2014-cü il dekabrın 23-nə təyin edilmiş bələdiyyə seçkilərində Azərbaycan Respublikasının Mərkəzi Seçki Komissiyasına daxil olmuş 11 dekabr 2014-cü il tarixli 18 saylı müraciətə baxılmasına dair

Azərbaycan Respublikası Mərkəzi Seçki Komissiyasının QƏRARI

2014-cü il dekabrın 23-nə təyin edilmiş bələdiyyə seçkilərində 111 saylı Zaqatala – Balakən seçki dairəsindən Zaqatala bələdiyyəsi üzrə namizədliyi öz təşəbbüsü ilə irəli sürülmüş İsmayılov Mübariz İsaq oğlu 11 dekabr 2014-cü ildə Azərbaycan Respublikasının Mərkəzi Seçki Komissiyasına yazılı müraciət edərək namizədliyinin qeydə alınması üçün zəruri olan sayda seçici imzası toplayaraq imza vərəqəsi və ona əlavə edilmiş sənədləri dairə seçki komissiyasına təqdim etsə də onun namizədliyinin qeydə alınıb-alınmaması barədə qərarın ona təqdim edilməməsini bildirərək hüquqlarının bərpa edilməsini və dairə seçki komissiyası rəhbərləri barəsində müvafiq tədbir görülməsini xahiş etmişdir.

Şikayət Azərbaycan Respublikası Seçki Məcəlləsinin 112-ci və 112-1-ci maddələrinə və “Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında” Təlimata uyğun olaraq Azərbaycan Respublikası Mərkəzi Seçki Komissiyasının nəzdində yaradılmış ekspert qrupunun üzvü tərəfindən icraata qəbul edilmiş, araşdırılaraq bu barədə rəy verilmiş və komissiyanın iclasında baxılmışdır.

Araşdırma ilə əlaqədar dairə seçki komissiyasından təqdim edilmiş 23 noyabr 2014-cü il tarixli Aktın surətindən müəyyən edilir ki, 2014-cü il dekabrın 23-nə təyin edilmiş bələdiyyə seçkilərində 111 saylı Zaqatala – Balakən seçki dairəsindən Zaqatala bələdiyyəsi üzrə namizədliyi öz təşəbbüsü ilə irəli sürülmüş M.İ.İsmayılov bələdiyyə üzvlüyünə namizədliyinin qeydə alınması üçün imza vərəqəsi və ona əlavə edilmiş digər sənədləri dairə seçki komissiyasına 23 noyabr 2014-cü ildə təqdim etmişdir. M.İ.İsmayılov bu barədə tərtib edilmiş müvafiq Aktı imzalamaqdan imtina etmişdir.

Azərbaycan Respublikası Seçki Məcəlləsinin 58.1-ci maddəsinə əsasən irəli sürülmüş namizədlərin qeydə alınması üçün namizəd və ya siyasi partiyanın, siyasi partiyalar blokunun səlahiyyətli nümayəndəsi səsvermə gününə ən çoxu 50 və ən azı 30 gün qalmış saat 18.00-dək seçki sənədlərini müvafiq seçki komissiyasına təqdim etməlidir. 2014-cü il dekabrın 23-nə təyin edilmiş bələdiyyə seçkilərində namizədliyin qeydə alınması üçün imza vərəqələri və ona əlavə edilmiş digər sənədlərin dairə seçki komissiyasına təqdim edilməsi müddəti 22 noyabr 2014-cü il saat 18:00-da başa çatmışdır.

“Bələdiyyə seçkilərində bələdiyyə üzvlüyünə namizədin müdafiəsi üçün seçici imzalarının toplanması, imza vərəqələrinin və onlara əlavə edilməli olan sənədlərin dairə seçki komissiyasına təqdim edilməsi qaydaları haqqında Təlimat”ın 2.2-ci bəndinə görə yuxarıda göstərilən müddətdən sonra təqdim olunan imza vərəqələri və onlara əlavə edilməli olan sənədlər qanunla müəyyən edilmiş müddətdə verilmiş müvafiq sənədlərin doğurduğu hüquqi nəticəni yaratmır. Dairə seçki komissiyası bu halı öz qərarı ilə rəsmiləşdirməlidir.

111 saylı Zaqatala–Balakən seçki dairəsinin dairə seçki komissiyasının 24 noyabr 2014-cü il tarixli 14/37 saylı qərarı ilə namizədliyi öz təşəbbüsü ilə irəli sürülmüş M.İ.İsmayılovun Azərbaycan Respublikası Seçki Məcəlləsinin 58.1-ci maddəsinin tələblərinin pozulması ilə təqdim etdiyi sənədlər geri qaytarılmışdır.

Qeyd edilməsi zəruridir ki, M.İ.İsmayılov 04 dekabr 2014-cü ildə Mərkəzi Seçki Komissiyasına teleqram göndərərək sənədlərini 111 saylı DSK-ya gec təqdim etməsini etiraf etmiş və gecikməni nəzərə alaraq qeydiyyata alınmasını xahiş etmişdir.

Müraciət etmiş şəxsə araşdırılma aparılması barədə məlumat verilməsi və komissiyanın iclasına dəvət edilməsi onun respublikadan kənarda olması ilə əlaqədar mümkün olmamışdır.

Beləliklə, hərtərəfli, obyektiv və qərəzsiz araşdırma ilə müraciətin təmin edilməsi və dairə seçki komissiyasının qərarının ləğv edilməsi üçün əsaslar müəyyən edilməmişdir.

Göstərilənlərə əsasən şikayət əsassız olduğundan təmin edilməməli, 111 saylı Zaqatala – Balakən seçki dairəsi dairə seçki komissiyasının M.İ.İsmayılovun namizədliyin qeydə alınması üçün Azərbaycan Respublikası Seçki Məcəlləsinin 58.1-ci maddəsinin tələblərinin pozulması ilə təqdim etdiyi sənədlərin geri qaytarılması barədə 24 noyabr 2014-cü il tarixli 14/37 saylı qərarı qüvvədə saxlanılmalıdır.

Yuxarıda göstərilənlər əsas götürülərək Azərbaycan Respublikası Mərkəzi Seçki Komissiyası Seçki Məcəlləsinin 19.4-cü, 28.2-ci, 28.4-cü, 58.1-ci, 112-ci, 112-1-ci maddələrinə və “Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında” Təlimatın 1, 2, 4, 6 və 7-ci bəndlərinə əsasən qərara alır:

1. 111 saylı Zaqatala – Balakən seçki dairəsindən Zaqatala bələdiyyəsi üzrə namizədliyi öz təşəbbüsü ilə irəli sürülmüş İsmayılov Mübariz İsaq oğlunun 11 dekabr 2014-cü il tarixli 18 saylı müraciəti əsassız olduğundan təmin edilməsin.

2. 111 saylı Zaqatala – Balakən seçki dairəsi dairə seçki komissiyasının İsmayılov Mübariz İsaq oğlu barəsində 24 noyabr 2014-cü il tarixli 14/37 saylı qərarı qüvvədə saxlanılsın.

3. Qərar dərc edildiyi gündən qüvvəyə minir.

 

Sədr           Məzahir Pənahov

Müavin        Natiq Məmmədov

 

Katib           Arifə Muxtarova

 

Üzvlər         Şaitdin Əliyev

                  Fuad Cavadov

                  Ramiz İbrahimov

                 Validə Kazımova

                 Qabil Orucov

                  Tofiq Həsənov

                  İlham Məmmədov

                  Azər Tağıyev

                  Tamam Cəfərova

                  Bəxşeyiş Əsgərov

                  Etibar Quliyev

12 Dekabr 2014, 09:12

http://www.azertag.net

10411—10420 / 10511

21 Yanvar 2014, 08:01

Ölkədən getmək, ölkəyə gəlmək və pasportlar haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2013-cü il 19 aprel tarixli 616-IVQD nömrəli Qanununda dəyişiklik edilməsi haqqında” Azərbaycan Respublikasının 2013-cü il 27 dekabr tarixli 860-IVQD nömrəli Qanununun tətbiqi barədə Azərbaycan Respublikası Prezidentinin Sərəncamı   ətraflı...

21 Yanvar 2014, 08:01

“Azərbaycan Respublikasının 2007-ci il 10 aprel tarixli 267-IIIQ nömrəli Qanunu ilə təsdiq edilmiş “Azərbaycan Respublikasına qayıdış şəhadətnaməsinin verilməsi qaydası haqqında Əsasnamə”də dəyişiklik edilməsi barədə” Azərbaycan Respublikasının 2013-cü il 19 aprel tarixli 627-IVQD nömrəli Qanununda dəyişiklik edilməsi haqqında” Azərbaycan Respublikasının 2013-cü il 27 dekabr tarixli 868-IVQD nömrəli Qanununun tətbiqi barədə Azərbaycan Respublikası Prezidentinin Sərəncamı   ətraflı...

17 Yanvar 2014, 09:01

İctimai iştirakçılıq haqqında Azərbaycan Respublikasının Qanunu   ətraflı...

17 Yanvar 2014, 09:01

İlyas Əfəndiyevin 100 illik yubileyinin keçirilməsi haqqında Azərbaycan Respublikası Prezidentinin Sərəncamı   ətraflı...

17 Yanvar 2014, 09:01

2005-ci il noyabrın 25-də Moskva şəhərində imzalanmış “Müstəqil Dövlətlər Birliyinin iştirakçısı olan dövlətlərin ərazisində mütəşəkkil cinayətkarlıq və digər təhlükəli cinayət növləri ilə mübarizənin əlaqələndirilməsi üzrə Büro haqqında Əsasnamə barədə Qərar”ın təsdiq edilməsi haqqında Azərbaycan Respublikası Prezidentinin Fərmanı   ətraflı...

17 Yanvar 2014, 08:01

Azərbaycan Respublikası Prezidentinin 2004-cü il 10 dekabr tarixli 155 nömrəli Fərmanı ilə təsdiq edilmiş “Azərbaycan Respublikasının gömrük orqanlarında ali xüsusi rütbəli vəzifələrin siyahısı”nda dəyişikliklər edilməsi haqqında Azərbaycan Respublikası Prezidentinin Fərmanı   ətraflı...

17 Yanvar 2014, 08:01

Kənd təsərrüfatı və ərzaq məhsulları bazarının fəaliyyətinin təkmilləşdirilməsi sahəsində əlavə tədbirlər haqqında Azərbaycan Respublikası Prezidentinin Sərəncamı   ətraflı...

17 Yanvar 2014, 08:01

“Azərbaycan Respublikasının Dövlət Gömrük Komitəsi haqqında Əsasnamənin və Komitənin strukturunun təsdiq edilməsi barədə” Azərbaycan Respublikası Prezidentinin 2012-ci il 4 iyun tarixli 646 nömrəli Fərmanında dəyişikliklər edilməsi haqqında Azərbaycan Respublikası Prezidentinin Fərmanı   ətraflı...

17 Yanvar 2014, 08:01

“İctimai iştirakçılıq haqqında” Azərbaycan Respublikasının 2013-cü il 22 noyabr tarixli 816-IVQ nömrəli Qanununun tətbiqi barədə Azərbaycan Respublikası Prezidentinin Fərmanı   ətraflı...

15 Yanvar 2014, 08:01

Naxçıvan Muxtar Respublikasının 90 illik yubileyinin keçirilməsi haqqında Azərbaycan Respublikası Prezidentinin Sərəncamı   ətraflı...