Azərbaycan Respublikası Hökuməti və Ukrayna Nazirlər Kabineti, bundan sonra «Tərəflər»,

aşağıdakılar haqqında razılığa gəldilər:

Tərəflərdən hər biri müəlliflərə və hüquq əldə edənlərə və onların hüquqi varislərinə məxsus müəlliflik hüququnu və əlaqəli hüquqları, ilk dərc olunma yerindən asılı olmayaraq tanıyır və həmin hüquqların qorunmasını milli qanunvericilikdə öz fiziki və hüquqi şəxsləri üçün nəzərdə tutulan əsaslarda hüquqi müdafiənin eyni üsullarından və həcmdə istifadə etməklə təmin edir.

Tərəflər bu Sazişə və üzv olduqları və ya olacaqları digər beynəlxalq müqavilələrə uyğun olaraq ədəbiyyat, elm və incəsənət əsərlərinə hüquqların qorunması və istifadəsi sahəsində əməkdaşlığı qarşılıqlı fayda və bərabərlik əsasında həyata keçirir və inkişaf etdirirlər.

Tərəflərin hər biri vətəndaşları tərəfindən yaradılmış ədəbiyyat, elm və incəsənət əsərlərindən öz ərazilərində istifadəni təşfiq edir.

Tərəflərin əməkdaşlığı:

Tərəflərin hər biri müəlliflik hüququ və əlaqəli hüquqlarının tanınmasına və qorunmasına münasibətdə digər Tərəfin fiziki və hüquqi şəxslərinə hər hansı üçüncü Tərəfə ikitərəfli müqavilə ilə verdiyindən az olmayan əlverişli rejim təqdim edir.

Bu Sazişin tətbiqindən irəli gələn bütün ödəniş və hesablaşmalar Tərəflərin hər birinin dövlətinin milli qanunvericiliyinə uyğun olaraq sərbəst dönərli valyuta ilə həyata keçiriləcək, lakin müvafiq hüquq sahibinin arzusu ilə ödəniş və hesablaşmalar ödənişi aparan Tərəfin dövlətinin milli valyutası ilə aparıla bilər.

Tərəflər, bu Sazişin əməli tətbiqi üçün əhəmiyyət kəsb edən öz dövlətlərinin qanunları və digər hüquqi-normativ aktları barədə bir-birinə məlumat verəcəklər.

Müəlliflik hüquqlarının yaranması, məzmunu və xitamı, ərazisində onların istifadə və ya pozulması faktının baş verdiyi Tərəfin dövlətinin qanunvericiliyinə müvafiq olaraq müəyyən edilir.

Bu Sazişin həyata keçirilməsi gedişində Tərəflərin bir-birinə göndərdiyi bütün sənədlər rus dilinə tərcümə olunmaqla dövlət dilində təqdim olunur.

Bu Sazişin həyata keçirilməsi üçün məsuldurlar:

Tərəflər bu Sazişin təfsiri və tətbiqi ilə əlaqədar bütün fikir ayrılıqlarını məsləhətləşmələr və danışıqlar yolu ilə həll edəcəklər.

Bu Saziş Tərəflərin müəlliflik hüququ və əlaqəli hüquqların qorunması sahəsində digər tərəflərlə ikitərəfli və çoxtərəfli əməkdaşlıqda iştirakına mane olmur.

Tərəflərin qarşılıqlı razılığı ilə bu Sazişə əlavə və dəyişikliklər edilə bilər və bunlar ayrıca protokollarla rəsmiləşdiriləcək və bu Sazişin ayrılmaz hissəsi hesab olunacaqdır.

Bu Saziş beş il müddətinə bağlanır və Tərəflərin onun qüvvəyə minməsi üçün zəruri olan müvafiq dövlətdaxili proseduralarının yerinə yetirilməsi barədə axırıncı yazılı bildirişinin alındığı tarixdən qüvvəyə minir.

Tərəflərdən biri müvafiq müddətin başa çatmasına altı aydan az olmayan vaxt qalana qədər Sazişin qüvvəsinin ləğv edilməsi niyyəti barədə digər Tərəfə yazılı birdiriş göndərmədiyi halda, onun qüvvəsi avtomatik olaraq növbəti beş il müddətinə uzadılır.

Kiyev şəhərində 14 fevral 2002-ci il tarixdə iki əsl nüsxədə Azərbaycan, Ukrayna və rus dillərində imzalanmışdır, bütün mətnlər autentikdir.

Bu Sazişin müddəalarının təfsirində fikir ayrılığının yaranacağı halda Tərəflər rus dilindəki mətnə müraciət edəcəklər.