"Olimpiya Oyunları, Olimpiya Proqramına daxil olan idman növləri üzrə Dünya və Avropa çempionatları və Kubok yarışlarında ən yüksək nəticələr göstərmiş Azərbaycan Respublikasının idmançıları və onların məşqçilərinin mükafatlandırılması haqqında" Azərbaycan Respublikası Nazirlər Kabinetinin 2000-ci il 24 mart tarixli 57 nömrəli qərarında dəyişikliklər edilməsi barədə

AZƏRBAYCAN RESPUBLİKASININ

NAZİRLƏR KABİNETİ

QƏRAR

№ 141

Bakı şəhəri, 12 may 2014-cü il

"Olimpiya Oyunları, Olimpiya Proqramına daxil olan idman növləri üzrə Dünya və Avropa çempionatları və Kubok yarışlarında ən yüksək nəticələr göstərmiş Azərbaycan Respublikasının idmançıları və onların məşqçilərinin mükafatlandırılması haqqında" Azərbaycan Respublikası Nazirlər Kabinetinin 2000-ci il 24 mart tarixli 57 nömrəli qərarında dəyişikliklər edilməsi barədə

 Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, Azərbaycan Respublikası Gənclər və İdman Nazirliyinin Azərbaycan Respublikasının Maliyyə Nazirliyi ilə razılaşdırılmış təklifini nəzərə alaraq Azərbaycan Respublikasının Nazirlər Kabineti QƏRARA ALIR:

"Olimpiya Oyunları, Olimpiya Proqramına daxil olan idman növləri üzrə Dünya və Avropa çempionatları və Kubok yarışlarında ən yüksək nəticələr göstərmiş Azərbaycan Respublikasının idmançıları və onların məşqçilərinin mükafatlandırılması haqqında" Azərbaycan Respublikası Nazirlər Kabinetinin 2000-ci il 24 mart tarixli 57 nömrəli qərarında (Azərbaycan Respublikasının Qanunvericilik Toplusu, 2000, №3, maddə 245; 2001, №10, maddə 663; 2006, №4, maddə 369; 2006, №5, maddə 463) aşağıdakı dəyişikliklər edilsin:

1. Adından və 1-ci hissəsindən "Olimpiya Oyunları," sözləri çıxarılsın.

2. Həmin qərarla təsdiq edilmiş "Olimpiya Oyunları, Olimpiya Proqramına daxil olan idman növləri üzrə Dünya və Avropa çempionatları və Kubok yarışlarında ən yüksək nəticələr göstərmiş Azərbaycan Respublikasının idmançıları və onların məşqçiləri üçün mükafatlar" aşağıdakı redaksiyada verilsin:

 

"OLİMPİYA PROQRAMINA DAXİL OLAN İDMAN NÖVLƏRİ ÜZRƏ DÜNYA VƏ AVROPA ÇEMPİONATLARI VƏ KUBOK YARIŞLARINDA ƏN YÜKSƏK NƏTİCƏLƏR GÖSTƏRMİŞ AZƏRBAYCAN RESPUBLİKASININ İDMANÇILARI VƏ ONLARIN MƏŞQÇİLƏRİ ÜÇÜN MÜKAFATLAR

 

Sıra №-si	Yarışın növü	Tutduğu yer və mükafatın məbləği (manatla)
		I	II	III
1	2	3	4	5
1.	Dünya Çempionatı
	idmançı	15000	10000	6000
	məşqçi	7500	5000	3000
2.	Avropa Çempionatı
	idmançı	10000	6000	2000
	məşqçi	5000	3000	1000
3.	Dünya Kubokunun final yarışı (ümumi hesabda)
	komandanın idmançıları	20000	15000	10000
	komandanın məşqçiləri	10000	7500	5000
4.	Avropa Kubokunun final yarışı (ümumi hesabda)
	komandanın idmançıları	15000	10000	8000
	komandanın məşqçiləri	7500	5000	4000
5.	Dünya Kubokunun final yarışı (fərdi)
	idmançı	6000	4000	3000
	məşqçi	3000	2000	1500
6.	Avropa Kubokunun final yarışı (fərdi)
	idmançı	4000	3000	2000
	məşqçi	2000	1500	1000
7.	Dünya birinciliyi (gənclər)
	idmançı	3000	2000	1500
	məşqçi	1500	1000	750
8.	Dünya birinciliyi (yeniyetmələr)
	idmançı	2500	1500	1000
	məşqçi	1250	750	500
9.	Avropa birinciliyi (gənclər)
	idmançı	2000	1000	800
	məşqçi	1000	500	400
10.	Avropa birinciliyi (yeniyetmələr)
	idmançı	1500	800	600
	məşqçi	750	400	300

 

Qeyd. Beynəlxalq kompleks yarışlarında: Tələbələrin Ümumdünya Universiadası, Avropa Oyunları, Ümumdünya Şahmat Olimpiadası, İslam Həmrəylik Oyunları, Yeniyetmələrin Olimpiya Oyunları, Gənclərin Olimpiya Həftəsi yarışlarında mükafat yerləri tutan idmançıların və onların məşqçilərinin mükafatlandırılması barədə Azərbaycan Respublikası Prezidentinin xüsusi sərəncamı olmadığı təqdirdə, mükafatlandırma bu cədvəlin 2-ci bəndinə müvafiq olaraq həyata keçirilsin.".

Azərbaycan Respublikasının Baş naziri  Artur Rasi-zadə

 

4 İyun 2014, 13:06

© 2013, «LegalActs» LLC, All rights reserved
The Website Use Agreement