Azərbaycan Respublikası Prezidentinin 2007-ci il 19 mart tarixli 560 nömrəli Fərmanı ilə təsdiq edilmiş “Azərbaycan Respublikasının Dövlət Miqrasiya Xidməti haqqında Əsasnamə”də dəyişikliklər edilməsi barədə

Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, Azərbaycan Respublikası Prezidentinin 2007-ci il 19 mart tarixli 560 nömrəli Fərmanı ilə təsdiq edilmiş “Azərbaycan Respublikasının Dövlət Miqrasiya Xidməti haqqında Əsasnamə”ni Azərbaycan Respublikasının Miqrasiya Məcəlləsinə uyğunlaşdırmaq məqsədi ilə qərara alıram:

Azərbaycan Respublikası Prezidentinin 2007-ci il 19 mart tarixli 560 nömrəli Fərmanı (Azərbaycan Respublikasının Qanunvericilik Toplusu, 2007, № 3, maddə 239; 2008, № 1, maddə 4, № 3, maddə 168, № 8, maddə 722, № 11, maddə 970; 2009, № 1, maddə 11, № 4, maddə 221, № 7, maddə 532, № 12, maddə 983; 2010, № 2, maddə 83, № 3, maddə 193, № 7, maddə 625; 2011, № 2, maddə 85, № 3, maddə 178, № 11, maddə 994; 2012, № 4, maddə 287; 2013, № 2, maddə 121, № 5, maddə 513, № 9, maddə 1044, № 12, maddə 1551) ilə təsdiq edilmiş “Azərbaycan Respublikasının Dövlət Miqrasiya Xidməti haqqında Əsasnamə”də aşağıdakı dəyişikliklər edilsin:

1. 9.6-cı bənddən “qanunvericiliklə müəyyən edilmiş müddətdən artıq” sözləri çıxarılsın və həmin bənddə “həll etmək” sözlərindən sonra “, habelə məsələ müsbət həll edildikdə, həmin şəxslərə Azərbaycan Respublikasında müvəqqəti olma müddətinin uzadılması barədə qərarın verilməsini təmin etmək” sözləri əlavə edilsin.

2. 9.7-ci bənddə “yaşamaq üçün icazə, habelə daimi yaşamaq üçün immiqrant statusu vermək” sözləri “və ya daimi yaşamaq üçün icazə vermək, o cümlədən həmin şəxslərə Azərbaycan Respublikasında müvəqqəti və ya daimi yaşamaq üçün icazə vəsiqəsinin verilməsini təmin etmək” sözləri ilə əvəz edilsin.

3. 9.8-ci bənddə “müvəqqəti” sözündən sonra “və ya daimi” sözləri əlavə edilsin və həmin bənddən “, həmçinin immiqrant statusundan məhrum edilməsi ilə bağlı müvafiq tədbirlər görmək” sözləri çıxarılsın.

4. 9.11-1-ci bənddən “Azərbaycan Respublikasının ərazisində əcnəbi işçi qüvvəsini cəlb etmək və ondan istifadə etmək üçün icazə vermək,” sözləri çıxarılsın və həmin bənddə (hər iki halda) “fərdi icazələri” sözləri “iş icazələrini” sözləri ilə əvəz edilsin.

5. Aşağıdakı məzmunda 9.11-2-ci bənd əlavə edilsin:

“9.11-2. iş icazəsinin qüvvədə olma qaydalarına nəzarət etmək;”.

6. 9.12-ci bənddə “fərdi icazələrə” sözləri “iş icazələrinə” sözləri ilə əvəz edilsin.

7. 9.14-cü bənddə “tədbirlər görmək” sözlərindən sonra “və həmin tədbirləri əlaqələndirmək” sözləri əlavə edilsin.

8. Aşağıdakı məzmunda 9.20-1-ci bənd əlavə edilsin:

“9.20-1. Azərbaycan Respublikasının hüdudlarından kənara çıxarılan və sərhədkeçmə sənədləri olmayan əcnəbilərə və vətəndaşlığı olmayan şəxslərə Azərbaycan Respublikasının Miqrasiya Məcəlləsi ilə müəyyən edilmiş hallarda səyahət sənədi vermək;”.

9.9.21-1-ci bənddə “fərdi icazəsi” sözləri “iş icazəsi” sözləri ilə əvəz edilsin.

10.10.3-cü bənddə “müvəqqəti olma” sözləri “müvəqqəti olma müddətinin uzadılması” sözləri ilə, “fərdi icazələr” sözləri “iş icazələri” sözləri ilə əvəz edilsin.

11.10.8-ci bənd aşağıdakı redaksiyada verilsin:

“10.8. aidiyyəti dövlət orqanlarının iştirakı ilə Azərbaycan Respublikasında yaşayan əcnəbilər və vətəndaşlığı olmayan şəxslər üçün Azərbaycan dilinin, tarixinin, mədəniyyətinin, əcnəbilərin və vətəndaşlığı olmayan şəxslərin hüquq və vəzifələri ilə bağlı qanunvericiliyin öyrənilməsi üzrə təlim-tədris işini təşkil etmək;”.

12.10.11-ci bənddə “immiqrant və qaçqın statuslarından” sözləri “qaçqın statusundan” sözləri ilə əvəz edilsin.

 

İlham Əliyev

Azərbaycan Respublikasının Prezidenti

 

Bakı şəhəri, 11 sentyabr 2014-cü il.

 

12 Sentyabr 2014, 09:09

© 2013, «LegalActs» LLC, All rights reserved
The Website Use Agreement