23 dekabr 2014-cü ilə təyin edilmiş bələdiyyə seçkilərində dairə seçki komissiyalarının trenerləri və aşağı seçki komissiyaları üzvləri üçün treninqlərin təşkilinə dair

Azərbaycan Respublikası Mərkəzi Seçki Komissiyasının QƏRARI

Azərbaycan Respublikası Mərkəzi Seçki Komissiyası aşağı seçki komissiyaları üzvlərinin peşə hazırlığının artırılması,

seçki sahəsində onların bilik, bacarıq və işgüzar vərdişlərinin, habelə digər seçki subyektlərinin seçki prosesində

fəaliyyətinin təkmilləşdirilməsi məqsədilə öz səlahiyyətləri daxilində mütəmadi olaraq müxtəlif səpkili maarifləndirmə

layihələri və tədbirləri həyata keçirmişdir.

Azərbaycan Respublikası Prezidentinin 28 dekabr 2006-cı və 27 dekabr 2011-ci il tarixli Sərəncamları ilə təsdiq

edilmiş “Azərbaycan Respublikasında İnsan hüquqlarının müdafiəsi üzrə” və “Azərbaycan Respublikasında insan

hüquq və azadlıqlarının müdafiəsinin səmərəliliyini artırmaq sahəsində” Milli Fəaliyyət Plan və Proqramlarından irəli

gələn vəzifələrin icrası ilə əlaqədar aşağı seçki komissiyaları üzvləri üçün seçki hüququ üzrə ixtisaslaşdırılmış kursların

daha səmərəli təşkilinə nail olunmuş, prosesin davamlılığının təmin edilməsi və keyfiyyətinin daha da artırılması üçün

sanballı hüquqi zəmin yaranmışdır.

Əyani vəsait və proqramlardan istifadə olunmaqla, 36 nəfərdən çox olmayan qruplara bölünən aşağı seçki

komissiyaları üzvləri üçün müxtəlif beynəlxalq qurumlarla birlikdə yerlərdə təşkil edilmiş treninqlərin tətbiqinə dair

təcrübənin əsası hələ 2002-ci ildən qoyulmuş, sonradan hər dairə seçki komissiyasından 2 nəfər olmaqla bu sahədə

ixtisaslaşmış trenerlərin hazırlanması ilə daha da təkmilləşmişdir.

Hazırda maarifləndirmə sahəsində istiqamətverici hüquqi aktların seçki komissiyalarına aid olan hissədə icrasının təmin

edilməsi və cari il dekabrın 23-nə təyin edilmiş bələdiyyə seçkilərinin təşkilinin daha da təkmilləşdirilməsi məqsədilə,

müxtəlif yerli və beynəlxalq subyektlər tərəfindən səmərəli maarifləndirmə vasitəsi kimi yüksək qiymətləndirilmiş və

praktikada özünü doğrultmuş bu təcrübənin davam etdirilməsi zərurəti yaranmışdır.

İrimiqyaslı maarifləndirmə tədbirlərinin davamı olaraq, qarşıdan gələn seçkilərdə mövcud dairə seçki komissiyalarının

trenerləri üçün Bakı şəhərində 4 günlük “trenerlərin treninqi”nin təşkil edilməsi, habelə fəaliyyətdə olan dairə və

məntəqə seçki komissiyalarının bütün üzvləri üçün regionlarda, hər qrupa 36 nəfərdən çox olmayaraq komissiya üzvü

cəlb edilməklə formalaşmış təcrübəyə uyğun olaraq treninqlərin keçirilməsi məqsədəmüvafiq hesab edilmişdir. Artıq

təşkilati işlərin yüksək səviyyədə həyata keçirilməsinin təmin edilməsi üçün lazım olan müvafiq maarifləndirmə material

və vasitələrinin hazırlanması və digər zəruri hazırlıq işləri də başa çatmışdır.

Qeyd edilənləri əsas götürərək, Azərbaycan Respublikasının Mərkəzi Seçki Komissiyası Azərbaycan Respublikası

Seçki Məcəlləsinin 19.4-cü, 19.14-cü, 28.2-ci və 28.4-cü maddələrinə uyğun olaraq qərara alır:

1. 2014-cü ilin dekabrın 23-nə təyin edilmiş bələdiyyə seçkiləri ilə əlaqədar aşağıda göstərilən subyektlər üçün, qeyd

edilən qaydada və müddətdə treninqlər keçirilsin:

1.1 Mövcud dairə seçki komissiyalarının hər birindən 2 nəfər trener olmaqla 17-20 noyabr 2014-cü ildə, Bakı

şəhərində 4 günlük “trenerlər üçün treninqlər”.

1.2 Mövcud dairə və məntəqə seçki komissiyalarının bütün üzvləri üçün 25 noyabr 2014-cü ildən başlayaraq müvafiq

dairə seçki komissiyalarının inzibati binalarında treninqlər.

2. Treninqlərin təşkili ilə əlaqədar zəruri olan maddi-texniki təchizat tədbirləri görülsün.

3. Mərkəzi Seçki Komissiyası və dairə seçki komissiyaları öz səlahiyyətləri daxilində bu qərarın icrası ilə əlaqədar

müvafiq tədbirlər görsün.

 

Sədr Məzahir Pənahov

Katib Arifə Muxtarova

Katib MikayılRəhimov

 

17 Noyabr 2014, 09:11

http://www.azertag.net

9291—9300 / 10511

11 Noyabr 2014, 09:11

Gədəbəy rayonunun Gədəbəy-Novosaratovka-Qaravəlilər avtomobil yolunun tikintisi ilə bağlı əlavə tədbirlər haqqında   ətraflı...

11 Noyabr 2014, 09:11

S.Ə. Kəriminin “Şöhrət” ordeni ilə təltif edilməsi haqqında   ətraflı...

11 Noyabr 2014, 09:11

B.A. Ağarəhimova “Əməkdar mühəndis” fəxri adının verilməsi haqqında   ətraflı...

11 Noyabr 2014, 09:11

Azərbaycan Respublikası Dövlət Neft Şirkəti işçilərinin təltif edilməsi haqqında   ətraflı...

7 Noyabr 2014, 09:11

Lənkəran şəhərinin Liman-Nərimanabad-Balıqçılar avtomobil yolunun tikintisi ilə bağlı əlavə tədbirlər haqqında   ətraflı...

6 Noyabr 2014, 09:11

Bəzi dairə seçki komissiyalarının tərkibində dəyişiklik edilməsi barədə   ətraflı...

6 Noyabr 2014, 09:11

2014-cü il dekabrın 23-nə təyin edilmiş bələdiyyə seçkilərində Milli Dirçəliş Hərəkatı Partiyasının səlahiyyətli nümayəndələrinin qeydə alınması haqqında   ətraflı...

6 Noyabr 2014, 09:11

2014-cü il dekabrın 23-nə təyin edilmiş bələdiyyə seçkilərində seçki komissiyalarının səsvermənin nəticələrinə dair yekun protokollarının hazırlanma qaydası və sayı barədə   ətraflı...

6 Noyabr 2014, 09:11

Mərkəzi Seçki Komissiyasının 31 oktyabr 2014-cü il tarixli iclas protokolunun təsdiq edilməsi barədə   ətraflı...

6 Noyabr 2014, 09:11

Gəncə Dövlət Tarix-Mədəniyyət Qoruğu ərazisindəki “İmamzadə” kompleksində bərpa işlərinin aparılması haqqında   ətraflı...