15 yaşı tamam olmamış Azərbaycan Respublikası vətəndaşının fərdi identifikasiya kartının SPESİFİKASİYASI

Əlavə II

                                                                             Azərbaycan Respublikası Prezidentinin

                                                                             2014-cü il 9 sentyabr tarixli Fərmanı

                                                                             ilə təsdiq edilmişdir

15 yaşı tamam olmamış Azərbaycan Respublikası vətəndaşının elektron daşıyıcısı (çipi) olan fərdi identifikasiya kartı (bundan sonra - identifikasiya kartı) beynəlxalq standartlara uyğun yüksək keyfiyyətli polikarbonat materialından hazırlanır, yüksək temperatura, işığa, deformasiyaya, kimyəvi maddələrin təsirinə və rütubətə davamlıdır, istifadə zamanı zəhərləyici maddələr ifraz etmir, fotoşəkli keyfiyyətli əks etdirir və saxtalaşdırmanın qarşısını almaq xüsusiyyətinə malikdir.

İdentifikasiya kartının elektron daşıyıcısı məlumatların yazılmasını, dəyişdirilməsini və oxunmasını təmin edir.

İdentifikasiya kartında ölkənin kodu - “AZE” hərfləri yazılmış holoqramdan və digər qoruyucu elementlərdən istifadə olunur.

İdentifikasiya kartının qalınlığı 0,76 mm-dir, küncləri 3,18 mm radius boyunca dəyirmiləşdirilir.

İdentifikasiya kartında yerləşdirilmiş kontaktlı elektron daşıyıcının yaddaşı azı 80 kilobayt olmalıdır.

Elektron daşıyıcıdakı məlumatların təhlükəsizliyini təmin etmək üçün elektron imza texnologiyasından və kriptoqrafik alqoritmlərdən istifadə olunur.

 

11 September 2014, 09:09

© 2013, «LegalActs» LLC, All rights reserved
The Website Use Agreement