Azərbaycan Respublikasının Ticarət Gəmiçiliyi Məcəlləsində dəyişikliklər edilməsi haqqında 
Azərbaycan Respublikasının Qanunu

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 15-ci bəndini rəhbər tutaraq, “İpoteka haqqında’’ Azərbaycan Respublikasının Qanununda dəyişikliklər edilməsi barədə’’ Azərbaycan Respublikasının 2017-ci il 2 oktyabr tarixli 794-VQD nömrəli Qanununun tətbiqi ilə əlaqədar qərara alır:

Azərbaycan Respublikasının Ticarət Gəmiçiliyi Məcəlləsində (Azərbaycan Respublikasının Qanunvericilik Toplusu, 2001, № 7, maddə 444; 2006, № 12, maddə 1029; 2007, № 5, maddə 442, № 6, maddə 562, № 8, maddə 756; 2009, № 12, maddə 948; 2010, № 3, maddə 171; 2012, № 7, maddə 643; 2013, № 3, maddə 214; 2014, № 4, maddə 325; 2015, № 1, maddə 1; 2016, № 1, maddə 7; 2017, № 11, maddə 1961) aşağıdakı dəyişikliklər edilsin:

1. 12.1.2-ci maddədə, 13.3-cü maddənin ikinci cümləsində, 30.2.12-ci maddədə, 288.1-ci maddənin birinci cümləsində “qeydə alınmış” sözləri “dövlət qeydiyyatına alınmış” sözləri ilə əvəz edilsin.

2. 62.1.3-cü maddədə “qeydiyyata almaq” sözləri “dövlət qeydiyyatına almaq” sözləri ilə əvəz edilsin.

3. 293.3-cü maddədə “qeydə alınmalıdır” sözləri “dövlət qeydiyyatına alınmalıdır” sözləri ilə əvəz edilsin.

4. 295-ci maddə üzrə:

4.1. birinci cümlədə “qeydiyyat” sözü “dövlət qeydiyyatı” sözləri ilə əvəz edilsin;

4.2. ikinci (hər iki halda) və üçüncü cümlələrdə “qeydiyyata alınmış” sözləri “dövlət qeydiyyatına alınmış” sözləri ilə əvəz edilsin.

5. 297.1.2-ci, 297.1.3-cü, 297.2-ci, 298.1-ci və 301.0.21-ci (hər iki halda) maddələrdə “qeydiyyata alınmış” sözləri “dövlət qeydiyyatına alınmış” sözləri ilə əvəz edilsin.

İlham Əliyev

Azərbaycan Respublikasının Prezidenti

Bakı şəhəri, 6 mart 2018-ci il.

19 March 2018, 08:03

© 2013, «LegalActs» LLC, All rights reserved
The Website Use Agreement