Bundan sonra Tərəflər adlandırılan Azərbaycan Respublikası və Rusiya Federasiyası,

aşağıdakılar barədə razılığa gəldilər:

1. Qəbələ radiolokasiya stansiyası (RLS «Daryal»), bu Sazişlə müəyyən edilən informasiya-analitik mərkəzi statusuna malikdir.

2. İnformasiya-analitik mərkəzi Azərbaycan Respublikasının mülkiyyətidir.

Tərəflər arasında razılaşma əsasında Rusiya Federasiyasının mülkiyyətinə aid ediləcək daşınan əmlak istisna təşkil edəcəkdir. Bu məqsədlə Tərəflər Sazişin imzalanmasından sonra iki ay müddətində Rusiya Federasiyasının mülkiyyətinə verilən daşınan əmlakın tərkibinin müəyyən edilməsi üçün ikitərəfli komissiya yaradırlar. Onun verilməsi şərtləri ayrıca sənədlə rəsmiləşdiriləcəkdir.

Bu Saziş imzalandıqdan sonra informasiya-analitik mərkəzin fəaliyyətini təmin etmək üçün onun ərazisinə gətirilən əmlak Rusiya Federasiyasının mülkiyyətidir.

3. İnformasiya-analitik mərkəzin istismarı Rusiya Tərəfindən yalnız informasiya-analitik məqsədlərlə, qarşılıqlı maraq kəsb edən hissəsində isə, Tərəflər arasında razılaşma əsasında həyata keçirilir.

Rusiya Tərəfi informasiya-analitik mərkəzin fəaliyyətinin birbaşa və ya dolayısı ilə Azərbaycan Respublikasının suverenliyi və təhlükəsizlik maraqlarının əleyhinə yönəldilməyəcəyini öhdəsinə götürür.

4. Bu Sazişdə istifadə olunan anlayışların mənaları, Sazişin ayrılmaz hissəsi olan 1 №-li Əlavədə verilir.

1. Azərbaycan Tərəfi informasiya-analitik mərkəzin daşınan və daşınmaz əmlakını 10 (on) il müddətinə Rusiya Tərəfinə icarəyə verir.

İcarəyə verilən torpaq sahələrinin hüdudları bu Sazişin ayrılmaz hissəsi olan 2 №-li Əlavədə müəyyən edilir.

1. Rusiya Tərəfi icarəyə verilən daşınan və daşınmaz əmlak üçün hər il 7 (yeddi) milyon ABŞ dolları məbləğində icarə haqqı ödəyir.

Rusiya Tərəfi informasiya-analitik mərkəzinin 2002-ci il 1 yanvar tarixdən 2002-ci il 31 dekabr tarixədək istismarı üçün hesablaşmanı 2003-cü ilin yanvar ayında həyata keçirir. Sonrakı illər Rusiya tərəfi icarə haqqını ildə iki dəfə hər yarımilliyin axırıncı ayında bərabər hissələrlə ödəyir.

2. Rusiya Tərəfi 1997-ci il 4 iyul tarixdən 2001-ci il 31 dekabr tarixədək informasiya-analitik mərkəzin istismarı ilə bağlı 31 (otuz bir) milyon ABŞ dolları məbləğində olan məsrəfləri Azərbaycan Tərəfinə ödəyir. Göstərilən ödəmələri Rusiya Tərəfi 5 il ərzində, hər il 6,2 milyon ABŞ dolları məbləğində akkreditiv formasında həyata keçirir. Rusiya Tərəfi birinci akkreditivi 2003-cü ilin yanvar ayında açır. Sonrakı akkreditivlərin açılması hər sonrakı ilin birinci rübündə aparılır. Tərəflər bu Sazişin imzalandığı gündən iki ay müddətində informasiya-analitik mərkəzinin bu bənddə göstərilən istifadəsi ilə bağlı akkreditivlərin açılması və akkreditiv formasında məsrəflərin ödənilməsinin istifadəsi qaydalarını müəyyən edirlər.

1. Rusiya Tərəfinə icarəyə verilən informasiya-analitik mərkəzin daşınan və daşınmaz əmlakı yalnız öz təyinatı məqsədilə istifadə edilməlidir. Azərbaycan Tərəfi ilə razılaşdırılmadan informasiya-analitik mərkəzin daşınan və daşınmaz əmlakı Rusiya Tərəfindən subicarəyə və ya başqa fiziki və ya hüquqi şəxslərə istifadəyə verilə bilməz.

Bu Saziş qüvvədə olduğu müddətdə Rusiya Tərəfi informasiya-analitik mərkəzinin daşınan və daşınmaz əmlakının saxlanmasını müəyyən edilmiş istismar normalarına uyğun olaraq təmin edir.

Rusiya Tərəfi Azərbaycan Tərəfinin razılığı olmadan üçüncü tərəf ilə informasiya-analitik mərkəzə dair saziş bağlamaq hüququna malik deyil.

Bu Saziş imzalandıqdan sonra informasiya-analitik mərkəzin funksional təyinatını dəyişdirən bütün tikinti işləri, əlavə avadanlığın, proqram təminatının və başqa komponentlərin qurulması və ya dəyişdirilməsi, modernləşdirilməsi, Rusiya Tərəfindən Azərbaycan Tərəfi ilə razılaşdırılmaqla həyata keçirilir.

2. Rusiya Tərəfi İnformasiya-analitik mərkəzin saxlanma, istismar və istifadə şərtlərini və qaydalarını müəyyən edir, habelə bu məqsədlər üçün xərclərin maliyyələşdirilməsini həyata keçirir.

Azərbaycan Tərəfi informasiya-analitik mərkəzin icarəsi müddətində onu demontaj etməməyi, üçüncü şəxslərə, beynəlxalq təşkilatlara, hüquqi və fiziki şəxslərə verməməyi və onun əmlakına ziyan vurmamağı öhdəsinə götürür.

1. İnformasiya-analitik mərkəzin heyətinin tərkibinə daxil olan Rusiya Federasiyasının vətəndaşları və onların ailə üzvləri Azərbaycan Respublikasının suverenliyinə hörmət edir, onun qanunvericiliyinə riayət edir və onun daxili işlərinə müdaxilə olunmasına yol vermirlər.

2. Azərbaycan Respublikasının dövlət hakimiyyəti orqanları informasiya-analitik mərkəzinin heyətinin tərkibinə daxil olan şəxslərə qarşı onların öz funksional vəzifələrinin yerinə yetirilməsini çətinləşdirən qeyri-qanuni hərəkətlərə yol vermirlər, habelə onların və onların ailə üzvlərinin təhlükəsizliyinin təmin edilməsi üçün tədbirlər görürlər.

3. Azərbaycan Respublikasının dövlət hakimiyyəti orqanları informasiya-analitik mərkəzinin fəaliyyətinə qarşı yönəlmiş qeyri-qanuni hərəkətlərə yol verilməməsi və qarşısının alınması üçün tədbirlər görürlər.

4. İnformasiya-analitik mərkəzin icarədə olan ərazisində rejim tədbirləri və daxili mühafizə Rusiya Federasiyasının qanunvericiliyinə uyğun olaraq Rusiya Tərəfindən həyata keçirilir.

1. İnformasiya-analitik mərkəzinin idarə edilməsini Rusiya Tərəfi həyata keçirir. İdarəetmə komandalarının translyasiya edilməsi rus dilində həyata keçirilir. Azərbaycan Tərəfi informasiya-analitik mərkəzin funksional təyinatının saxlanmasına nəzarəti həyata keçirmək hüququna malikdir.

2. Azərbaycan Tərəfi ayrıca saziş əsasında informasiya-analitik mərkəzin çıxış məlumatları ilə təmin oluna bilər. Bu halda Tərəflər məxfi məlumatların qorunmasını təmin edəcəklər.

3. İnformasiya-analitik mərkəzinin hava hücumundan müdafiəsi Azərbaycan Respublikasının Hava Hücumundan Müdafiə Qüvvələri tərəfindən həyata keçirilir. Rusiya Federasiyası razılaşma əsasında Azərbaycan Respublikasının Hava Hücumundan Müdafiə Qüvvələrinin modernləşdirilməsi üçün zəruri olan maddi və texniki yardım göstərir.

4. Tərəflər informasiya-analitik mərkəzinin radioelektron vasitələri ilə Azərbaycan Respublikasının radioelektron vasitələri arasında qarşılıqlı maneələrin aradan qaldırılması üçün, o cümlədən texniki radionəzarətin keçirilməsi də daxil olmaqla, təxirəsalınmaz tədbirlərin görülməsini öhdələrinə götürürlər.

5. Azərbaycan Tərəfi Azərbaycan Respublikasında müəyyən edilmiş qaydada informasiya-analitik mərkəzin radioelektron vasitələrinin istifadə etdiyi radiotezliklər zolaqlarını (nominallarını) bu Saziş imzalandıqdan sonra bir ay ərzində Rusiya Tərəfindən təqdim olunan ilkin göstəricilər əsasında qeydiyyatdan keçirir.

Azərbaycan Tərəfi Rusiya Tərəfindən informasiya-analitik mərkəzinin radioelektron vasitələri üzrə ilkin göstəricilər təqdim edildikdən sonra bir ay ərzində informasiya-analitik mərkəzin radioelektron vasitələrinin istifadə etdiyi radiotezliklər zolaqlarını (nominallarını) qeydiyyatdan keçirir.

Azərbaycan Tərəfi bu Sazişin imzalandığı an informasiya-analitik mərkəzin radioelektron vasitələri tərəfindən istifadə edilən radiotezliklər zolaqlarının (nominallarının) istifadəsi hüququnu informasiya-analitik mərkəzdə saxlayır.

1. Tərəflər qarşılıqlı maraq kəsb edən istiqamətlərdə birgə elmi tədqiqatlar üçün informasiya-analitik mərkəzin imkanlarının istifadəsinə dair işlərin aparılmasında əməkdaşlıq edirlər.

2. İnformasiya-analitik mərkəzin Azərbaycan Respublikasının elmi, təsərrüfat və digər tələbatları üçün istifadəsi məsələləri Tərəflər arasında razılaşmalar əsasında həll edilir.

1. İnformasiya-analitik mərkəzin istismarı Azərbaycan Respublikasının qanunvericiliyində müəyyən edilmiş sanitariya qaydalarına, normalarına və ekoloji tələblərə riayət etməklə həyata keçirilir.

2. Azərbaycan Tərəfi əhalinin sağlamlığının və təbii ətraf mühitin monitorinqini Rusiya Tərəfi ilə birgə, o cümlədən beynəlxalq ekspertləri cəlb etməklə həyata keçirəcəkdir.

Rusiya Tərəfi Azərbaycan Tərəfinə bu məsələ ilə bağlı hər cür kömək göstərməyi öhdəsinə götürür.

3. İnformasiya-analitik mərkəzin fəaliyyəti nəticəsində əhalinin sağlamlığına və təbii ətraf mühitə ziyan vurulduğu müəyyən edildiyi halda, Rusiya Tərəfi bu ziyanın əvəzinin ödənilməsi, habelə onun yaranması səbəblərinin aradan qaldırılması üçün tədbirlərin həyata keçirilməsini öhdəsinə götürür. Əhalinin sağlamlığına və təbii ətraf mühitə vurulan ziyanın miqdarının müəyyən edilməsi və onun əvəzinin ödənilməsi qaydaları, beynəlxalq təcrübəni nəzərə almaqla, birgə komissiya tərəfindən həyata keçirilir.

4. Tərəflər bu Saziş imzalandığı gündən altı ay ərzində əhalinin sağlamlığının və təbii ətraf mühitin birgə monitorinqi keçirilməsi metodikalarını, habelə informasiya-analitik mərkəzin fəaliyyəti nəticəsində əhalinin sağlamlığına və təbii ətraf mühitə mümkün ziyanın əvəzinin ödənilməsinin kompensasiya mexanizmlərinin tətbiqinin prinsiplərini işləyib hazırlayırlar.

Azərbaycan Tərəfi müqavilələr əsasında və razılaşdırılmış həcmlərdə informasiya-analitik mərkəzin ərzaq, yanacaq, elektrik enerjisi, su, əşya və digər əmlakın ayrı-ayrı növləri, habelə rabitə xidmətləri ilə təmin edilməsində köməklik göstərir.

Rusiya Tərəfi bu Saziş imzalandığı gündən iki ay müddətində müvafiq müqavilələrin bağlanmasını və yuxarıda göstərilən xidmətlərə görə, ödəniş gününə Azərbaycan Respublikasında müəyyən edilmiş tariflərlə, ödənişlərin vaxtında həyata keçirilməsini öhdəsinə götürür.

Tərəflər, həmin müddətdə informasiya-analitik mərkəzinin təchizatının təmin edilməsi üzrə, tarif siyasəti daxil olmaqla, tədbirləri müəyyən edəcəklər.

1. İnformasiya-analitik mərkəzin heyətinin sayı 1500 (min beş yüz) nəfərdən artıq olmayacaqdır.

İnformasiya-analitik mərkəzin heyətinin komplektləşdirilməsini Rusiya Tərəfi həyata keçirir. İstismar heyətinin, daxili mühafizə bölmələri heyətinin, təminat heyətinin, texniki heyətin və müvəqqəti heyətin informasiya-analitik mərkəzə göndərilməsini Rusiya Tərəfi Azərbaycan Tərəfini məlumatlandırmaqla həyata keçirəcəkdir.

2. Azərbaycan Respublikası vətəndaşları və Rusiya Federasiyası vətəndaşları informasiya-analitik mərkəzə işə qəbul oluna bilərlər. Onların informasiya-analitik mərkəzlə əmək münasibətləri müvafiq olaraq Azərbaycan Respublikasının və Rusiya Federasiyasının əmək qanunvericilikləri ilə tənzimlənir.

3. Üçüncü ölkələrin vətəndaşlarının işə qəbul edilməsi Azərbaycan Tərəfi ilə razılaşdırılacaqdır.

1. İnformasiya-analitik mərkəzin istismar heyəti və daxili mühafizə bölmələrinin heyəti müəyyən edilmiş geyim forması daşıyır, informasiya-analitik mərkəzdə xidməti vəzifələrini yerinə yetirərkən, Rusiya Federasiyasının qanunvericiliyi ilə müəyyən edilən qaydada tabel silahına malik ola və onu gəzdirə bilər.

2. İnformasiya-analitik mərkəzdə olan tabel silahı, silah və hərbi texnika, nəqliyyat vasitələri Azərbaycan Respublikasının qanunvericiliyinə müvafiq olaraq qeydiyyat yığımları alınmadan qeydiyyatdan keçirilməlidirlər. İnformasiya-analitik mərkəzinin nəqliyyat vasitələri fərqlənmə nişanları olan nömrələrə malikdirlər.

3. Azərbaycan Respublikasının dövlət hakimiyyəti orqanları informasiya-analitik mərkəzinin heyətinə daxil olan şəxslərə və onların ailə üzvlərinə Rusiya Federasiyasının dövlət hakimiyyəti orqanları tərəfindən verilmiş sürücülük vəsiqələrini qüvvədə olan kimi tanıyır.

4. İnformasiya-analitik mərkəzin heyəti tərəfindən Azərbaycan Rsepublikasının ərazisinə gətirilmiş şəxsi nəqliyyat vasitələri onların sahiblərinin informasiya-analitik mərkəzdə vəzifələrini icra etdikləri bütün müddət ərzində gömrük rüsumları alınmadan, özgələşdirmə hüququ olmadan rəsmiləşdirilməlidir.

5. İnformasiya-analitik mərkəzin heyətinin şəxsi nəqliyyat vasitələri qeydiyyat nömrələrini və Rusiya Federasiyasının nəqliyyat vasitələrinin qeydiyyatı haqqında şəhadətnamələrini saxlayır və gömrük öhdəliyi müddətində Azərbaycan Respublikası Daxili İşlər Nazirliyi Yol Polisi orqanlarında müvəqqəti qeydiyyata alınır, bu barədə qeydiyyat sənədlərində qeyd aparılır.

İnformasiya-analitik mərkəzin heyətinə daxil olan şəxslərə və onların ailə üzvlərinə beynəlxalq hüququn ümumi qəbul edilmiş norma və prinsiplərinə uyğun olaraq hüquq və azadlıqların verilməsinə təminat verilir.

1. Bu Saziş imzalandıqdan sonra informasiya-analitik mərkəzin fəaliyyətinin təmin edilməsi üçün texnoloji avadanlıq və digər əmlak Azərbaycan Respublikasının dövlət sərhədindən rüsumsuz keçirilir.

2. İnformasiya-analitik mərkəzin heyətinə daxil olan şəxslər və onların ailə üzvləri Azərbaycan Respublikasının qanunvericiliyinə və Tərəflər arasında qüvvədə olan ikitərəfli sazişlərə uyğun olaraq, onlara məxsus olan şəxsi əmlakı Azərbaycan Respublikasının dövlət sərhədindən keçirmək hüququna malikdirlər.

1. İnformasiya-analitik mərkəzin heyətinin tərkibinə daxil olan şəxslərin və onların ailə üzvlərinə münasibətdə cinayət və mülki işlər, habelə inzibati hüquqpozmalara dair işlər Azərbaycan Respublikasının ərazisində, bu maddənin 2-ci bəndində nəzərdə tutulan hallar istisna olmaqla, Azərbaycan Respublikasının yurisdiksiyasına aid edilir.

İnformasiya-analitik mərkəzi heyətinin tərkibinə daxil olan Rusiya Federasiyasının vətəndaşları və onların ailə üzvləri Azərbaycan Respublikasının idarələrində Azərbaycan Respublikasının vətəndaşları ilə eyni prosessual hüquq və vəzifələrə malikdirlər.

2. İnformasiya-analitik mərkəzin heyətinin tərkibinə daxil olan Rusiya Federasiyasının vətəndaşları və onların ailə üzvlərinə münasibətdə Rusiya Federasiyasının qanunvericiliyinə uyğun olaraq aşağıdakı hallarda Rusiya Federasiyası yurisdiksiyasını həyata keçirir:

3. Tərəflərin səlahiyyətli orqanları bu maddədə göstərilən ayrı-ayrı iş və ya şəxslərə münasibətdə yurisdiksiyaya verilmə və ya qəbul edilmə barədə bir-birinə xahişlə müraciət edə bilərlər.

Verilmə, cinayət təqibi, habelə istintaq tapşırıqlarının icrasına dair məsələlər üzrə qarşılıqlı fəaliyyət Azərbaycan Respublikası və Rusiya Federasiyası arasında 1992-ci il 22 dekabr tarixli mülki, ailə və cinayət işləri üzrə hüquqi yardım və hüquqi münasibətlər haqqında Müqavilədə müəyyən edilmiş qaydada həyata keçirilir.

Azərbaycan Respublikasının səlahiyyətli orqanları informasiya-analitik mərkəzin heyətinin tərkibinə daxil olan Rusiya Federasiyasının vətəndaşlarına və onların ailə üzvlərinə qarşı cinayət işi qaldırdıqda, habelə onların həbsi və ya saxlanılması hallarında Rusiya Federasiyasının səlahiyyətli orqanlarını bu barədə təxirəsalınmadan xəbərdar edirlər.

Azərbaycan Tərəfin səlahiyyətli orqanlarının saxladığı və ya həbs etdiyi informasiya-analitik mərkəzin heyətinin tərkibinə daxil olan Rusiya vətəndaşları və onların ailə üzvlərinə münasibətdə istintaq hərəkətlərinin aparılmasında Rusiya tərəfinin səlahiyyətli orqanlarının nümayəndələri iştiraketmə hüququna malikdirlər.

Rusiya Tərəfi informasiya-analitik mərkəzin heyətinin xidməti vəzifələrini yerinə yetirərkən hərəkət və ya hərəkətsizliyi ilə Azərbaycan Tərəfinə və ya Azərbaycan Respublikası vətəndaşlarına vurduğu ziyanı Azərbaycan Respublikası qanunvericiliyi ilə müəyyən edilən həcmdə və qaydada ödəyir.

Azərbaycan Tərəfi informasiya-analitik mərkəzin əmlakına, onun tərkibinə daxil olan şəxslərə və onların ailə üzvlərinə Azərbaycan Respublikasının Dövlət hakimiyyəti orqanlarının fəaliyyəti və ya fəaliyyətsizliyi nəticəsində vurulmuş ziyanı Azərbaycan Respublikası qanunvericiliyi ilə müəyyən olunmuş həcmdə və qaydada Rusiya Tərəfinə ödəyir.

Bu Sazişin icrası və hazırki Sazişə uyğun olaraq informasiya-analitik mərkəzində olan heyətlə bağlı məsələlərin tənzimlənməsi üçün Tərəflər Sazişin imzalandığı gündən bir ay müddətində özlərinin səlahiyyətli nümayəndələrini təyin edir və hökumətlərarası protokolla onların statusunu müəyyənləşdirir.

Bu sazişə Tərəflərin razılığı əsasında, ayrıca protokollarla rəsmiləşdirilən və bu Sazişin 22-ci maddəsində müəyyən edilmiş qaydada qüvvəyə minən əlavə və dəyişikliklər edilə bilər.

Bu Saziş imzalandığı gündən müvəqqəti olaraq tətbiq olunur və Tərəflərin onun qüvvəyə minməsi üçün zəruri olan dövlətdaxili prosedurların yerinə yetirilməsini təsdiq edən axırıncı yazılı bildirişin tarixindən qüvvəyə minir.

Bu Saziş 10 il müddətinə bağlanır və Tərəflərdən heç biri Sazişin qüvvədə olması müddətinin bitməsinə altı ay qalmış onun ləğv edilməsi barədə digər Tərəfə yazılı formada öz niyyətini bildirmədikdə avtomatik olaraq növbəti üçillik müddətlərə uzadılır.

Moskva şəhərində 25 yanvar 2002-ci ildə iki nüsxədə olmaqla Azərbaycan və rus dillərində tərtib edilmişdir, hər iki mətn eyni qüvvəyə malikdir.