Azərbaycan Respublikası Prezidentinin 2001-ci il 3 noyabr tarixli 596 nömrəli Fərmanı ilə təsdiq edilmiş “Reklam yayımına icazə (razılıq) verilməsi Qaydaları”nda dəyişikliklər edilməsi haqqında

Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, Azərbaycan Respublikası Prezidentinin 2001-ci il 3 noyabr tarixli 596 nömrəli Fərmanı ilə təsdiq edilmiş “Reklam yayımına icazə (razılıq) verilməsi Qaydaları”nı “Avtomobil yolları haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2013-cü il 14 may tarixli 648-IVQD nömrəli Qanununun tətbiqi haqqında” Azərbaycan Respublikası Prezidentinin 2013-cü il 2 iyul tarixli 933 nömrəli Fərmanına uyğunlaşdırmaq məqsədi ilə qərara alıram:

Azərbaycan Respublikası Prezidentinin 2001-ci il 3 noyabr tarixli 596 nömrəli Fərmanı (Azərbaycan Respublikasının Qanunvericilik Toplusu, 2001, №11, maddə 704; 2003, №10, maddə 563; 2004, №12, maddə 1005; 2005, №2, maddə 69; 2008, №1, maddə 8; 2012, №11, maddə 1082; 2013, №5, maddə 497) ilə təsdiq edilmiş “Reklam yayımına icazə (razılıq) verilməsi Qaydaları”nda aşağıdakı dəyişikliklər edilsin:

1. 1.2-ci və 3.2-ci bəndlərdə “yol və yolətrafı zonalarda” sözləri “avtomobil yollarının təhkim və ya qorunma (mühafizə) zolağında” sözləri ilə əvəz edilsin.

2. 2.6-cı bəndin yeddinci abzasında “rəyi” sözü “razılığı” sözü ilə əvəz edilsin.

3. 3-cü hissənin adında, 3.1-ci və 3.5-ci bəndlərdə “Yol və yolətrafı zonalarda” sözləri “Avtomobil yollarının təhkim və ya qorunma (mühafizə) zolağında” sözləri ilə əvəz edilsin.

 

İlham Əliyev

Azərbaycan Respublikasının Prezidenti

 

Bakı şəhəri, 20 oktyabr 2014-cü il.

21 октября 2014, 09:10

© 2013, «LegalActs» LLC, All rights reserved
The Website Use Agreement