinka – qara rəngli;”;

1.12. aşağıdakı məzmunda 6-1-ci fəsil əlavə edilsin:

 

“6-1-ci fəsil

DSX-nin Hərbi Orkestri hərbi qulluqçularının mərasim geyim forması

43-2. DSX-nin Hərbi Orkestri hərbi qulluqçularının mərasim geyim formasının tərkibinə aşağıdakı hərbi geyim əşyaları aiddir (şəkil 122-1):

43-2.1. furajka – dəniz dalğası rəngli;

43-2.2. kitel – dəniz dalğası rəngli (yaxasında sarı rəngli naxış, akselbantla);

43-2.3. şalvar – dəniz dalğası rəngli (kənarlarında sarı rəngli kant);

43-2.4. şalvar qayışı – qara rəngli;

43-2.5. köynək – ağ rəngli;

43-2.6. qalstuk – dəniz dalğası rəngli, qızılı rəngli sıxacla;

43-2.7. əlcək – ağ rəngli;

43-2.8. corab – qara rəngli;

43-2.9. yay tuflisi – qara rəngli.

43-3. Hərbi Orkestrin hərbi qulluqçularının mərasim geyim formasına aid əşyaların təsviri DSX-nin (SM-dən başqa) zabitləri, gizirləri və müddətdən artıq hərbi xidmət hərbi qulluqçularının mərasim geyim formasına aid müvafiq əşyaların təsviri kimidir (bu Əsasnamənin 24-cü maddəsi).”;

1.13. 41-ci hissənin yeddinci bəndində “Sərhəd Gözətçi Gəmilər Dəstəsi” sözləri “Sahil Mühafizəsi” sözləri ilə əvəz edilsin;

1.14. 48-ci hissənin ikinci bəndində:

1.14.1. “(şək. 118-120)” sözləri “(şəkil 118, 118-1, 118-2, 119, 120)” sözləri ilə əvəz edilsin;

1.14.2. aşağıdakı məzmunda ikinci və üçüncü cümlələr əlavə edilsin:

“DSX-nin hüquqşünas profilli hərbi uçot ixtisaslarına malik olan zabitlərinin tikilmə poqonlarında prokurorluğun müvafiq metaldan qızılı rəngli, taxılıb-çıxarılan poqonlarında isə sarı (səhra geyim formasından başqa) və ya qara (səhra geyim forması üçün) rəngli rəsmi emblemi yerləşdirilir. DSX-nin tibb profilli hərbi uçot ixtisaslarına malik olan zabitlərinin tikilmə poqonlarında Ümumdünya Səhiyyə Təşkilatının müvafiq metaldan qızılı rəngli, taxılıb-çıxarılan poqonlarında isə sarı (səhra geyim formasından başqa) və ya qara (səhra geyim forması üçün) rəngli rəsmi emblemi yerləşdirilir.”;

1.15. 53-cü hissənin dördüncü bəndində “şəkil 115-dəki” sözləri “114-cü şəkildəki” sözləri ilə, beşinci bəndində “şəkil 116-dakı” sözləri “115-ci şəkildəki” sözləri ilə, altıncı və yeddinci bəndlərində “(şək. 117)” sözləri “(şəkil 116)” sözləri ilə əvəz edilsin.

2. Azərbaycan Respublikası Prezidentinin 2004-cü il 14 yanvar tarixli 15 nömrəli Fərmanı (Azərbaycan Respublikasının Qanunvericilik Toplusu, 2004, № 1, maddə 21) ilə təsdiq edilmiş “Azərbaycan Respublikası Dövlət Sərhəd Xidmətinin hərbi qulluqçularının hərbi geyim forması və fərqləndirmə nişanlarının təsvirləri”nə 47-1, 49-1, 49-2, 51-1, 52-1, 53-1, 54-1, 55-1, 56-1, 56-2, 57-1, 58-1, 58-2, 58-3, 58-4, 58-5, 58-6, 58-7, 58-8, 58-9, 58-10, 58-11, 58-12, 58-13, 58-14, 58-15, 58-16, 58-17, 58-18, 58-19, 58-20, 58-21, 58-22, 58-23, 58-24, 58-25, 108-1, 109-1, 110-1, 110-2, 118-1, 118-2 və 122-1 nömrəli şəkillər əlavə edilsin (əlavə olunur).

 

3. Azərbaycan Respublikasının Nazirlər Kabineti:

3.1. Azərbaycan Respublikası Prezidentinin aktlarının bu Fərmana uyğunlaşdırılması ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etsin;

3.2. Azərbaycan Respublikası Nazirlər Kabinetinin normativ hüquqi aktlarının bu Fərmana uyğunlaşdırılmasını üç ay müddətində təmin edib Azərbaycan Respublikasının Prezidentinə məlumat versin;

3.3. mərkəzi icra hakimiyyəti orqanlarının normativ hüquqi aktlarının bu Fərmana uyğunlaşdırılmasını nəzarətdə saxlasın və bunun icrası barədə beş ay müddətində Azərbaycan Respublikasının Prezidentinə məlumat versin;

3.4. bu Fərmandan irəli gələn digər məsələləri həll etsin.

4. Azərbaycan Respublikasının Ədliyyə Nazirliyi mərkəzi icra hakimiyyəti orqanlarının normativ hüquqi aktlarının və normativ xarakterli aktların bu Fərmana uyğunlaşdırılmasını təmin edib Azərbaycan Respublikasının Nazirlər Kabinetinə məlumat versin.

 

İlham Əliyev

Azərbaycan Respublikasının Prezidenti

 

Bakı şəhəri, 25 iyun 2014-cü il.

30 июня 2014, 09:06

© 2013, «LegalActs» LLC, All rights reserved
The Website Use Agreement