“Azərbaycan Respublikasının Dövlət Gerbindən istifadə qaydaları haqqında” Azərbaycan Respublikasının 2019-cu il 19 fevral tarixli 1511-VQ nömrəli Qanununun tətbiqi barədə
Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, “Azərbaycan Respublikasının Dövlət Gerbindən istifadə qaydaları haqqında” Azərbaycan Respublikasının 2019-cu il 19 fevral tarixli 1511-VQ nömrəli Qanununun qüvvəyə minməsi ilə əlaqədar həmin Qanunun tətbiqini təmin etmək məqsədi ilə qərara alıram:

1. Azərbaycan Respublikasının Nazirlər Kabineti:

1.1. beş ay müddətində:

1.1.1. Azərbaycan Respublikası qanunlarının və Azərbaycan Respublikası Prezidentinin aktlarının “Azərbaycan Respublikasının Dövlət Gerbindən istifadə qaydaları haqqında” Azərbaycan Respublikasının Qanununa uyğunlaşdırılması ilə bağlı təkliflərini hazırlayıb Azərbaycan Respublikasının Prezidentinə təqdim etsin;

1.1.2. Azərbaycan Respublikası Nazirlər Kabinetinin normativ hüquqi aktlarının həmin Qanuna uyğunlaşdırılmasını təmin edib Azərbaycan Respublikasının Prezidentinə məlumat versin;

1.1.3. “Azərbaycan Respublikasının Dövlət Gerbindən istifadə qaydaları haqqında” Azərbaycan Respublikası Qanununun 6.2-ci maddəsinə uyğun olaraq, Azərbaycan Respublikası Dövlət Gerbinin qabarıq təsvirinin istehsalı və vurulması qaydasını təsdiq edib Azərbaycan Respublikasının Prezidentinə məlumat versin;

1.1.4. həmin Qanunun 7.2-ci maddəsinə uyğun olaraq, Azərbaycan Respublikası Dövlət Gerbinin təsvirindən istifadənin digər hallarına dair təkliflərini hazırlayıb Azərbaycan Respublikasının Prezidentinə təqdim etsin;

1.1.5. həmin Qanunun 7.4-cü maddəsinə uyğun olaraq, Azərbaycan Respublikasının Dövlət Gerbinin təsvirindən dövlət orqanlarının binalarının lövhələrində və sərhəd nişanlarında istifadə olunması qaydasını Azərbaycan Respublikasının Prezidenti ilə razılaşdırmaqla təsdiq etsin;

1.1.6. həmin Qanunun pozulmasına görə məsuliyyət növlərini müəyyən edən qanunvericilik aktının layihəsini hazırlayıb Azərbaycan Respublikasının Prezidentinə təqdim etsin;

1.2. “Azərbaycan Respublikasının Dövlət Gerbindən istifadə qaydaları haqqında” Azərbaycan Respublikası Qanununun 6.1.4-cü və 7.1-ci maddələrində nəzərdə tutulmuş orqanların səlahiyyətlərini həyata keçirəcək icra hakimiyyəti orqanları barədə təkliflərini üç ay müddətində hazırlayıb Azərbaycan Respublikasının Prezidentinə təqdim etsin;

1.3. mərkəzi icra hakimiyyəti orqanlarının normativ hüquqi aktlarının həmin Qanuna uyğunlaşdırılmasını nəzarətdə saxlasın və bunun icrası barədə altı ay müddətində Azərbaycan Respublikasının Prezidentinə məlumat versin;

1.4. həmin Qanundan irəli gələn digər məsələləri həll etsin.

2. Müəyyən edilsin ki:

2.1. “Azərbaycan Respublikasının Dövlət Gerbindən istifadə qaydaları haqqında” Azərbaycan Respublikası Qanununun 6.1.4-cü, 6.2-ci, 7.1-ci, 7.2-ci, 7.3-cü və 7.4-cü maddələrində nəzərdə tutulmuş müvafiq icra hakimiyyəti orqanının səlahiyyətlərini Azərbaycan Respublikasının Prezidenti həyata keçirir;

2.2. həmin Qanunun 7.2-ci maddəsində “orqan” dedikdə Azərbaycan Respublikasının Prezidenti nəzərdə tutulur;

2.3. həmin Qanunun 6.2-ci, 7.3-cü və 7.4-cü maddələrində “orqan” dedikdə Azərbaycan Respublikasının Nazirlər Kabineti nəzərdə tutulur.

3. Azərbaycan Respublikasının Ədliyyə Nazirliyi mərkəzi icra hakimiyyəti orqanlarının normativ hüquqi aktlarının və normativ xarakterli aktların “Azərbaycan Respublikasının Dövlət Gerbindən istifadə qaydaları haqqında” Azərbaycan Respublikasının Qanununa uyğunlaşdırılmasını təmin edib Azərbaycan Respublikasının Nazirlər Kabinetinə məlumat versin.

İlham Əliyev

Azərbaycan Respublikasının Prezidenti

Bakı şəhəri, 15 aprel 2019-cu il.

16 апреля 2019, 08:04

http://www.azertag.az

21—30 из 2981

3 июня 2020, 09:06

Распоряжение Президента Азербайджанской Республики О присвоении почетных званий работникам гражданской авиации Азербайджанской Республики   подробно...

3 июня 2020, 09:06

Распоряжение Президента Азербайджанской Республики О награждении работников гражданской авиации Азербайджанской Республики   подробно...

3 июня 2020, 09:06

Распоряжение Президента Азербайджанской Республики Об утверждении «Стратегии Азербайджанской Республики относительно детей на 2020-2030 годы»   подробно...

19 мая 2020, 08:05

Распоряжение Президента Азербайджанской Республики О дополнительных мерах по улучшению обеспечения водой посевных площадей в Агсуинском районе   подробно...

15 мая 2020, 09:05

Распоряжение Президента Азербайджанской Республики О дополнительных мерах по улучшению обеспечения водой приусадебных участков и посевных площадей в Гусарском районе   подробно...

15 мая 2020, 09:05

Распоряжение Президента Азербайджанской Республики О проведении 90-летия Азербайджанского медицинского университета   подробно...

15 мая 2020, 09:05

Распоряжение Президента Азербайджанской Республики О назначении Т.Г.Пириева исполнительным директором Фонда страхования вкладов   подробно...

14 мая 2020, 09:05

Распоряжение Президента Азербайджанской Республики О назначении А.Б.Годжаева главой Исполнительной власти Кяльбаджарского района   подробно...

14 мая 2020, 09:05

Распоряжение Президента Азербайджанской Республики О расширении территории Гаджигабульского промышленного квартала   подробно...

8 мая 2020, 09:05

Распоряжение Президента Азербайджанской Республики О предоставлении деятелям культуры Азербайджана персональной пенсии Президента Азербайджанской Республики   подробно...