“İcra haqqında” Azərbaycan Respublikasının Qanununda dəyişikliklər edilməsi barədə
Azərbaycan Respublikasının Qanunu

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 6-cı bəndini rəhbər tutaraq, “İcra haqqında” Azərbaycan Respublikasının Qanununu “Azərbaycan Respublikasının İnzibati Xətalar Məcəlləsində dəyişikliklər edilməsi haqqında” Azərbaycan Respublikasının 2013-cü il 14 may tarixli 651-IVQD nömrəli Qanununa uyğunlaşdırmaq məqsədi ilə qərara alır:

“İcra haqqında” Azərbaycan Respublikasının Qanununda (Azərbaycan Respublikasının Qanunvericilik Toplusu, 2002, № 3, maddə 114; 2003, № 6, maddə 277; 2004, № 8, maddə 598, № 11, maddə 901, № 12, maddə 973; 2007, № 1, maddə 3, № 6, maddə 562, № 11, maddə 1053; 2008, № 6, maddə 462, № 7, maddə 602; 2009, № 12, maddə 952; 2010, № 2, maddə 75, № 7, maddə 591; 2011, № 6, maddə 482, № 7, maddə 618; 2012, № 11, maddə 1052; 2013, № 6, maddə 613; Azərbaycan Respublikasının 2013-cü il 21 iyun tarixli 695 nömrəli Qanunu) aşağıdakı dəyişikliklər edilsin:
1. Preambulaya “əmrlərinin,” sözündən sonra “inzibati xətalar haqqında işlər üzrə məhkəmə qərarlarının,” sözləri əlavə edilsin;
2. aşağıdakı məzmunda 1.1-1-ci maddə əlavə edilsin:
“1.1-1. İnzibati xətalara dair işlər üzrə inzibati cərimə tətbiq edilməsi barədə qərarlar Azərbaycan Respublikasının İnzibati Xətalar Məcəlləsinin 443, 444, 445.1, 446, 447.3, 448, 451-ci maddələrinin tələbləri nəzərə alınmaqla bu Qanuna müvafiq icra olunur.”.

İlham Əliyev
Azərbaycan Respublikasının Prezidenti
Bakı şəhəri, 3 dekabr 2013-cü il.

19 Dekabr 2013, 09:12

© 2013, «LegalActs» LLC, All rights reserved
The Website Use Agreement