Azərbaycan Respublikasının 1996-cı il 17 may tarixli 74-IQ nömrəli Qanunu ilə təsdiq edilmiş “Azərbaycan Respublikası Milli Məclisinin Daxili Nizamnaməsi”ndə dəyişikliklər edilməsi haqqında
Azərbaycan Respublikasının Qanunu
Azərbaycan Respublikasının Milli Məclisi Azərbaycan Respublikası Konstitusiyasının 92-ci maddəsini rəhbər tutaraq qərara alır:
Azərbaycan Respublikasının 1996-cı il 17 may tarixli 74-IQ nömrəli Qanunu (Azərbaycan Respublikasının Qanunvericilik Toplusu, 1997, № 2, maddə 107; 1999, № 5, maddə 284; 2000, № 6, maddə 380, № 12, maddələr 832, 834; 2003, № 2, maddə 77; 2004, № 5, maddə 314; 2006, № 1, maddə 3, № 5, maddə 396, № 12, maddə 1005; 2007, № 8, maddə 755, № 11, maddələr 1049, 1081; 2009, № 6, maddə 395; 2010, № 3, maddə 171; 2013, № 4, maddə 358) ilə təsdiq edilmiş “Azərbaycan Respublikası Milli Məclisinin Daxili Nizamnaməsi”ndə aşağıdakı dəyişikliklər edilsin:
1. 2-ci maddənin ikinci hissəsində “sədri” sözündən sonra “və onun müavinləri” sözləri əlavə edilsin.
2. 12-ci maddənin ikinci hissəsinə aşağıdakı məzmunda yeni ikinci cümlə əlavə edilsin:
“Milli Məclisin iclasına sədrlik edən zərurət yarandıqda Milli Məclisin deputatlarına və Milli Məclisin iclasında iştirak edən digər şəxslərə növbədənkənar söz verə bilər.”.
3. 31-ci maddənin birinci hissəsinin onuncu abzası çıxarılsın.
4. 32-ci maddə üzrə:
4.1. maddənin adı aşağıdakı redaksiyada verilsin:
“Milli Məclis sədrinin müavinlərinin səlahiyyətləri”;
4.2. birinci hissə çıxarılsın.
5. 33-cü maddə üzrə:
5.1. birinci hissə aşağıdakı redaksiyada verilsin:
“Milli Məclisin sədri Milli Məclisin deputatları sırasından gizli (elektron sistemindən istifadə etməklə) səsvermə yolu ilə seçilir. Elektron sistemindən istifadə zamanı nasazlıq yarandıqda gizli səsvermə bülletenlər vasitəsilə keçirilir.”;
5.2. dördüncü hissənin birinci cümləsində “Səsvermə bülleteninə” sözləri “Səsverməyə” sözü ilə, “daxil edilir” sözləri “buraxılır” sözü ilə əvəz edilsin, üçüncü cümlədə “Səsvermə bülleteninə daxil edilən namizədlər” sözləri “Namizədlər” sözü ilə əvəz edilsin;
5.3. beşinci hissədə “Bülletenlər vasitəsilə gizli” sözləri “Gizli” sözü ilə əvəz edilsin.
6. 36-cı maddənin üçüncü hissəsinin üçüncü cümləsi dördüncü cümlə hesab edilsin və hissəyə aşağıdakı məzmunda üçüncü cümlə əlavə edilsin:
“Bir deputat ən çoxu iki komitənin üzvü ola bilər.”.
7. 40-cı maddənin birinci hissəsinin ikinci cümləsindən “elektron sistemindən istifadə etmədən” sözləri çıxarılsın.
İlham Əliyev
Azərbaycan Respublikasının Prezidenti
Bakı şəhəri, 18 dekabr 2015-ci il.
15 Yanvar 2016, 09:011 Avqust 2016, 08:08
Bakı şəhəri Qaradağ rayonunun Lökbatan-Qobu avtomobil yolunun tikintisi ilə bağlı tədbirlər haqqında ətraflı...
29 İyul 2016, 09:07
Binəqədi-Novxanı-Corat avtomobil yolunun tikintisi ilə bağlı tədbirlər haqqında ətraflı...
28 İyul 2016, 09:07
2016-cı il sentyabrın 26-na təyin edilmiş ümumxalq səsverməsində (referendumda) Mərkəzi Seçki Komissiyasının nəzdində işçi qrupunun yaradılması və rəhbərinin təyin edilməsi barədə ətraflı...
28 İyul 2016, 09:07
2016-cı il sentyabrın 26-na təyin edilmiş ümumxalq səsverməsində (referendumda) vətəndaşların referendumda iştirak hüququnu pozan hərəkətlərdən (hərəkətsizlikdən) və qərarlardan şikayətlərin araşdırılması məqsədilə Mərkəzi Seçki Komissiyası nəzdində ekspert qrupunun yaradılması barədə ətraflı...
28 İyul 2016, 09:07
Azərbaycan Respublikasının Konstitusiyasında dəyişikliklər edilməsi məqsədi ilə 2016-cı il sentyabrın 26-na təyin edilmiş ümumxalq səsverməsinin (referendumun) hazırlanıb keçirilməsi üzrə əsas hərəkət və tədbirlərin ətraflı...
28 İyul 2016, 09:07
“Azərbaycan Respublikasının Konstitusiyasında dəyişikliklər edilməsi məqsədi ilə 2016-cı il sentyabrın 26-na təyin edilmiş ümumxalq səsverməsinin (referendumun) hazırlanıb keçirilməsi üzrə əsas hərəkət və tədbirlərin Təqvim Planı"nın təsdiq edilməsi barədə ətraflı...
28 İyul 2016, 09:07
Goranboy rayonunun Goranboy-Yuxarı Ağcakənd avtomobil yolunun tikintisi ilə bağlı əlavə tədbirlər haqqında ətraflı...
27 İyul 2016, 09:07
“Azərbaycan Respublikasının hüdudlarından kənarda Azərbaycan Respublikası Prezidentinin seçkilərinin təşkili haqqında Təlimat”a dəyişikliklər edilməsinə dair ətraflı...
27 İyul 2016, 09:07
“Kütləvi informasiya vasitələri ilə referendumqabağı təşviqatın aparılması qaydaları haqqında Təlimat”a dəyişikliklər edilməsinə dair ətraflı...
27 İyul 2016, 09:07
“Referendum üzrə təşviqat qruplarının referendum üzrə maliyyə fondlarına vəsaitin daxil olması, xərclənməsi uçotunun aparılması və hesabatı qaydaları haqqında Təlimat”a dəyişikliklər edilməsinə dair ətraflı...