Azərbaycan Respublikası Nazirlər Kabinetinin 2010-cu il 14 dekabr tarixli 235 nömrəli qərarı ilə təsdiq edilmiş "Doktoranturalar yaradılan Azərbaycan Respublikasının ali təhsil müəssisələrinin və elmi təşkilatların Siyahısı"nda dəyişikliklər edilməsi haqqında

AZƏRBAYCAN   RESPUBLİKASININ

NAZİRLƏR  KABİNETİ

QƏRAR

№ 199

Bakı şəhəri, 25 iyun 2014-cü il

Azərbaycan Respublikası Nazirlər Kabinetinin 2010-cu il 14 dekabr tarixli   235   nömrəli   qərarı   ilə   təsdiq  edilmiş  "Doktoranturalar yaradılan Azərbaycan Respublikasının ali təhsil müəssisələrinin və elmi təşkilatların Siyahısı"nda dəyişikliklər edilməsi haqqında

Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, Azərbaycan Respublikası Müdafiə Nazirliyinin və Azərbaycan Milli Elmlər Akademiyasının təkliflərini nəzərə alaraq Azərbaycan Respublikasının Nazirlər Kabineti QƏRARA ALIR:

1. Azərbaycan Respublikası Nazirlər Kabinetinin 2010-cu il  14 dekabr tarixli 235 nömrəli qərarı (Azərbaycan Respublikasının Qanunvericilik Toplusu, 2010, №12, maddə 1117; 2011, №9, maddə 853; 2013, №7, maddə 883, №10, maddə 1232; 2014, №1, maddə 57) ilə təsdiq edilmiş "Doktoranturalar yaradılan Azərbaycan Respublikasının ali təhsil müəssisələrinin və elmi təşkilatların Siyahısı"nda aşağıdakı dəyişikliklər edilsin:

1.1. "Azərbaycan Respublikasının Ədliyyə Nazirliyi üzrə" bölməsindən sonra aşağıdakı məzmunda "Azərbaycan Respublikasının Müdafiə Nazirliyi üzrə" bölməsi əlavə edilsin:

 

Azərbaycan Respublikasının Müdafiə Nazirliyi üzrə
1.	Silahlı Qüvvələrin Hərbi Akademiyası	fəlsəfə doktoru üzrə	elmlər doktoru üzrə

 

1.2. "Azərbaycan  Milli   Elmlər  Akademiyası  üzrə"  bölməsində "Ə.Hüseynov adına  Kibernetika  İnstitutu"  sözləri  "İdarəetmə  Sistemləri   İnstitutu"   sözləri    ilə, "Akad. M.Nağıyev adına  Kimya  Problemləri  İnstitutu"  sözləri   "Akademik M.Nağıyev   adına   Kataliz   və  Qeyri-üzvi   Kimya İnstitutu" sözləri ilə, "Geologiya İnstitutu" sözləri  "Geologiya və Geofizika İnstitutu" sözləri ilə, "Mərdəkan Dendrarisi" sözləri "Dendrologiya İnstitutu" sözləri ilə, "Fəlsəfə, Sosiologiya və Hüquq İnstitutu" sözləri "Fəlsəfə və Hüquq İnstitutu" sözləri ilə əvəz edilsin.

2. Bu qərar imzalandığı gündən qüvvəyə minir.

 Azərbaycan Respublikasının Baş naziri   Artur Rasi-zadə

7 İyul 2014, 09:07

© 2013, «LegalActs» LLC, All rights reserved
The Website Use Agreement