2015-ci il noyabrın 1-də keçirilmiş Azərbaycan Respublikasının Milli Məclisinə seçkilərdə Mərkəzi Seçki Komissiyasına daxil olmuş 13 noyabr 2015-ci il tarixli 180 saylı müraciətə baxılması barədə

Azərbaycan Respublikası Mərkəzi Seçki Komissiyasının QƏRARI

2015-ci il noyabrın 1-də keçirilmiş Azərbaycan Respublikasının Milli Məclisinə seçkilərdə 33 saylı Xətai birinci seçki dairəsi üzrə namizədliyi Ümid Partiyası tərəfindən irəli sürülmüş və qeydə alınmış Cəfərov Üzeyir Eldar oğlu 13 noyabr 2015-ci ildə Mərkəzi Seçki Komissiyasına yazılı müraciət edərək həmin seçki dairəsi dairə seçki komissiyasının 9 noyabr 2015-ci il tarixli 28/82 saylı qərarını mübahisələndirmiş, müvafiq qərarın ləğv edilməsini və seçki dairəsi üzrə səsvermənin nəticələrinin etibarsız hesab edilməsi barədə qərar qəbul edilməsini xahiş etmişdir.

 

Şikayət Azərbaycan Respublikası Seçki Məcəlləsinin 112-ci, 112-1-ci maddələrinə və “Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında Təlimat”a uyğun olaraq Mərkəzi Seçki Komissiyasının nəzdində ekspert qrupunun üzvü tərəfindən icraata qəbul edilmiş, araşdırılaraq bu barədə rəy verilmiş və Komissiyanın iclasında baxılmışdır.

Araşdırma prosesində müraciət etmiş deputatlığa qeydə alınmış namizədlə əlaqə saxlanılmış, ona dairə seçki komissiyasına təqdim etdiyi sənədlərdən əlavə materiallar təqdim etmək, araşdırmada və iclasda iştirak etmək hüquqlarının olması izah edilmişdir. Şikayətçinin araşdırmada və Mərkəzi Seçki Komissiyasının iclasında iştirakı təmin edilmişdir.

Ü.E.Cəfərov müraciətində 2, 5, 8, 9, 12, 14, 16, 18, 19, 21, 22, 28, 29, 32 və 36 saylı seçki məntəqələri üzrə səsvermənin nəticələrini mübahisələndirərək, bir şəxsin bir neçə dəfə səs verməsini, seçki qutusuna birdən çox seçki bülleteninin atılmasını, bir seçiciyə bir neçə seçki bülleteninin verilməsini, bəzi müşahidəçilərə normal müşahidə aparmaq imkanının yaradılmamasını, səsvermə başa çatdıqdan sonra elan olunan seçici sayı ilə seçki qutusundan çıxan seçki bülletenlərinin sayı arasında uyğunsuzluğun olmasını iddia etmişdir.

Araşdırma ilə müəyyən edilmişdir ki, dairə seçki komissiyası tərəfindən Ü.E.Cəfərovun müraciəti ilə bağlı ətraflı araşdırma aparılmış, araşdırmada onun iştirakı təmin edilmiş, o, araşdırma ilə əlaqədar aidiyyəti şəxslərdən alınan izahatlar və digər sənədlərlə tanış olmuşdur. Müraciətdə qanun pozuntularının olduğunun iddia edildiyi 15 seçki məntəqəsi üzrə səsvermə günü müxtəlif maraqları təmsil etməklə həmin məntəqələrdə müşahidə aparmış çoxsaylı müşahidəçilər tərəfindən tərtib edilmiş aktlar və izahatlarla şikayətçinin göstərdiyi seçki məntəqələrində iddia edilən pozuntuların baş vermədiyi, səsvermənin və səsvermənin nəticələrinə dair protokolların tərtib edilməsində seçki qanunvericiliyinin tələblərinə riayət olunduğu, protokolların seçki məntəqələrində tərtib edildiyi və surətlərinin maraqlı seçki subyektlərinə verildiyi öz əksini tapmışdır. Araşdırma prosesində qeyd edilən seçki subyektlərindən və məntəqə seçki komissiyalarının müxtəlif siyasi qüvvələri təmsil edən komissiya üzvlərindən alınmış çoxsaylı aktlar və izahatlarla namizədin müraciətində göstərdiyi hallar təkzib edilmişdir. Araşdırmaya cəlb edilmiş 2 saylı seçki məntəqəsində müşahidəçi olmuş A.S.Əhmədov, T.Y.Alıyeva, A.H.Sadıxova, A.E.Salmanov, Ə.H.Qasımov , 4 saylı seçki məntəqəsində müşahidəçi olmuş P.B.Cəfərov, T.Ə.Bəşirova, İ.F.Şərifov, R.Ə.Məhərrəmov, F.N.Xudiyev, 6 saylı seçki məntəqəsində müşahidəçi olmuş Ş.V.Əsgərov, F.H.Mörsümov, M.Ə.Yusifov, H.İ.Hüseynov, Ş.M.Qasımov, 8 saylı seçki məntəqəsində müşahidəçi olmuş K.A.Muxtarov, T.A.Kərimov, A.M.İsmayılova, S.V.Abbasova, M.S.Şərifov, 9 saylı seçki məntəqəsində müşahidəçi olmuş N.Ə.Salmanova, K.A.Kərimov, A.Q.İsmayılova, T.Q.Muxtarov, R.Y.İsmayılzadə, 12 saylı seçki məntəqəsində müşahidəçi olmuş Z.V.Tarverdiyev, M.İ.Qurbanov, N.S.Həşimov, İ.M.Babayev, A.A.Əlizadə, E.B.Süleymanov, P.T.Eyyubov, R.V.Həsənov, 16 saylı seçki məntəqəsində müşahidəçi olmuş Ə.M.Zeynalov, A.S.Aslanov, E.F.Rzayev, M.Y.Məmmədov, M.İ.Vəliyev, 18 saylı seçki məntəqəsində müşahidəçi olmuş A.X.Şahbazov, S.S.Abunova, D.G.Alı¬şanov, Z.X.Şükürov, Y.T.Həmidov, 19 saylı seçki məntəqəsində müşahidəçi olmuş M.A.Aslanov, E.İ.İmanverdiyev, E.A.Hüseynova, A.Z.Bağırov, E.N.Nemətov, 20 saylı seçki məntəqəsində müşadəçi olmuş R.A.Hüm¬bətov, C.B.Qocayev, E.N.Allahverdiyev, T.İ.Hüseynov, B.E.Bədəlov, M.O.Əliyev, 21 saylı seçki məntəqəsində mü¬şahidəçi olmuş V.S.İbrahimov, C.K.Məcidov, O.B.Heydərov, A.Ə.Rəhimov, E.Ə. Mürsəlli, 22 saylı seçki məntəqəsində mü¬şahidəçi olmuş V.İ.Mikayılov, C.T.Cavadova, R.F.Tahirov, A.A.Hüseynov, H.S.Həsənov, 23 saylı seçki məntəqəsində mü¬şahidəçi olmuş A.H.Əsədova, E.G.Abdullayev, R.İ.Cavadov, O.D.İbrahimov, M.K.Quliyev və 24 saylı seçki məntəqəsində müşahidəçi olmuş V.B.Ələs¬gərova, S.E.Mürşüdova, E.T.Əsədova, N.İ.İbrahimova, G.F.Hacızadə, H.İ.Rzayev, E.Q.Babayeva, A.V.Qədirov, T.İ.Nəcəfov və Z.M.Rəsulovun izahatlarında səsvermə və səsvermənin nəticələrinin müəyyən edilməsi prosesinin seçki qanun¬vericiliyinin tələblərinə uyğun olaraq keçirildiyini, bu zaman ciddi qanun pozuntularına yol verilmədiyini, müşahidə prosesinə müdaxilə hallarının olmadığını, nə onlara, nə də digər müşahidəçilərə qarşı məntəqə seçki komissiyasının sədri və ya üzvləri tərəfindən heç bir təzyiqlərə yol verilmədiyini, seçki məntəqələrinin qanun çərçivəsində fəaliyyət göstərdiyini bildirmişlər.

Həmçinin, 33 saylı Xətai birinci seçki dairəsində Ümid Partiyasının maraqlarını təmsil edən müşahidəçilər, o cümlədən 18 saylı seçki məntəqəsi üzrə Əliyev Orxan Zaur oğlu, 21 saylı seçki məntəqəsi üzrə Nurəddin İsgəndərov, 22 saylı seçki məntəqəsi üzrə İsmayıl İsmayılov, 28 saylı seçki məntəqəsi üzrə Hüseynov Rəhman Aydın oğlu səsvermə günü digər müşahidəçilərlə birlikdə müvafiq aktlar tərtib edərək səsvermə və səslərin hesablanması prosesində heç bir qanun pozuntusuna yol verilmədiyini, tərtib edilmiş səsvermənin yekunlarına dair protokolların təsdiq edilmiş surətlərinin onlara verildiyini bildirmişlər.

Göstərilənlərə əsasən şikayətin təmin edilməsi və dairə seçki komissiyasının şikayətlə bağlı qərarının ləğv edilməsi üçün hüquqi əsaslar müəyyən edilmədiyindən müraciət əsassız hesab edilərək təmin edilməməli, 33 saylı Xətai birinci seçki dairəsi dairə seçki komissiyasının 9 noyabr 2015-ci il tarixli 28/82 saylı qərarı dəyişdirilmədən qüvvədə saxlanılmalıdır.

Yuxarıda göstərilənləri əsas götürərək, Azərbaycan Respublikasının Mərkəzi Seçki Komissiyası Azərbaycan Respublikası Seçki Məcəlləsinin 19.4-cü, 28.2-ci, 112-ci, 112-1-ci maddələrinə və “Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında Təlimat”ın 1-ci, 2-ci, 4-cü, 6-cı və 7-ci hissələrinə əsasən qərara alır:

 

1. 2015-ci il noyabrın 1-də keçirilmiş Azərbaycan Respublikasının Milli Məclisinə seçkilərdə 33 saylı Xətai birinci seçki dairəsi üzrə namizədliyi Ümid Partiyası tərəfindən irəli sürülmüş və qeydə alınmış Cəfərov Üzeyir Eldar oğlunun 13 noyabr 2015-ci il tarixli 180 saylı müraciəti əsassız olduğundan təmin edilməsin, dairə seçki komissiyasının 9 noyabr 2015-ci il tarixli 28/82 saylı qərarı dəyişdirilmədən qüvvədə saxlanılsın.

2. Qərar dərc edildiyi gündən qüvvəyə minir.

 

Sədr         Məzahir Pənahov

Katib        Arifə Muxtarova

Katib        Mikayıl Rəhimov

17 Noyabr 2015, 09:11

http://www.azertag.net

61—70 / 10511

15 Mart 2023, 12:03

A.R.Rzayevin 1-ci dərəcəli “Əmək” ordeni ilə təltif edilməsi haqqında Azərbaycan Respublikası Prezidentinin Sərəncamı   ətraflı...

10 Mart 2023, 07:03

Səhiyyə sahəsində təchizat və təminatla bağlı fəaliyyətin təkmilləşdirilməsi və “Azərbaycan Respublikasında icbari tibbi sığortanın tətbiqinin təmin edilməsi ilə bağlı bir sıra tədbirlər haqqında” Azərbaycan Respublikası Prezidentinin 2018-ci il 20 dekabr tarixli 418 nömrəli Fərmanında dəyişiklik edilməsi barədə Azərbaycan Respublikası Prezidentinin Fərmanı   ətraflı...

7 Mart 2023, 16:03

Azərbaycan Respublikası Prezidentinin 2021-ci il 19 yanvar tarixli 1253 nömrəli Fərmanı ilə təsdiq edilmiş “Qarabağ Dirçəliş Fondunun Nizamnaməsi”ndə dəyişiklik edilməsi haqqında Azərbaycan Respublikası Prezidentinin Fərmanı   ətraflı...

6 Mart 2023, 13:03

Azərbaycan qadınlarının “Tərəqqi” medalı ilə təltif edilməsi haqqında Azərbaycan Respublikası Prezidentinin Sərəncamı   ətraflı...

1 Mart 2023, 14:03

Azərbaycan Respublikası vətəndaşlarının 2023-cü il aprelin 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında Azərbaycan Respublikası Prezidentinin Sərəncamı   ətraflı...

1 Mart 2023, 14:03

“İşğaldan azad edilmiş ərazilərdə şəhərsalma fəaliyyəti sahəsində idarəetmə ilə bağlı bəzi məsələlər haqqında” Azərbaycan Respublikası Prezidentinin 2021-ci il 18 mart tarixli 1304 nömrəli Fərmanında dəyişiklik edilməsi barədə Azərbaycan Respublikası Prezidentinin Fərmanı   ətraflı...

27 Fevral 2023, 15:02

“İqtisadi Əməkdaşlıq Təşkilatının Tədqiqat Mərkəzinin Nizamnaməsi”nin təsdiq edilməsi haqqında Azərbaycan Respublikasının Qanunu   ətraflı...

27 Fevral 2023, 15:02

“GUÖAM iştirakçısı olan dövlətlər arasında azad ticarət zonasının yaradılması haqqında Sazişə dair malların mənşə ölkəsinin təyin edilməsi Qaydaları barədə Protokol”un təsdiq edilməsi haqqında Azərbaycan Respublikasının Qanunu   ətraflı...

27 Fevral 2023, 15:02

“İdxalı əlavə dəyər vergisindən azad edilən xammal və materialların siyahısı”nın təsdiqi və “İdxalı əlavə dəyər vergisindən azad edilən xammal və materialların siyahısı”nın təsdiq edilməsi haqqında” Azərbaycan Respublikası Prezidentinin 2017-ci il 2 noyabr tarixli 1654 nömrəli Fərmanının ləğv edilməsi barədə” Azərbaycan Respublikası Prezidentinin 2022-ci il 1 iyul tarixli 1732 nömrəli Fərmanında dəyişiklik edilməsi haqqında Azərbaycan Respublikası Prezidentinin Fərmanı   ətraflı...

23 Fevral 2023, 16:02

Azərbaycan Respublikası Mədəniyyət Nazirliyinin strukturuna daxil olan regional mədəniyyət idarələrinin yenidən təşkili və “Azərbaycan Respublikası Mədəniyyət Nazirliyinin strukturunun təkmilləşdirilməsi haqqında” Azərbaycan Respublikası Prezidentinin 2016-cı il 29 mart tarixli 1932 nömrəli Sərəncamında dəyişiklik edilməsi barədə Azərbaycan Respublikası Prezidentinin Sərəncamı   ətraflı...