Ağdaş və Göyçay rayonlarında yaşayış məntəqələrinin qazlaşdırılması ilə bağlı əlavə tədbirlər haqqında
Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

1. Ağdaş və Göyçay rayonlarında ərazi vahidlərinin, o cümlədən yeni yaşayış massivlərinin (siyahı əlavə olunur) qazlaşdırılması işlərinin davam etdirilməsi məqsədilə “Azərbaycan Respublikasının 2020-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.11.1-ci yarımbəndində göstərilmiş məbləğin 11,97 milyon (on bir milyon doqquz yüz yetmiş min) manatı Azərbaycan Respublikasının Dövlət Neft Şirkətinə ayrılsın.

2. Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etsin.

3. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.

İlham Əliyev

Azərbaycan Respublikasının Prezidenti

Bakı şəhəri, 12 mart 2020-ci il.

Ağdaş və Göyçay rayonlarında 2020-ci ildə qazlaşdırılması nəzərdə tutulan ərazi vahidlərinin SİYAHISI

Azərbaycan Respublikası Prezidentinin

 2020-ci il 12 mart tarixli Sərəncamı ilə

                                                                təsdiq edilmişdir

 

Sıra №-si	Ərazi vahidləri
	Ağdaş rayonu
1.	Ağcaqovaq kəndi
2.	Aşağı Qobuüstü kəndi
3.	Eymur kəndi
4.	Ərəbşəki kəndi
5.	Hacılar kəndi
6.	Qobuüstü kəndi
7.	Malay kəndi
8.	Mürsəl kəndi
9.	Şıxlı kəndi
10.	Yenikənd kəndi
11.	Yuxarı Nemətabad kəndi
	Göyçay rayonu
1.	Yenikənd kəndi

13 Mart 2020, 08:03

© 2013, «LegalActs» LLC, All rights reserved
The Website Use Agreement