"Vəzifə maaşlarına alimlik dərəcələrinə görə əlavələrin təyin edilməsi haqqında" Azərbaycan Respublikası Nazirlər Kabinetinin 1994-cü il 19 aprel tarixli 155 nömrəli qərarında dəyişikliklər edilməsi barədə

AZƏRBAYCAN   RESPUBLİKASININ

NAZİRLƏR  KABİNETİ

QƏRAR

№ 55

Bakı şəhəri, 24 fevral 2014-cü il

"Vəzifə maaşlarına alimlik dərəcələrinə görə əlavələrin təyin edilməsi haqqında" Azərbaycan Respublikası Nazirlər Kabinetinin 1994-cü il 19 aprel tarixli 155 nömrəli qərarında dəyişikliklər edilməsi barədə

"Elmi dərəcələrə görə vəzifə maaşlarına əlavələrin artırılması haqqında" Azərbaycan Respublikası Prezidentinin 2013-cü il 14 sentyabr tarixli 3142 nömrəli Sərəncamına əsasən Azərbaycan Respublikasının Nazirlər Kabineti QƏRARA ALIR:

1. "Vəzifə maaşlarına alimlik dərəcələrinə görə əlavələrin təyin edilməsi haqqında" Azərbaycan Respublikası Nazirlər Kabinetinin 1994-cü il 19 aprel tarixli 155 nömrəli qərarında aşağıdakı dəyişikliklər edilsin:

1.1. adında, 4-cü hissəsinin birinci abzasında "alimlik" sözü "elmi" sözü ilə əvəz edilsin;

1.2. 1-ci hissə üzrə:

1.2.1. birinci abzasda "nazirlik və idarələrin" sözləri "qanunla müəyyən olunmuş icra hakimiyyəti orqanlarının" sözləri ilə, "ali məktəblərin" sözləri "ali təhsil müəssisələrinin" sözləri ilə əvəz edilsin;

1.2.2. ikinci abzasda "məktəblərində çalışan elmlər doktoru alimlik dərəcəsi olan işçilərə 250000 manat, elmlər namizədi alimlik dərəcəsi olan işçilərə 150000 manat" sözləri "müəssisələrində çalışan elmlər doktoru elmi dərəcəsi olan işçilərə 50 manat (bilavasitə ixtisası üzrə çalışanlara 100 manat), fəlsəfə doktoru (elmlər namizədi) elmi dərəcəsi olan işçilərə 30 manat (bilavasitə ixtisası üzrə çalışanlara 60 manat)" sözləri ilə əvəz edilsin;

1.2.3. üçüncü abzasda "məktəblərində çalışan elmlər doktoru alimlik dərəcəsi olan işçilərə 220000 manat, elmlər namizədi alimlik dərəcəsi olan işçilərə isə 120000 manat" sözləri "müəssisələrində çalışan elmlər doktoru elmi dərəcəsi olan işçilərə 44 manat (bilavasitə ixtisası üzrə çalışanlara 88 manat), fəlsəfə doktoru (elmlər namizədi) elmi dərəcəsi olan işçilərə isə 24 manat (bilavasitə ixtisası üzrə çalışanlara 48 manat)" sözləri ilə əvəz edilsin;

1.2.4. dördüncü abzasda "məktəblərində və digər elmi-tədqiqat idarələrində çalışan elmlər doktoru alimlik dərəcəsi olan işçilərə 190000 manat, elmlər namizədi alimlik dərəcəsi olan işçilərə isə 90000 manat" sözləri "müəssisələrində və digər elmi tədqiqat idarələrində çalışan elmlər doktoru elmi dərəcəsi olan işçilərə 38 manat (bilavasitə ixtisası üzrə çalışanlara 76 manat), fəlsəfə doktoru (elmlər namizədi) elmi dərəcəsi olan işçilərə isə 18 manat (bilavasitə ixtisası üzrə çalışanlara 36 manat)" sözləri ilə əvəz edilsin;

1.3. 2-ci hissə üzrə:

1.3.1.ikinci abzasda "alimlik" sözü "elmi" sözü ilə, "öz vəsaitləri hesabına" sözləri "əmək qanunvericiliyinə uyğun olaraq" sözləri ilə əvəz edilsin;

1.3.2.üçüncü abzasda "məktəblərinin" sözü "müəssisələrinin" sözü ilə əvəz edilsin.

2. Bu qərar 2013-cü il sentyabrın 1-dən qüvvəyə minir.

 Azərbaycan Respublikasının Baş naziri Artur Rasi-zadə

 

5 March 2014, 10:03

© 2013, «LegalActs» LLC, All rights reserved
The Website Use Agreement