2015-ci il noyabrın 1- nə təyin edilmiş Azərbaycan Respublikasının Milli Məclisinə seçkilərdə Mərkəzi Seçki Komissiyasına daxil olmuş 23 oktyabr 2015-ci il tarixli 102 saylı müraciətə baxılması barədə

Azərbaycan Respublikası Mərkəzi Seçki Komissiyasının QƏRARI

2015-ci il noyabrın 1-nə təyin edilmiş Azərbaycan Respublikasının Milli Məclisinə seçkilərdə 21 saylı Nəsimi birinci seçki dairəsi üzrə namizədliyi Ümid Partiyası tərəfindən irəli sürülmüş Səfərova Günel Məhərrəm qızı 23 oktyabr 2015-ci ildə Mərkəzi Seçki Komissiyasına yazılı müraciət edərək təyin etdiyi məşvərətçi səs hüquqlu üzvlərin təsdiq edilməsindən imtinaya dair dairə seçki komissiyasının qərarını mübahisələndirmiş və müvafiq qərar qəbul edilməsi yolu ilə pozulmuş hüquqlarının bərpa olunmasını xahiş etmişdir.

                                                                    

Şikayət Azərbaycan Respublikası Seçki Məcəlləsinin 112-ci, 112-1-ci maddələrinə və “Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında Təlimat”a uyğun olaraq Mərkəzi Seçki Komissiyasının nəzdində ekspert qrupunun üzvü tərəfindən icraata qəbul edilmiş, araşdırılaraq bu barədə rəy verilmiş və Komissiyanın iclasında baxılmışdır.

Qeydə alınmış namizəd G.M.Səfərova müraciətində qeyd etmişdir ki, 21 saylı Nəsimi birinci seçki dairəsi üzrə mövcud olan seçki komissiyalarına məşvərətçi səs hüquqlu komissiya üzvləri təyin etmiş, həmin şəxslərin təsdiq olunması üçün dairə seçki komissiyasına müraciət etsə də, komissiya məşvərətçi səs hüquqlu üzvlərin təsdiq olunmasından əsassız olaraq imtina etmişdir.

Dairə seçki komissiyası mübahisələndirilən qərarını onunla əsaslandırmışdır ki, G.M.Səfərova tərəfindən məşvərətçi səs hüquqlu üzvlərin təyin edilməsi Seçki Məcəlləsinin tələblərinə zidd olduğundan həmin şəxslər məşvərətçi səs hüquqlu üzv kimi təsdiq edilə bilməzlər.

Deputatlığa namizədlə əlaqə saxlanılmış, ona əlavə sənədlər və materiallar təqdim etmək, araşdırmada və iclasda iştirak etmək hüququnun olması izah edilmiş, onun araşdırmada və Mərkəzi Seçki Komissiyasının iclasında iştirakı təmin edilmişdir.

Araşdırma prosesində müəyyən edilmişdir ki, namizədliyi Ümid Partiyası tərəfindən irəli sürülmüş G.M.Səfərova öz təşəbbüsü ilə 21 saylı Nəsimi birinci seçki dairəsi dairə seçki komissiyasına və həmin seçki dairəsi üzrə məntəqə seçki komissiyalarına məşvərətçi səs hüquqlu üzv təyin etmiş, onların təsdiq edilməsi üçün müvafiq sənədləri dairə seçki komissiyasına təqdim etmişdir. Dairə seçki komissiyasının həmin şəxslərin məşvərətçi səs hüquqlu üzv kimi təsdiq edilməsindən imtinaya dair qərarı müəyyən qüsurlarla tərtib edilsə də, göstərilən əsaslarla G.M.Səfərova tərəfindən təyin edilmiş şəxslərin məşvərətçi səs hüquqlu üzv kimi qeydə alınmasından imtina edilməsi ilə bağlı düzgün nəticəyə gəlmişdir və həmin qərarın ləğv edilməsi üçün əsaslar müəyyən edilməmişdir.

Belə ki, Azərbaycan Respublikası Seçki Məcəlləsinin 21.2-ci və 148.6-cı maddələrinə görə siyasi partiya, siyasi partiyaların bloku tərəfindən irəli sürülmüş namizədi təmsil edən məşvərətçi səs hüquqlu seçki komissiyası üzvü həmin siyasi partiya, siyasi partiyaların bloku tərəfindən təyin edilir və birmandatlı seçki dairələrinin 60-dan çoxunda namizəd irəli sürmüş və ya namizədləri qeydə alınmış siyasi partiyalar, siyasi partiyaların blokları hər bir seçki komissiyasının tərkibinə bir məşvərətçi səs hüquqlu üzv təyin edə bilərlər.

Mərkəzi Seçki Komissiyasının “Seçki (referendum) komissiyalarının məşvərətçi səs hüquqlu üzvlərinin statusu haqqında Təlimat”ının 1.2-ci və 2.1-ci bəndlərinə görə Azərbaycan Respublikasının Milli Məclisinə seçkilər zamanı birmandatlı seçki dairələrinin 60-dan çoxunda namizəd irəli sürmüş və ya namizədləri qeydə alınmış siyasi partiyalar seçki komissiyalarına məşvərətçi səs hüquqlu üzv təyin etmələri barədə həmin partiyanın ali orqanının (qurultay, konfrans və s.) qərarına əsasən müvafiq təqdimatı partiyanın səlahiyyətli nümayəndəsi aidiyyəti seçki komissiyasına təqdim etməlidir.

Göstərilənlərə əsasən şikayət əsassız olduğundan təmin edilməməli, 21 saylı Nəsimi birinci seçki dairəsi dairə seçki komissiyasının G.M.Səfərovanın təyin etdiyi məşvərətçi səs hüquqlu üzvlərin təsdiq edilməsindən imtinaya dair 19 oktyabr 2015-ci il tarixli 21/62 saylı qərarı dəyişdirilmədən qüvvədə saxlanılmalıdır.

Yuxarıda göstərilənləri əsas götürərək, Azərbaycan Respublikasının Mərkəzi Seçki Komissiyası Azərbaycan Respublikası Seçki Məcəlləsinin 19.4-cü, 21.2-ci, 28.2-ci və 148.6-cı maddələrinə və “Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında Təlimat”ın 1-ci, 2-ci, 4-cü, 6-cı və 7-ci hissələrinə əsasən qərara alır:

 

1. 2015-ci il noyabrın 1-nə təyin edilmiş Azərbaycan Respublikasının Milli Məclisinə seçkilərdə 21 saylı Nəsimi birinci seçki dairəsi üzrə qeydə alınmış namizəd Səfərova Günel Məhərrəm qızının 23 oktyabr 2015-ci il tarixli 102 saylı müraciəti əsassız olduğundan təmin edilməsin, dairə seçki komissiyasının 19 oktyabr 2015-ci il tarixli 21/62 saylı qərarı dəyişdirilmədən qüvvədə saxlanılsın.

2. Qərar dərc edildiyi gündən qüvvəyə minir.

 

Sədr Məzahir Pənahov

Katib Arifə Muxtarova

Katib Mikayıl Rəhimov

26 Oktyabr 2015, 09:10

http://www.azertag.net

9681—9690 / 10511

24 İyul 2014, 13:07

Azərbaycan Respublikası Nazirlər Kabinetinin 2007-ci il 28 avqust tarixli 136 nömrəli qərarı ilə təsdiq edilmiş "İnzibati orqanların Təsnifatı"nda dəyişikliklər edilməsi haqqında   ətraflı...

24 İyul 2014, 14:07

Azərbaycan Respublikası Nazirlər Kabinetinin 1998-ci il 29 may tarixli 120 nömrəli qərarı ilə təsdiq edilmiş "Antiinhisar qanunvericiliyinin pozulması haqqında işlərə baxılması Qaydaları"nda dəyişikliklər edilməsi barədə   ətraflı...

24 İyul 2014, 14:07

Azərbaycan Respublikası Nazirlər Kabinetinin 1998-ci il 25 sentyabr tarixli 195 nömrəli qərarı ilə təsdiq edilmiş "Su obyektlərinin istifadəsi və mühafizəsi üzərində dövlət nəzarətinin həyata keçirilməsi Qaydaları"nda dəyişikliklər edilməsi barədə   ətraflı...

24 İyul 2014, 14:07

Azərbaycan Respublikası Nazirlər Kabinetinin 2000-ci il 3 fevral tarixli 15 nömrəli qərarı ilə təsdiq edilmiş "Meşə fondunun vəziyyətinə, istifadəsinə, mühafizəsinə, qorunmasına və meşələrin bərpasına dövlət nəzarətinin həyata keçirilməsi Qaydası"nda dəyişiklik edilməsi barədə   ətraflı...

24 İyul 2014, 14:07

Azərbaycan Respublikası Nazirlər Kabinetinin 2005-ci il 2 fevral tarixli 18 nömrəli qərarı ilə təsdiq edilmiş "Elektrik enerjisindən istifadə Qaydaları"nda dəyişikliklər edilməsi barədə   ətraflı...

24 İyul 2014, 14:07

"Atmosfer havasına atılan zərərli maddələrin, ona fiziki təsir mənbələrinin inventarlaşdırılması Qaydaları", "Atmosfer havasının mühafizəsi sahəsində dövlət nəzarətinin həyata keçirilməsi Qaydası", "Atmosfer havasına zərərli kimyəvi, bioloji və fiziki təsir göstərən mənbələri olan hüquqi şəxslərin atmosfer havasının mühafizəsini həyata keçirmə Qaydası" və "Atılmanın texniki normativlərinin və atılmanın yol verilən həddinin tətbiq edildiyi obyektlərin Siyahısı"nın təsdiq edilməsi haqqında" Azərbaycan Respublikası Nazirlər Kabinetinin 2002-ci il 15 aprel tarixli 63 nömrəli qərarında dəyişikliklər edilməsi barədə   ətraflı...

24 İyul 2014, 09:07

Bakı-Quba magistralı-Xızı rayonunun Şuraabad qəsəbəsi avtomobil yolunun tikintisi ilə bağlı tədbirlər haqqında   ətraflı...

24 İyul 2014, 09:07

Xızı rayonunun sosial-iqtisadi inkişafının sürətləndirilməsinə dair əlavə tədbirlər haqqında   ətraflı...

23 İyul 2014, 09:07

M.A.Bağırova Azərbaycan Respublikası Prezidentinin fərdi təqaüdünün verilməsi haqqında   ətraflı...

22 İyul 2014, 09:07

M.Q.Qurbanlının Azərbaycan Respublikasının Dini Qurumlarla İş üzrə Dövlət Komitəsinin sədri təyin edilməsi haqqında   ətraflı...