Avropa Parlamenti ilə Azərbaycan Respublikasının Milli Məclisi arasında əməkdaşlıq məsələləri haqqında
Azərbaycan Respublikası Milli Məclisinin Qərarı
Avropa Parlamentinin 2015-ci il sentyabrın 10-da Azərbaycana dair qəbul etdiyi ədalətsiz və qeyri-obyektiv qətnamə bu parlament təşkilatı ilə Azərbaycan arasında münasibətlərin inkişafına ciddi zərbə vurmuşdur. Ölkəmizlə Avropa İttifaqı və onun üzvü olan dövlətlər arasında tərəfdaşlığı sarsıtmağa, Azərbaycanın beynəlxalq nüfuzuna xələl gətirməyə yönələn bu qərəzli siyasi aksiyanın cavabında Azərbaycan Respublikasının Milli Məclisi 2015-ci il sentyabrın 14-də qərar qəbul etmişdir. Qərarda Avropa Parlamentində müəyyən qüvvələr tərəfindən Azərbaycan barəsində sistemli və davamlı şəkildə aparılan qarayaxma kampaniyasına qiymət verilmiş, bu qüvvələrin Avropa İttifaqı–Azərbaycan münasibətlərinə qarşı pozuculuq fəaliyyətinə son qoyulması üçün zəruri tədbirlər müəyyənləşdirilmişdir. Milli Məclis Avronest Parlament Assambleyasında üzvlüyə xitam verilməsi barədə prosedur qaydalarının icrasına başlanılmasını və prosedur dövründə Milli Məclisin nümayəndə heyətinin Avronest Parlament Assambleyasının tədbirlərinə qatılmamasını qərara almışdır. Eyni zamanda, həmin qərarla Avropa İttifaqı–Azərbaycan Parlament Əməkdaşlığı Komitəsinin mövcud formatda fəaliyyətində Milli Məclisin iştirakına son qoyulmuşdur.
Milli Məclis Avropa Parlamentindən tələb etmişdir ki, Azərbaycana münasibətdə obyektiv mövqe tutsun və bu yanaşmanı real addımlarla nümayiş etdirsin. Bununla birlikdə, Avropa Parlamentindəki konstruktiv və sağlam qüvvələrə müraciət edilmişdir ki, Avropa Parlamentinin nüfuzuna xələl gətirən bu cür fəaliyyətin qarşısını almaq üçün səylərini artırsınlar.
2016-cı ilin aprel ayında Avropa Parlamentinin rəhbərliyi Avropa Parlamenti ilə Milli Məclis arasında dialoqu bərpa etmək üçün Avronest Parlament Assambleyasının nümayəndə heyətini Azərbaycana ezam etmişdir. Bu istiqamətdə danışıqların davam etdirilməsi üçün sentyabr ayının 19–21-də Avropa Parlamentinin deputatlarından ibarət səlahiyyətli nümayəndə heyəti Azərbaycana səfər etmiş və dövlətimizin bir sıra rəsmi şəxsləri ilə görüşlər keçirmişdir.
Nümayəndə heyətini Azərbaycan Respublikasının Prezidenti cənab İlham Əliyev qəbul etmişdir. Dövlət başçısı Avropa Parlamentinin göstərilən qətnaməsi ilə bağlı tənqidi qeydlərini açıq və qəti surətdə ifadə etmiş, Avropa Parlamenti ilə əlaqələrin bərpa edilməsi və bu əlaqələrin qarşılıqlı hörmət, bərabərlik və anlaşma əsasında inkişaf etdirilməsi barədə mülahizələrini söyləmişdir.
Səfərin yekunlarına əsasən qəbul olunmuş bəyanatda Avropa Parlamentinin nümayəndə heyəti bir ildən bəri Avropa Parlamenti ilə Milli Məclis arasında dialoqun olmamasından təəssüfləndiyini bildirmiş, qarşılıqlı münasibətlərin qırılmasına gətirib çıxara biləcək hər hansı halların gələcəkdə baş verməməsi üçün zəruri tədbirlər görüləcəyinə əmin etmişdir. Nümayəndə heyəti bunu da birmənalı olaraq bəyan etmişdir ki, Avropa Parlamenti Azərbaycanın ərazi bütövlüyünü və suverenliyini tamamilə dəstəkləyir.
Azərbaycan Respublikasının Milli Məclisi hesab edir ki, Avropa Parlamenti ilə Milli Məclis arasında dialoqun və əməkdaşlığın bərpa edilməsi istiqamətində Avropa Parlamenti tərəfindən atılan addımlar Avronest Parlament Assambleyasında Milli Məclisin üzvlüyünün və Avropa İttifaqı–Azərbaycan Parlament Əməkdaşlığı Komitəsinin fəaliyyətinin bərpasına zəmin yaradır.
Yuxarıda şərh edilənləri nəzərə alaraq, Azərbaycan Respublikasının Milli Məclisi qərara alır:
Azərbaycan Respublikası Milli Məclisinin 2015-ci il 14 sentyabr tarixli qərarının 10-cu və 11-ci bəndləri qüvvədən düşmüş sayılsın.
Azərbaycan Respublikası
Milli Məclisinin Sədri O.Əsədov
Bakı şəhəri, 30 sentyabr 2016-cı il.
3 Oktyabr 2016, 09:10
17 Mart 2017, 09:03
“Məcburi köçkünlərə yemək xərci üçün verilən aylıq müavinətin artırılması haqqında” Azərbaycan Respublikası Prezidentinin 2016-cı il 16 yanvar tarixli 1705 nömrəli Sərəncamının ləğv edilməsi barədə ətraflı...
17 Mart 2017, 09:03
Məhkum edilmiş bir sıra şəxslərin əfv olunması haqqında ətraflı...
17 Mart 2017, 09:03
“Məcburi köçkünlərə yemək xərci üçün verilən aylıq müavinətin artırılması haqqında” Azərbaycan Respublikası Prezidentinin 2008-ci il 26 avqust tarixli 3014 nömrəli Sərəncamının ləğv edilməsi barədə<> Azərbaycan Respublikası Prezidentinin Sərəncamı ətraflı...
17 Mart 2017, 09:03
“Məcburi köçkünlərə yemək xərci üçün verilən aylıq müavinətin artırılması haqqında” Azərbaycan Respublikası Prezidentinin 2013-cü il 22 avqust tarixli 3079 nömrəli Sərəncamının ləğv edilməsi barədə ətraflı...
17 Mart 2017, 09:03
H.Ə.Məmmədovun Bakı Mühəndislik Universitetinin rektoru təyin edilməsi haqqında ətraflı...
17 Mart 2017, 09:03
“Məcburi köçkünlərə yemək xərci üçün verilən aylıq müavinətin artırılması haqqında” Azərbaycan Respublikası Prezidentinin 2011-ci il 23 dekabr tarixli 1926 nömrəli Sərəncamının ləğv edilməsi barədə ətraflı...
17 Mart 2017, 09:03
“Məcburi köçkünlərə yemək xərci üçün verilən aylıq müavinətin artırılması haqqında” Azərbaycan Respublikası Prezidentinin 2010-cu il 8 sentyabr tarixli 1090 nömrəli Sərəncamında dəyişiklik edilməsi barədə ətraflı...
16 Mart 2017, 09:03
From Margarita Popova, Vice President and General Secretary of Bulgarian Industrial Association Her Excellency Mrs. Mehriban Aliyeva, First Vice President of the Republic of Azerbaijan. Dear Mrs. Mehriban Aliyeva, Please accept my heartfelt congratulations as you assumed great responsibility towards your people with your appointment as the First Vice-President of the Republic of Azerbaijan. This highest state position will give you strength, energy and inspiration to be useful to your country, to be loved by your people and to do large-scale works in political, cultural and social areas. It will be my pleasure to continue to work with you to ensure peace and understanding among people, development of intercultural dialogue, strong communication among young people, and close economic ties between our two countries. I wish you robust health and success. I am looking forward to a new event where I will have a chance to meet with you. With friendly greetings, Margarita Popova Vice President and General Secretary of Bulgarian Industrial Association ətraflı...
14 Mart 2017, 09:03
N.İ.Məmmədovun “Şərəf” ordeni ilə təltif edilməsi haqqında ətraflı...
14 Mart 2017, 09:03
Şollar-Bakı su qurğuları kompleksinin istismara verilməsinin 100 illiyi münasibətilə “Azərsu” Açıq Səhmdar Cəmiyyəti işçilərinin “Tərəqqi” medalı ilə təltif edilməsi haqqında ətraflı...