2014-cü il dekabrın 23-də keçirilmiş bələdiyyə seçkilərində Mərkəzi Seçki Komissiyasına daxil olmuş 27 dekabr 2014-cü il tarixli 69 saylı müraciətə baxılması barədə Azərbaycan Respublikası Mərkəzi Seçki Komissiyasının QƏRARI
2014-cü il dekabrın 23-də keçirilmiş bələdiyyə seçkilərində 38 saylı Nizami ikinci (Gəncə) seçki dairəsi üzrə Nizami (Gəncə) bələdiyyəsi üzvlüyünə qeydə alınmış namizəd Məhərrəmova Tünzalə Ələddin qızı Mərkəzi Seçki Komissiyasına müraciət edərək, həmin bələdiyyəyə keçirilmiş seçkilərin nəticələrinin ləğv olunmasını tələb etmişdir.
Müraciət Azərbaycan Respublikası Seçki Məcəlləsinin 112 və 112-1-ci maddələrinə və “Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında” Təlimatın tələblərinə uyğun olaraq Azərbaycan Respublikası Mərkəzi Seçki Komissiyasının nəzdində ekspert qrupunun üzvü tərəfindən araşdırılaraq bu barədə müvafiq rəy verilmiş və Mərkəzi Seçki Komissiyasının iclasında baxılmışdır.
Müraciət etmiş şəxsə araşdırma aparılması barədə məlumat verilmiş, ona araşdırmada iştirak etmək hüququ izah edilmişdir.
Ərizəçi T.Ə.Məhərrəmova səsvermə günü seçki məntəqələrində kifayət qədər səs topladığını, lakin səsvermənin nəticələri haqqında dairə seçki komissiyasının protokolunda ona verilmiş səslərin azaldıldığını və bəziseçki məntəqələrində ciddi qanun pozuntularının baş verdiyini iddia etmişdir.
Araşdırma prosesində T.Ə.Məhərrəmova Nizami (Gəncə) bələdiyyəsinə seçkilərdə səsvermənin nəticələri haqqında dairə seçki komissiyası protokolunun təsdiq olunmuş surətini, özünün tərtib etdiyi bir ədəd aktı və imzaladığı bir ədəd kiçik qeydi Mərkəzi Seçki Komissiyasına təqdim etmişdir.
Nizami (Gəncə) bələdiyyəsinə seçkilərdə səsvermənin nəticələri haqqında dairə seçki komissiyası tərəfindən Mərkəzi Seçki Komissiyasına təqdim edilmiş protokoldan məlum olur ki, T.Ə.Məhərrəmova həmin bələdiyyə üzrə seçilməli olan namizədlərdən daha az səs toplamışdır.
Araşdırma prosesində Nizami (Gəncə) bələdiyyəsini əhatə edən seçki dairələrinin sədrlərinin və katiblərinin, həmin seçki dairələrinə daxil olan bir sıra məntəqə seçki komissiyaları sədrlərinin və katiblərinin, məntəqə seçki komissiyası üzvlərinin izahatlarından məlum olur ki, səsvermə günü 37 saylı Nizami birinci (Gəncə) və 38 saylı Nizami ikinci (Gəncə) seçki dairəsində və həmin seçki dairələrinə daxil olan seçki məntəqələrində səsvermə, səsvermənin nəticələrinin hesablanılması Seçki Məcəlləsində nəzərdə tutulmuş qaydada həyata keçirilmiş, dairə seçki komissiyası tərəfindən protokolların təsdiq olunmuş surətləri namizədlərə və onu almaq hüququ olan digər şəxslərə verilmişdir.
Bundan başqa, Nizami (Gəncə) bələdiyyəsi üzvlüyünə qeydə alınmış digər namizədlər M.M.Əhmədova, S.M.Kərimov, Q.F.Allahverdiyev və S.M. Aslanov, 37 saylı Nizami birinci (Gəncə) seçki dairəsi üzrə 7, 13, 18 saylı seçki məntəqələrində müvafiq olaraq müşahidəçi olmuş F.S.Muradova, S.Abdullayeva, R.D.Bayramova və 38 saylı Nizami ikinci (Gəncə) seçki dairəsi üzrə 1, 2, 5, 13 və 21 saylı seçki məntəqələrində müvafiq olaraq müşahidəçi olmuş E.P.Kərimov, Q.Y.Qarayeva, S.Ə.Qasımova, S.Z.Süleymanov, V.Q.Həsənov, E.İ.Abbasov və digərləri izahatlarında bildirmişlər ki, həmin seçki məntəqələrində səsvermə üçün lazımi şərait yaradılmış, seçicilərə heç bir təzyiq olmamış, səsvermə prosesində heç bir qanun pozuntusu baş verməmiş, bülletenlərin sayılması və səslərin hesablanması aşkar qaydada aparılmışdır.
Aparılmış araşdırma zamanı 37 saylı Nizami birinci (Gəncə) və 38 saylı Nizami ikinci (Gəncə) seçki dairələrində və həmin seçki dairələrinə daxil olan seçki məntəqələrində səsvermə, səslərin hesablanması zamanı, eləcə də həmin dairə seçki komissiyalarında yekun protokolların tərtib olunması zamanı hər hansı qanun pozuntusunun baş verməsi faktı aşkar edilmədi.
Beləliklə, tam, obyektiv və qərəzsiz araşdırma nəticəsində şikayətdə iddia edilən halları təsdiq edən hüquqi əsaslar müəyyən olunmadığı üçün şikayət təmin edilməməlidir.
Yuxarıda göstərilənləri əsas götürərək, Azərbaycan Respublikasının Mərkəzi Seçki Komissiyası Azərbaycan Respublikası Seçki Məcəlləsinin 112-ci, 112-1-ci maddələrinə və “Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında” Təlimatın 1, 2, 4, 6 və 7-ci bəndlərinə əsasən qərara alır:
1. 38 saylı Nizami ikinci (Gəncə) seçki dairəsi üzrə Nizami (Gəncə) bələdiyyəsi üzvlüyünə qeydə alınmış namizəd Məhərrəmova Tünzalə Ələddin qızının 27 dekabr 2014-cü il tarixli 69 saylı müraciəti əsassız olduğundan təmin edilməsin.
2. Qərar dərc edildiyi gündən qüvvəyə minir.
Sədr Məzahir Pənahov
Katib Arifə Muxtarova
Katib Mikayıl Rəhimov
30 Dekabr 2014, 09:1211 İyun 2019, 08:06
“MüstəqilDövlətlərBirliyininiştirakçısı olandövlətlərindaxiliişlərorqanları (polis) və daxiliqoşunları üçünkadrlarınhazırlanması haqqındaSaziş”inicrası ilə bağlı səlahiyyətliorqanınmüəyyənedilməsibarədə AzərbaycanRespublikası PrezidentininSərəncamı ətraflı...
11 İyun 2019, 08:06
“Yol hərəkəti haqqında” və “Notariat haqqında” Azərbaycan Respublikasının qanunlarında dəyişiklik edilməsi barədə” Azərbaycan Respublikasının 2019-cu il 17 may tarixli 1594-VQD nömrəli Qanununun tətbiqi haqqında Azərbaycan Respublikası Prezidentinin Sərəncamı ətraflı...
11 İyun 2019, 08:06
“Azərbaycan Sənaye Korporasiyası” Açıq Səhmdar Cəmiyyətinin Müşahidə Şurası üzvlərinin təyin edilməsi haqqında Azərbaycan Respublikası Prezidentinin Sərəncamı ətraflı...
11 İyun 2019, 08:06
“Məcburiköçkünlərvə onlarabərabərtutulan şəxslər üçünvahidaylıqmüavinətinmüəyyənedilməsihaqqında” AzərbaycanRespublikası Prezidentinin 2017-ciil 23 yanvartarixli 1206 nömrəliFərmanındadəyişiklikedilməsibarədə AzərbaycanRespublikası PrezidentininFərmanı ətraflı...
11 İyun 2019, 08:06
Azərbaycan Respublikasında təhsil infrastrukturunun inkişafı ilə əlaqədar tədbirlər haqqında Azərbaycan Respublikası Prezidentinin Sərəncamı ətraflı...
11 İyun 2019, 08:06
“Auditor xidməti haqqında”, “İnvestisiya fəaliyyəti haqqında”, “Müflisləşmə və iflas haqqında”, “Kiçik sahibkarlığa dövlət köməyi haqqında”, “Yeyinti məhsulları haqqında”, “Notariat haqqında”, “Kredit ittifaqları haqqında” və “Dövlət əmlakının özəlləşdirilməsi haqqında” Azərbaycan Respublikasının qanunlarında dəyişiklik edilməsi barədə” Azərbaycan Respublikasının 2019-cu il 3 may tarixli 1585-VQD nömrəli Qanununun tətbiqi və "Notariat haqqında" Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2000-ci il 18 yanvar tarixli 261 nömrəli Fərmanında dəyişiklik edilməsi haqqında Azərbaycan Respublikası Prezidentinin Fərmanı ətraflı...
11 İyun 2019, 08:06
Bakı şəhərində və onun qəsəbələrində təhsil müəssisələrinin tikintisi və təmiri ilə bağlı tədbirlər haqqında Azərbaycan Respublikası Prezidentinin Sərəncamı ətraflı...
7 İyun 2019, 08:06
Z.Ə.Həsənovun “Şöhrət” ordeni ilə təltif edilməsi haqqında Azərbaycan Respublikası Prezidentinin Sərəncamı ətraflı...
4 İyun 2019, 08:06
Azərbaycan Respublikası vətəndaşlarının 2019-cu il iyulun 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında Azərbaycan Respublikası Prezidentinin Sərəncamı ətraflı...
4 İyun 2019, 08:06
“Övladlığagötürmə sahəsində idarəetmənin təkmilləşdirilməsi ilə bağlı tədbirlər haqqında” Azərbaycan Respublikası Prezidentinin 2018-ci il 10 dekabr tarixli 393 nömrəli Fərmanında dəyişiklik edilməsi barədə Azərbaycan Respublikası Prezidentinin Fərmanı ətraflı...