"Azərbaycan Respublikasında baytarlıqla bağlı bəzi normativ hüquqi aktların təsdiq edilməsi haqqında" Azərbaycan Respublikası Nazirlər Kabinetinin 2007-ci il 16 aprel tarixli 66 nömrəli qərarında dəyişikliklər edilməsi barədə

AZƏRBAYCAN RESPUBLİKASININ

NAZİRLƏR KABİNETİ

QƏRAR

№ 252

Bakı şəhəri, 16 iyul 2014-cü il

"Azərbaycan Respublikasında baytarlıqla bağlı bəzi normativ hüquqi aktların təsdiq edilməsi haqqında" Azərbaycan Respublikası Nazirlər Kabinetinin 2007-ci il 16 aprel tarixli 66 nömrəli qərarında dəyişikliklər edilməsi barədə

"Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında" Azərbaycan Respublikasının 2013-cü il 2 iyul tarixli 714-IVQ nömrəli Qanununun tətbiqi barədə" Azərbaycan Respublikası Prezidentinin 2013-cü il 28 avqust tarixli 955 nömrəli Fərmanının 1.1.2-ci yarımbəndinin icrasını təmin etmək məqsədi ilə Azərbaycan Respublikasının Nazirlər Kabineti QƏRARA ALIR:

Azərbaycan Respublikası Nazirlər Kabinetinin 2007-ci il 16 aprel tarixli 66 nömrəli qərarı (Azərbaycan Respublikasının Qanunvericilik Toplusu, 2007, № 4, maddə 392; 2008, № 1, maddə 39, № 2, maddə 116, № 5, maddə 448, № 7, maddə 673; 2010, № 2, maddə 148) ilə təsdiq edilmiş "Azərbaycan Respublikasında baytarlıq preparatlarının aprobasiyası, ekspertizası, sınaqdan keçirilməsi, dövlət qeydiyyatına alınması və dövlət reyestrinin aparılması, istehsalı, idxalı, saxlanması, daşınması, satışı və istifadəsi, habelə yeni baytarlıq preparatlarının, avadanlıqlarının və yem əlavələrinin istehsalına və tətbiqinə dair normativ-texniki sənədlərin təsdiq edilməsi, onların keyfiyyətinə nəzarət edilməsi və aprobasiyasına dair rəy verilməsi Qaydaları"nın 11-ci hissəsində aşağıdakı dəyişikliklər edilsin:

1. 11.3.1-ci yarımbəndin ikinci abzasının ikinci cümləsindən "dövlət nəzarətini aparan səlahiyyətli şəxs tərəfindən" sözləri çıxarılsın və həmin yarımbəndə "vəsaiti hesabına" sözlərindən sonra "("Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında" Azərbaycan Respublikası Qanununun 26-cı maddəsində nəzərdə tutulmuş hallar istisna olmaqla)" sözləri əlavə edilsin.

2. 11.6-cı bəndin birinci abzasında "orqanın səlahiyyətli şəxsi" sözləri "orqan" sözü ilə əvəz edilsin.

3. 11.7-ci bənd aşağıdakı redaksiyada verilsin:

"11.7. Dövlət nəzarətinin nəticələri "Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında" Azərbaycan Respublikası Qanununun 31-ci maddəsinə uyğun olaraq rəsmiləşdirilir.".

4. 11.8-ci bənddə "vəzifəli şəxs" sözləri "orqan" sözü ilə əvəz edilsin.

5. 11.11-ci bəndin birinci abzasında "orqanların vəzifəli şəxsləri" sözləri "orqanlar" sözü ilə, ikinci abzasında "və" sözü ", orqanlar" sözü ilə əvəz edilsin.

Azərbaycan Respublikasının Baş naziri Artur Rasi-zadə

 

4 August 2014, 09:08

© 2013, «LegalActs» LLC, All rights reserved
The Website Use Agreement