“Patent haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 1998-ci il 19 avqust tarixli 755 nömrəli Fərmanında dəyişikliklər edilməsi haqqında

Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Patent haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 1998-ci il 19 avqust tarixli 755 nömrəli Fərmanını “Patent haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2013-cü il 22 noyabr tarixli 822-IVQD nömrəli Qanununun tətbiqi haqqında” Azərbaycan Respublikası Prezidentinin 2013-cü il 27 dekabr tarixli 63 nömrəli Fərmanına uyğunlaşdırmaq məqsədi ilə qərara alıram:

“Patent haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 1998-ci il 19 avqust tarixli 755 nömrəli Fərmanının (Azərbaycan Respublikasının Qanunvericilik Toplusu, 1998, № 8, maddə 505; 2003, № 10, maddə 571; 2004, № 7, maddə 526; 2009, № 4, maddə 226; 2010, № 12, maddə 1064; 2012, № 7, maddə 679) 2-ci hissəsində aşağıdakı dəyişikliklər edilsin:

1. İkinci, üçüncü və dördüncü abzaslar müvafiq olaraq 2.1-ci, 2.2-ci və 2.3-cü bəndlər hesab edilsin.

2. 2.1-ci bənddə:

2.1. “4-cü maddəsinin 1-ci bəndində “bu Qanuna və” sözlərindən sonra,” və “və 39-cu maddəsində,” sözləri çıxarılsın;

2.2. “10-cu maddəsinin 5-ci bəndində və” sözləri “10-cu maddəsinin 3-cü və 5-ci bəndlərində,” sözləri ilə əvəz edilsin;

2.3. “18-ci maddəsində,” sözlərindən sonra “20-ci maddəsinin 1-ci bəndinin üçüncü abzasında,” sözləri əlavə edilsin.

3. 2.2-ci bənddə:

3.1. “4-cü maddəsinin 1-ci bəndində “sənaye mülkiyyəti sahəsində” sözlərindən sonra və 2-ci bəndində” sözləri “4.2-ci maddəsində” sözləri ilə, “27-ci maddəsinin 1-ci bəndində, 2-ci bəndinin birinci, üçüncü və dördüncü abzaslarında” sözləri “27-ci maddəsinin 1-ci bəndinin birinci və ikinci cümlələrində, 2-ci bəndinin birinci abzasında (hər iki halda) və ikinci abzasında (hər iki halda)” sözləri ilə əvəz edilsin;

3.2. “32-ci maddəsinin 1-ci bəndinin birinci və ikinci abzaslarında və 3-cü bəndində” sözlərindən əvvəl “30-1-ci maddəsində,” sözləri əlavə edilsin.

 

İlham Əliyev

Azərbaycan Respublikasının Prezidenti

 

Bakı şəhəri, 8 iyul 2014-cü il.

9 July 2014, 09:07

© 2013, «LegalActs» LLC, All rights reserved
The Website Use Agreement