“Patent haqqında”, “Əmtəə nişanları və coğrafi göstəricilər haqqında” və “İxrac nəzarəti haqqında” Azərbaycan Respublikasının qanunlarında dəyişiklik edilməsi barədə
Azərbaycan Respublikasının Qanunu

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 11-ci, 13-cü və 25-ci bəndlərini rəhbər tutaraq qərara alır:

Maddə 1. “Patent haqqında” Azərbaycan Respublikasının Qanununda (Azərbaycan Respublikasının Qanunvericilik Toplusu, 1997, № 5, maddə 414; 2004, № 7, maddə 505; 2006, № 2, maddə 64; 2009, № 12, maddə 951; 2012, № 7, maddə 644; 2013, № 3, maddə 211, № 12, maddə 1481; 2018, № 4, maddə 635) aşağıdakı dəyişikliklər edilsin:

1.1. 5-ci maddənin 1-ci hissəsinin birinci abzasına və 2-ci hissəsinə, 29-cu maddənin 6-cı hissəsinə “orqanının” sözündən sonra “müəyyən etdiyi orqanın (qurumun)” sözləri əlavə edilsin;

1.2. 6-cı maddənin 1-ci hissəsinin ikinci abzasında “orqanında, müvafiq icra hakimiyyəti orqanının müəyyən etdiyi qurumda” sözləri “orqanının müəyyən etdiyi orqanda (qurumda)” sözləri ilə əvəz edilsin;

1.3. 38-ci maddənin 1-ci hissəsində “orqanı” sözü “orqanının müəyyən etdiyi orqan (qurum)” sözləri ilə əvəz edilsin.

Maddə 2. “Əmtəə nişanları və coğrafi göstəricilər haqqında” Azərbaycan Respublikasının Qanununda (Azərbaycan Respublikasının Qanunvericilik Toplusu, 1998, № 8, maddə 485; 2004, № 7, maddə 505; 2009, № 5, maddə 296; 2010, № 3, maddə 171; 2012, № 7, maddə 645; 2013, № 12, maddə 1482; 2018, № 4, maddə 636) aşağıdakı dəyişikliklər edilsin:

2.1. 15-ci, 20-ci və 30-cu maddələrinin birinci hissələrinə “orqanının” sözündən sonra “müəyyən etdiyi orqanın (qurumun)” sözləri əlavə edilsin;

2.2. 16-cı maddədə “orqanı” sözü “orqanının müəyyən etdiyi orqan (qurum)” sözləri ilə əvəz edilsin.

Maddə 3. “İxrac nəzarəti haqqında” Azərbaycan Respublikasının Qanununda (Azərbaycan Respublikasının Qanunvericilik Toplusu, 2004, № 12, maddə 975) aşağıdakı dəyişikliklər edilsin:

3.1. 9.1-ci, 10-cu və 11-ci maddələrdə “orqanı” sözü “orqanının müəyyən etdiyi orqan (qurum)” sözləri ilə əvəz edilsin;

3.2. 12.1-ci maddədə “orqanlarının onlara” sözləri “orqanının müəyyən etdiyi orqanın (qurumun) ona” sözləri ilə əvəz edilsin.

İlham Əliyev

Azərbaycan Respublikasının Prezidenti

Bakı şəhəri, 1 fevral 2019-cu il.

2 April 2019, 08:04

© 2013, «LegalActs» LLC, All rights reserved
The Website Use Agreement