Azərbaycan Respublikası Nazirlər Kabinetinin 2000-ci il 11 sentyabr tarixli 167 nömrəli qərarı ilə təsdiq edilmiş "Azərbaycan Respublikasında notariat hərəkətlərinin aparılması qaydaları haqqında Təlimat"da dəyişikliklər edilməsi barədə

AZƏRBAYCAN RESPUBLİKASININ

NAZİRLƏR KABİNETİ

QƏRAR

№ 165

Bakı şəhəri, 23 may 2014-cü il

Azərbaycan Respublikası Nazirlər Kabinetinin 2000-ci il 11 sentyabr tarixli 167 nömrəli qərarı ilə təsdiq edilmiş "Azərbaycan Respublikasında notariat hərəkətlərinin aparılması qaydaları haqqında Təlimat"da dəyişikliklər edilməsi barədə

 "Azərbaycan Respublikasının Mülki Məcəlləsində dəyişikliklər edilməsi haqqında" Azərbaycan Respublikasının 2013-cü il 27 dekabr tarixli 879-IVQD nömrəli Qanununun tətbiqi barədə" Azərbaycan Respublikası Prezidentinin 2014-cü il 3 fevral tarixli 246 nömrəli Sərəncamının 1.2-ci bəndinin icrasını təmin etmək məqsədi ilə Azərbaycan Respublikasının Nazirlər Kabineti QƏRARA ALIR:

Azərbaycan Respublikası Nazirlər Kabinetinin 2000-ci il 11 sentyabr tarixli 167 nömrəli qərarı (Azərbaycan Respublikasının Qanunvericilik Toplusu, 2000, № 9, maddə 693; 2001, № 11, maddə 722; 2002, № 3, maddə 148, № 7, maddə 455, № 10, maddə 635; 2003, № 10, maddə 629; 2005, № 4, maddə 386, № 6, maddə 534, № 8, maddə 782, № 10, maddə 977, № 11, maddə 1061, № 12, maddələr 1228,1231; 2006, № 3, maddə 297, № 8, maddə 731, № 9, maddə 830, № 10, maddə 902, № 11, maddə 994; 2008, № 2, maddə 108, № 4, maddə 316, № 8, maddə 787; 2009, № 2, maddə 148, № 10, maddələr 846, 849, № 12, maddə 1079; 2010, № 6, maddə 555; 2011, № 10, maddə 971; 2012, № 3, maddə 263, № 5, maddələr 489, 495, № 7, maddə 777, № 11, maddə 1206, № 12, maddə 1354; 2013, № 4, maddə 444, № 5, maddə 578; 2014, № 1, maddə 74; Azərbaycan Respublikası Nazirlər Kabinetinin 2014-cü il 5 may tarixli 123 nömrəli qərarı) ilə təsdiq edilmiş "Azərbaycan Respublikasında notariat hərəkətlərinin aparılması qaydaları haqqında Təlimat"da aşağıdakı dəyişikliklər edilsin:

1. 7-ci hissə üzrə:

1.1. on birinci abzasda "sonra" sözü "dərhal sonra onu Azərbaycan Respublikası Ədliyyə Nazirliyinin "Elektron notariat" informasiya sistemi vasitəsilə," sözləri ilə əvəz edilsin və həmin abzasa "müddətində" sözündən sonra "isə" sözü əlavə edilsin;

1.2. on ikinci abzasda "Azərbaycan Respublikası Ədliyyə Nazirliyinin "Notariat Sənədlərinin Elektron Məlumat Bankı"na" sözləri "Elektron notariat" informasiya sisteminə" sözləri ilə əvəz edilsin;

1.3. on üçüncü abzasda "Azərbaycan Respublikasının Ədliyyə Nazirliyi "Notariat Sənədlərinin Elektron Məlumat Bankı"na" sözləri "Elektron notariat" informasiya sisteminə" sözləri ilə əvəz edilsin;

1.4. on dördüncü abzasın ikinci cümləsində "ərizəsini" sözü "ərizəsinin" sözü ilə əvəz edilsin, həmin abzasa "birlikdə" sözündən sonra "Elektron notariat" informasiya sistemi vasitəsilə ərizənin təsdiq edildiyi gün, iki iş günü müddətində isə həmin sənədləri sifarişli poçt göndərişi vasitəsilə" sözləri əlavə edilsin və aşağıdakı məzmunda üçüncü cümlə əlavə edilsin:

"Həmin ərizənin surəti müqavilənin notariat qaydasında təsdiqlənməsi haqqında müraciət edən şəxsə verilir.".

2. 13-cü hissə üzrə:

2.1. dördüncü abzasda "42-1-ci maddəsinin tələbinə" sözləri "tələblərinə" sözü ilə, "notariuslar" sözü "notarius" sözü ilə, "hərəkətlərinə dair məlumatları "Notariat Sənədlərinin Elektron Məlumat Bankı"na" sözləri "hərəkətləri barədə məlumatları "Elektron notariat" informasiya sisteminə" sözləri ilə əvəz edilsin;

2.2. aşağıdakı məzmunda beşinci və altıncı abzaslar əlavə edilsin:

"Notarius notariat hərəkətlərini apararkən, bu Təlimatın 19-cu hissəsinin ikinci abzasında göstərilmiş məlumatları "Elektron notariat" informasiya sistemindən istifadə etməklə yoxlamalıdır.

"Elektron notariat" informasiya sistemi vasitəsilə, həmçinin Azərbaycan Respublikasının Ədliyyə Nazirliyi ilə notariat kontorları arasında yazışmalar aparılır.".

3. 19-cu hissəyə aşağıdakı məzmunda ikinci abzas əlavə edilsin:

"Notariat hərəkətlərinin aparılmasından əvvəl notarius "Elektron notariat" informasiya sistemi vasitəsilə əqdlərin, o cümlədən etibarnamələrin və vəsiyyətnamələrin təsdiqi və ya ləğv edilməsi, habelə vərəsəlik işinin açılıb-açılmaması, mülkiyyət və vərəsəlik hüququ haqqında şəhadətnamələrin verilib-verilməməsi barədə müvafiq məlumatları yoxlamalıdır.".

 Azərbaycan Respublikasının Baş naziri  Artur Rasi-zadə                                

 

5 June 2014, 14:06

© 2013, «LegalActs» LLC, All rights reserved
The Website Use Agreement